வேலையை காட்டிய வானிலை! சென்னையில் பரவலாக கொட்டி தீர்க்கும் கனமழை

Published: Friday, May 23, 2025, 23:20 [IST]

Subscribe to Oneindia Tamil

சென்னை: தமிழ்நாடு முழுவதும் கடந்த சில நாட்களாக கோடை மழை தீவிரமடைந்து வருகிறது. இந்நிலையில் இன்று இரவு சென்னையில் பரவலாக மழை பெய்திருக்கிறது.

சென்னையின் நகர் மற்றும் புறநகர் பகுதிகளில் மழை பதிவாகியிருக்கிறது. ஏற்கெனவே சென்னையில் வெயில் குறைந்திருந்த நிலையில், தற்போது பெய்த மழை இதமான சூழலை ஏற்படுத்தியுள்ளது.

சென்னை, தாம்பரம், குரோம்பேட்டை, சேலையூர், பெருங்களத்தூர், வண்டலூர், முடிச்சூர், ஆலந்தூர், ஆதம்பாக்கம், மீனம்பாக்கம், கிண்டி, பரங்கிமலை உள்ளிட்ட பகுதிகளிலும் கனமழை பெய்து வருகிறது. அதேபோல கன்னியாகுமரியிலும் கனமழை கொட்டி தீர்த்திருக்கிறது. சூறைக்காற்றுடன் பெய்த கனமழை காரணமாக நாகர்கோவில் SMRV பள்ளி எதிரே உள்ள பேருந்து நிறுத்தத்தின் மீது தென்னை மரம் வேரோடு சாய்ந்திருக்கிறது. பேருந்து நிலையத்தின் மீது விழுந்த மரத்தை அகற்ற போக்குவரத்து போலீசார் மற்றும் தீயணைப்பு துறையினர் முயன்று வருகின்றனர்.

நாகர்கோவில் மற்றும் அதன் சுற்றுவட்டார பகுதிகளில் இன்று காலை முதல் சாரல் மழை பெய்து வந்தது. இரவு 8 மணிக்கு பிறகு இந்த மழை வேகமெடுக்க தொடங்கியுள்ளது.

அதேபோல திருவண்ணாமலை மற்றும் அதன் சுற்று வட்டார பகுதிகளான ஆடையூர், நல்லவன் பாளையம், அடிஅண்ணாமலை, வேங்கிக்கால் உள்ளிட்ட பகுதிகளில் கனமழை பெய்திருக்கிறது. தஞ்சாவூர், திருவாரூர் உள்ளிட்ட மாவட்டங்களிலும் கனமழை பெய்திருக்கிறது. கனமழை காரணமாக திருவாரூர் மாவட்டத்தில் பரவலான இடங்களில் மின்சாரம் துண்டிக்கப்பட்டிருக்கிறது.

கோவை, நீலகிரி உள்ளிட்ட மாவட்டங்களிலும் கனமழை பதிவாகியிருக்கிறது. அரபிக்கடலில் காற்றழுத்த தாழ்வு பகுதி உருவாகியிரப்பதால் நீலகிரி மாவட்டத்திற்கு அதிகனமழை பெய்யும் என எச்சரிக்கை விடுக்கப்பட்டிருக்கிறது. ஊட்டி மற்றும் வால்பாறைக்கு தலா ஒரு தேசிய பேரிடர் மீட்புப்படை அனுப்பி வைக்கப்பட்டிருக்கிறது. முன்னதாக பேரிடர் மேலாண்மை துறை, முன்னேற்பாடுகள் தொடர்பாக மாவட்ட ஆட்சியர்களுடன் ஆலோசனை மேற்கொண்டிருந்தது.

கடந்த 24 மணி நேரத்தில் பதிவான மழையின் அளவு (சென்டிமீட்டரில்)

கோழிப்போர்விளை (கன்னியாகுமரி), ஊத்து (திருநெல்வேலி), திற்பரப்பு (கன்னியாகுமரி), கொட்டாரம் (கன்னியாகுமரி) தலா 2,
நாலுமுக்கு (திருநெல்வேலி), சின்னக்கல்லார் (கோயம்புத்தூர்), முள்ளங்கினாவிளை (கன்னியாகுமரி), களியல் (கன்னியாகுமரி), காக்காச்சி (திருநெல்வேலி), தக்கலை (கன்னியாகுமரி), குளச்சல் (கன்னியாகுமரி), அணைகெடங்கு (கன்னியாகுமரி), மாம்பழத்துறையாறு (கன்னியாகுமரி), பாலமோர் (கன்னியாகுமரி), நெய்யூர் AWS (கன்னியாகுமரி), அடையாமடை (கன்னியாகுமரி), சுருளக்கோடு (கன்னியாகுமரி), இரணியல் (கன்னியாகுமரி), மாஞ்சோலை (திருநெல்வேலி), வால்பாறை PTO (கோயம்புத்தூர்) தலா 1.

Published On May 23, 2025