தவெக கட்சி ஆபீஸ் வாசலில் அஜிதா தர்ணா.. பின்வாசல் வழியாக நைசாக எஸ்கேப் ஆன புஸ்ஸி ஆனந்த்

Updated: Tuesday, December 23, 2025, 19:17 [IST]

Subscribe to Oneindia Tamil

சென்னை: சென்னை பனையூரில் தவெக தலைமை அலுவலக வாசல் முன்பு அமர்ந்து தூத்துக்குடியை சேர்ந்த பெண் நிர்வாகி அஜிதா தர்ணா போராட்டத்தில் ஈடுபட்டு வருகிறார். இந்த நிலையில் தவெக பொதுச்செயலாளர் என் ஆனந்த் பின்வாசல் வழியாக பனையூர் அலுவலகத்தில் இருந்து வெளியே வந்து காரில் ஏறி அங்கிருந்து கிளம்பி சென்றுள்ளார்.

ஒரு மணி நேரத்திற்கும் மேலாக அஜிதா பனையூர் தலைமை அலுவலகம் முன் வாசலில் அமர்ந்து போராட்டம் செய்து வரும் நிலையில் பெண்களுக்கு முக்கியத்துவம் அளிக்கப்படும் என்று கூறி வரும் தவெகவினர் அஜிதாவுக்கு எந்த ஒரு பதிலும் அளிக்காதது விமர்சனத்துக்கு உள்ளாகியுள்ளது.

தவெக பெண் நிர்வாகி தர்ணா

தூத்துக்குடி மத்திய மாவட்ட செயலாளராக எஸ்டிஆர் சாமுவேல் ராஜ் நியமனம் செய்து விஜய் அறிவிப்பு வெளியிட்டுள்ளார். மத்திய மாவட்ட செயலாளராக தன்னை அறிவிக்க வேண்டும் என அஜிதா ஆக்னஸ் போராட்டம் நடத்தி வரும் நிலையில் விஜய் இந்த அறிவிப்பினை வெளியிட்டுள்ளார்.

முன்னதாக தூத்துக்குடி மத்திய மாவட்ட செயலாளராக தன்னை நியமிக்க வேண்டும் என வலியுறுத்தி விஜய் காரை மறித்த நிலையில் காரை நிறுத்தாமல் விஜய் அங்கிருந்து புறப்பட்டு சென்றார். தொடர்ந்து அஜிதா தவெக தலைமை அலுவலக வாசலில் அமர்ந்து தர்ணா போராட்டத்தில் ஈடுபட்டார். அவரது ஆதரவாளர்களும் சாலையில் அமர்ந்து தர்ணா போராட்டத்தில் ஈடுபட்டனர்.

பின் வாசல் வழியாக சென்ற புஸ்ஸி

அப்போது நிர்மல் குமார் அஜிதாவை உள்ளே வருமாறு அழைத்த நிலையில் விஜய் வந்து அழைத்தால் தான் வருவோம் என அமர்ந்து தர்ணாவில் ஈடுபட்டனர். தூத்துக்குடியில் 2 ஆண்டுகளாக கட்சி பணிகளை செய்து வந்த எங்களுக்கு பதவி கொடுக்கவில்லை என்றும் விஜய் வந்து பேச வேண்டும். இல்லையென்றால் நாங்கள் இங்கிருந்து போக மாட்டோம்.. சாகும் வரைக்கும் இந்த இடத்தில் தான் இருப்போம் என கட்சி அலுவலக வாசலில் அமர்ந்து தர்ணா போராட்டத்தில் ஈடுபட்டனர்.

இந்த நிலையில் தான் தவெக பொதுச்செயலாளர் என் ஆனந்த் பின்வாசல் வழியாக கட்சி அலுவலத்தில் இருந்து வெளியே புறப்பட்டு சென்றுள்ளார். ஒரு மணி நேரத்திற்கும் மேலாக அஜிதா பனையூர் தலைமை அலுவலகம் முன் வாசலில் அமர்ந்து போராட்டம் செய்து வரும் நிலையில் பெண்களுக்கு முக்கியத்துவம் அளிக்கப்படும் என்று கூறி வரும் தவெகவினர் அஜிதாவுக்கு எந்த ஒரு பதிலும் அளிக்காதது விமர்சனத்துக்கு உள்ளாகியுள்ளது.