நடிகர் சங்கத்தில் நடந்த திடீர் கொண்டாட்டம்.. கார்த்தி தலைக்கேறிய பரிவட்டம்.. அன்னதானத்துடன் விழா

Updated: Saturday, September 7, 2024, 15:21 [IST]

Subscribe to Oneindia Tamil

சென்னை: நடிகர் சங்கம் சார்பில் சென்னையில் இன்று நடந்த கொண்டாட்டத்தில் நடிகர் கார்த்திக்கு பரிவட்டம் கட்டப்பட்டது. அதன்பிறகு அவர் அனைவருக்கும் அன்னதானம் வழங்கினார். இதுதொடர்பான வீடியோ பரவி வரும் நிலையில் அதன் பின்னணி பற்றி பார்க்கலாம்.

நடிகர் கார்த்தி தற்போது ‛மெய்யழகன்' என்ற திரைப்படத்தில் நடித்துள்ளார். இது அவரது 27 வது திரைப்படமாகும். இந்த படத்தை 96 திரைப்படத்தின் இயக்குநர் பிரேம் குமார் இயக்கி உள்ளார். கோவிந்த் வசந்தா இசையமைத்தார்.

திரைப்படத்தில் அர்விந்த் சாமி, ஸ்ரீ திவ்யா, ராஜ்கிரண், ஜெயபிரகாஷ் ஆகியோர் முக்கிய கதாபாத்திரங்களில் நடித்துள்ளனர். சூர்யாவும் ஜோதிகாவும் இணைந்து தயாரித்துள்ளனர். இந்த திரைப்படம் செப்டம்பர் 27ம் தேதி வெளியாக உள்ளது.

தற்போது படத்துக்கான புரோமோஷன் விழாவில் நடிகர் கார்த்தி பங்கேற்று வருகிறார். இந்நிலையில் தான் இன்று சென்னை நடிகர் சங்கத்தில் கார்த்திக்கிற்கு பரிவட்டம் கட்டி விழா கொண்டாடப்பட்டுள்ளது. அதாவது இன்று விநாயகர் சதுர்த்தி கொண்டாடப்பட்டு வருகிறது. இதன் ஒரு பகுதியாக சென்னையில் உள்ள தென்னிந்திய நடிகர் சங்கத்தில் விநாயகர் சதுர்த்தி கொண்டாடப்பட்டது. கார்த்தி பொருளாளராக இருக்கிறார்.

இந்நிலையில் தான் நடிகர் கார்த்திக்கிற்கு பரிவட்டம் கட்டப்பட்டது. அதேபோல் அவருடன் இருந்த பிற நிர்வாகிகளுக்கும் பரிவட்டம் கட்டப்பட்டது. விநாயகருக்கு சிறப்பு பூஜைகள் செய்யப்பட்டு அன்னதானம் வழங்கப்பட்டது. நடிகர் கார்த்தி உள்பட அவருடன் இருந்த நிர்வாகிகள் அன்னதானம் வழங்கினர்.

நாடு முழுவதும் இன்று விநாயகர் சதுர்த்தி பண்டிகை கொண்டாடப்பட்டு வருகிறது. விநாயகர் சிலைகளை வைத்து வழிபாடு நடத்த பல கட்டுப்பாடுகள் என்பது விதிக்கப்பட்டுள்ளது. இதனை பின்பற்றி பொதுமக்கள் தங்களின் வீடுகள், அலுவலகங்களில் விநாயகர் சிலையை வைத்து வழிபாடு நடத்தி வருகின்றனர். அதேபோல் பொது இடங்களிலும் போலீசாரின் அனுமதியுடன் விநாயகர் சிலைகள் வைக்கப்பட்டு பிரதிஷ்டை செய்யப்பட்டு உள்ளது.

இதுதவிர கோவில்களிலும் விநாயகர் சதுர்த்தி கொண்டாடப்பட்டு வருகிறது. இந்நிலையில் தான் நடிகர் சங்கம் சார்பில் சென்னையில் விநாயகர் சதுர்த்தி என்பது கொண்டாடப்பட்டுள்ளது. ஆனால் இந்த விழாவில் மிகவும் குறைவானவர்கள் மட்டுமே பங்கேற்று இருந்தனர் என்பது குறிப்பிடத்தக்கது.