பாஜகவுக்கு இதனால்தான் இந்தத் தோல்வி கிடைத்தது.. திருநாவுக்கரசர் அட்டாக்!

சென்னை: வாக்குறுதிகள் நிறைவேற்றப்படாததால் மோடி அலை ஓய்ந்துவிட்டதாக தமிழக காங்கிரஸ் கமிட்டியின் தலைவர் திருநாவுக்கரசர் தெரிவித்துள்ளார்.

5 மாநில தேர்தல்களில் பாஜகவை பின்னடைவு சந்திதுள்ள நிலையில், காங்கிரஸ் கட்சி தொண்டர்கள் உற்சாகத்தில் உள்ளனர். இந்தநிலையில் சென்னையில் செய்தியாளர்களிடம் பேசிய தமிழக காங்கிரஸ் கமிட்டியின் தலைவர் திருநாவுக்கரசர் கூறியதாவது: வாக்குறுதிகள் நிறைவேற்றப்படாததால் மோடி அலை ஓய்ந்துவிட்டது. நாடாளுமன்ற தேர்தலிலும் பாஜக தோல்வியை தழுவும் என்றார்.

மேலும், பாஜகவிற்கு மாற்று காங்கிரஸ்; பிரதமர் மோடிக்கு மாற்று ராகுல் காந்தி என நிரூபணமாகியுள்ளது. நல்ல தண்ணீர் என கூறும் வடமாநிலங்களிலேயே தாமரை மலரவில்லை. இங்கு எப்படி மலரும்? என்று கேள்வி எழுப்பினார்.

5 மாநில தேர்தல்களில் காங்கிரஸ் கட்சிக்கு மக்கள் மகத்தான ஆதரவை தந்துள்ளனர். ராகுல்காந்தியின் கடும் உழைப்பு பயன் தந்துள்ளது என்றும் கூறினார்.

English summary

The waves of the Modi has come to an end because the promises have not been fulfilled, said Tamil Nadu Congress Committee President Thirunavukarasar.