சென்னையின் 2 எல்லைகளை இணைக்க போகும்.. பிரம்மாண்ட மெட்ரோ.. தொடங்கிய பணிகள்.. பெரிய சர்ப்ரைஸ்

சென்னை: ஆசிய உள்கட்டமைப்பு முதலீட்டு வங்கியின் (AIIB) அதிகாரிகள், சென்னையின் புதிய மெட்ரோ ரயில் திட்டப் பணிகளை ஆய்வு செய்வதற்காக நவம்பர் 11 மற்றும் 12, 2025 அன்று சென்னைக்கு வருகை தந்தனர். சென்னை மெட்ரோ ரயில் லிமிடெட் (CMRL) செயல்படுத்தும் இந்த திட்டங்களை அவர்கள் பார்வையிட்டனர்.

AIIB அணியில் தென்கிழக்கு ஆசியாவின் மூத்த பொதுத்துறை போக்குவரத்து நிபுணர் ஆண்ட்ரஸ் பிஸாரோ மற்றும் போக்குவரத்து முதலீட்டு அதிகாரி சந்தோஷ் ஆகியோர் இடம்பெற்றனர். இவர்கள் சென்னை மெட்ரோ ரயில் லிமிடெட்டின் நிர்வாக இயக்குனர் மற்றும் மூத்த அதிகாரிகளுடன் சென்னையின் வரவிருக்கும் மெட்ரோ மேம்பாடுகள் குறித்து விரிவாக விவாதித்தனர்.

சென்னை மெட்ரோ

இந்த சந்திப்பிற்குப் பிறகு, பிரதிநிதிகள் குழு முக்கிய திட்டப் பகுதிகளை ஆய்வு செய்தது. நவம்பர் 11, 2025 அன்று, விமான நிலையம் முதல் கிளாம்பாக்கம் வரையிலான 15.46 கி.மீ. நீள வழித்தடத்தில் கிளாம்பாக்கம் பேருந்து முனையம் உட்பட ஆய்வு செய்தனர். மேலும், ஆவடி வழியாக பட்டாபிராம் முதல் கோயம்பேடு வரையிலான 21.76 கி.மீ. நீள வழித்தடத்தையும் பார்வையிட்டனர்.

நவம்பர் 12, 2025 அன்று, அதிகாரிகள் பூந்தமல்லி பைபாஸ் முதல் சுங்குவார்சத்திரம் வரையிலான 28 கி.மீ. நீள வழித்தடப் பகுதியைப் பார்வையிட்டனர். இந்த கள ஆய்வின்போது திட்ட இயக்குநர் டி. அர்ச்சனன், இணைப் பொது மேலாளர் (திட்டமிடல் மற்றும் வணிக மேம்பாடு) நரேந்திர குமார் மற்றும் பிற மூத்த அதிகாரிகள் உடன் சென்றனர்.

இந்த வருகை, இந்தியாவின் உள்கட்டமைப்பு வளர்ச்சிக்கு AIIB வழங்கும் ஆதரவையும், சென்னை மெட்ரோ ரயில் லிமிடெட்டுடன் இணைந்து நிலையான நகர்ப்புற போக்குவரத்து அமைப்புகளை மேம்படுத்துவதற்கான அதன் உறுதிப்பாட்டையும் எடுத்துக்காட்டுகிறது. கிளாம்பாக்கத்தில் அமைந்துள்ள கலைஞர் நூற்றாண்டு பேருந்து நிலையத்திற்கு (KCBT) அருகில் மிகப்பெரிய மெட்ரோ ரயில் நிலையம் அமைக்கப்பட உள்ளது.

சென்னை விமான நிலையத்திலிருந்து மெட்ரோ ரயில் விரிவாக்கம் செய்யப்பட உள்ளது. இங்கே மெட்ரோ ரயில் நிலையத்துடன் நவீன வணிக வளாகம் அமையவுள்ளது. இந்த வளாகத்தில் வாகன நிறுத்துமிடங்கள், கடைகள், ஏடிஎம்கள் மற்றும் தங்கும் அறைகள் உள்ளிட்ட வசதிகள் இடம்பெறும்.

சென்னை மெட்ரோ ரயில் லிமிடெட் (CMRL) நிறுவனம் சார்பாக ஏர்போர்ட்டில் இருந்து கிளாம்பாக்கம் பேருந்து நிலையம் வரை மெட்ரோ அமைக்கப்பட உள்ளது. இந்த விரிவாக்கத்திற்காக 60 ஏக்கர் நிலத்தை கையகப்படுத்தும் செயல்முறையை மெட்ரோ தொடங்கி உள்ளது. 15.5 கிமீ தூரத்திற்கு சென்னை விமான நிலையத்தை கிளாம்பாக்கம் பேருந்து நிலையத்துடன் (KCBT) இணைக்கும் வகையில் இந்த மெட்ரோ அமைக்கப்பட உள்ளது

இந்த விமான நிலையம்-கிளாம்பாக்கம் வழித்தடமானது, 15.46 கி.மீ., தூரத்திற்கு அமைக்கப்படும். ஜி.எஸ்.டி., சாலையில், முழுவதுமாக உயர்த்தப்பட்ட பாதையாக இது அமைக்கப்படும். பல்லாவரம், குரோம்பேட்டை, திரு வி கா நகர், தாம்பரம், இரும்புலியூர், பெருங்களத்தூர், வண்டலூர், அண்ணா உயிரியல் பூங்கா, கிளாம்பாக்கம் ஆகிய இடங்களில் நிலையங்கள் அமைக்கப்பட உள்ளன.

கிளாம்பாக்கம் மெட்ரோ

மெட்ரோ ரயில் நீட்டிப்பு திட்டத்திற்காக, நிலம் கையகப்படுத்தவும், பயன்பாட்டு வசதிகளை மாற்றியமைக்கவும் தமிழ்நாடு அரசு ₹1,964 கோடி நிதி ஒதுக்கியுள்ளது. மொத்தம் 15.46 கி.மீ. தூரத்திற்கு அமையவுள்ள இத்திட்டத்தால் கிளாம்பாக்கம் பேருந்து நிலையத்திற்கு நேரடி மெட்ரோ அணுகல் கிடைக்கும்.

புதிய வழித்தடத்தில் விமான நிலையம், பல்லாவரம், தாம்பரம் மற்றும் கிளாம்பாக்கம் ஆகிய இடங்களில் புதிய மெட்ரோ ரயில் நிலையங்கள் கட்டப்படவுள்ளன. இந்த திட்டம் அடுத்த மூன்று ஆண்டுகளுக்குள் நிறைவடையும் என அதிகாரிகள் தெரிவித்துள்ளனர்.

கிளாம்பாக்கம் மெட்ரோ பணிகள் தொடக்கம்

சென்னை விமான நிலையம் - கிளாம்பாக்கம் மெட்ரோ ரயில் நீட்டிப்புத் திட்டத்திற்கு தமிழக அரசு நிர்வாக அனுமதி அளித்து ₹1,964 கோடி நிதி ஒதுக்கியுள்ளது. 15.46 கி.மீ. நீளமுள்ள இத்திட்டத்திற்கான நிலம் கையகப்படுத்துதல் மற்றும் பயன்பாட்டுப் பணிகளுக்கான ஆரம்பக்கட்டப் பணிகளுக்கு இந்த நிதி பயன்படுத்தப்படும்.

இந்த வழித்தடம், முதற்கட்ட மெட்ரோ ரயில் திட்டத்தின் நீட்டிப்பாக அமையும். முதற்கட்டத் திட்டம், சென்னை விமான நிலையத்தை வட சென்னையுடன், சென்னை சென்ட்ரல் வழியாக நீல மற்றும் பச்சை வழித்தடங்களில் இணைக்கிறது. கிளாம்பாக்கம் வரை இந்த வழித்தடம் நீட்டிக்கப்பட்டால், கிளாம்பாக்கம் பேருந்து நிலையம் சென்னையின் அனைத்துப் பகுதிகளுடனும் இணைக்கப்படும்.

இந்த 15.46 கி.மீ. நீள வழித்தடத்தில், பல்லாவரத்தில் இருந்து தாம்பரம் வரை 12.64 கி.மீ. தூரத்திற்கு உயர்மட்டச் சாலையும் அமைக்கப்படவுள்ளது. இந்த நீட்டிப்புத் திட்டத்தின் மொத்தச் செலவு ₹9,335 கோடியாக மதிப்பிடப்பட்டுள்ளது. இதில் உயர்மட்டச் சாலையின் கட்டுமானச் செலவு ₹2,281 கோடி அடங்கும்.

English summary

Airport to Kilaampakkam: AIIB Officials Visit on Upcoming Chennai Metro Rail Project Sites