பயணிகள் கவனத்திற்கு.. சென்னை கடற்கரை - செங்கல்பட்டு ரூட்டில் ரயில் நேரத்தில் முக்கியமான மாற்றம்!

சென்னை: பயணி​கள் வசதியை கருத்​தில்​ கொண்​டு, சென்னை கடற்கரை - தாம்பரம் - செங்​கல்​பட்டு வழித்​தடத்​தில் இயக்​கப்​படும் ஏசி மின்​சார ரயில்​களின் சேவையில் இன்று (ஜனவரி 5 ஆம் தேதி) முதல் சில மாற்​றங்​கள் அமல்​படுத்தப்பட்டு உள்ளள்​ளன. இந்த வழித்தடத்தில் பயணிக்கும் பயணிகள் இதை கவனத்தில் கொள்ளுமாறு கேட்டுக்கொள்ளப்படுகின்றனர்.

அதன்​படி, சென்னை கடற்​கரை​யில் இருந்து பிற்​பகல் 2.30 மணிக்கு புறப்​பட்டு செங்கல்பட்டு செல்ல வேண்​டிய ஏசி மின்​சார ரயில், இனி மாலை 3.47 மணிக்கு புறப்​பட்டு தாம்​பரம் வரை மட்​டுமே இயக்​கப்​படும். தாம்​பரத்​தில் இருந்து மதி​யம் 1 மணிக்கு புறப்​பட்டு சென்னை கடற்​கரைக்கு செல்ல வேண்​டிய ஏசி மின்​சார ரயில், இனி பிற்​பகல் 3.23 மணிக்கு புறப்​படும். செங்​கல்​பட்​டில் இருந்து சென்னை கடற்​கரைக்கு மாலை 4.30 மணிக்கு புறப்பட வேண்​டிய ஏசி மின்​சார ரயில் இனி, தாம்​பரத்​தில் இருந்து மாலை 5.55 மணிக்கு புறப்​பட்​டுச் செல்​லும்.

இதுகுறித்து தெற்கு ரயில்வே சார்பில் சார்பில் வெளியிடப்பட்டுள்ள செய்திக் குறிப்பில், "சென்னை கடற்கரை - தாம்பரம் - செங்கல்பட்டு வழித்தடத்தில் புறநகர் மின்சார ரயில்கள் இயக்கப்பட்டு வருகின்றன. அதன்படி, கடற்கரையில் இருந்து தாம்பரம் வழியாகச் செங்கல்பட்டு செல்லும் மாலை நேர குளிர்சாதன வசதியுள்ள புறநகர் மின்சார ரயில், செங்கல்பட்டிலிருந்து தாம்பரம் வழியாக கடற்கரை செல்லும் குளிர்சாதன வசதி மின்சார ரயில், தாம்பரத்திலிருந்து பிற்பகலில் கடற்கரையில் இருந்து புறப்படும் ரயில் ஆகியவற்றின் நேரம் மாற்றப்பட்டுள்ளது.

சென்னை கடற்கரையிலிருந்து பிற்பகல் 3.47 மணிக்கு புறப்படும் குளிர்சாதன வசதி மின்சார ரயில் மாலை 4.42 மணிக்கு தாம்பரத்துக்கும், செங்கல்பட்டிலிருந்து வரும் குளிர்சாதன வசதி மின்சார ரயில் மாலை 5 மணிக்கு தாம்பரத்தை வந்தடைந்து, மாலை 5.55 மணிக்கு கடற்கரைக்கு வந்து சேரும். தாம்பரத்திலிருந்து பிற்பகல் 2.28 மணிக்கு புறப்படும் குளிர்சாதன வசதி மின்சார ரயில் பிற்பகல் 3.23 மணிக்கு கடற்கரை சென்றடையும்.

சென்னை தாம்பரம் - செங்கல்பட்டு - சென்னை கடற்கரை இடையிலான ரயில்கள் ஊரப்பாக்கம் நிலையத்தில் நின்று செல்லவும் நடவடிக்கை மேற்கொள்ளப்பட்டுள்ளது. இத்துடன் மேலும் 9 மின்சார ரயில்களின் நேர அட்டவணையிலும் மாற்றம் செய்யப்பட்டுள்ளதாகத் தெரிவிக்கப்பட்டுள்ளது.

English summary

Considering the convenience of passengers, some changes have been implemented in the service of AC electric trains operating on the Chennai Beach - Tambaram - Chengalpattu route from today (January 5th). Passengers traveling on this route are requested to take note of this.