காவடியுடன் வந்த முருக பக்தர்கள்.. புனித மைக்கேல் தேவாலய திருத்தந்தை செய்த செயல்! இதுதாங்க தமிழ்நாடு!

திருநெல்வேலி: காவடி எடுத்து, திருச்செந்தூர் முருகன் கோவிலுக்கு பாதயாத்திரையாக செல்லும் முருக பக்தர்களுக்கு, இரவு தங்குவதற்கு தேவாலயத்தில் இடம் கொடுக்கப்பட்டிருக்கும் சம்பவம், தமிழ்நாடு மத நல்லிணக்கத்தில் எந்த அளவுக்கு புரிதலுடன் இருக்கிறது என்பதற்கு உதாரணமாக அமைந்திருக்கிறது.

வட மாநிலங்களில் மதத்தின் பெயரால் மோத் சம்பவங்கள் அதிகரித்து வரும் நிலையில், தென் மாநிலங்கள் மத நல்லிணத்திற்கு அடையாளமாக மாறி வருகின்றன. நல்லிணக்கத்திற்கு உதாரணமாக இன்று திருநெல்வேலியில் நடந்திருக்கும் சம்பவம் அனைவரிடமும் வரவேற்பை பெற்றிருக்கிறது.

என்ன நடந்தது?

திருநெல்வேலியின் தெற்கு பகுதி மற்றும் தென்காசி மாவட்டத்திலிருந்து, திருநெல்வேலி வழியாக திருச்செந்தூர் போக வேண்டும் எனில், சமாதானபுரத்தை கடந்துதான் போக வேண்டும். இங்கு புனித மிக்கேல் தேவாலயம் இருக்கிறது. இன்று காவடி எடுத்துக்கொண்டு பாத யாத்திரையாக, திருச்செந்தூர் முருகன் கோவிலுக்கு சென்ற மக்கள், இரவு உறங்க இடத்தை தேடிக் கொண்டிருந்த நிலையில், புனித மிக்கேல் தேவாலய நிர்வாகம், அவர்களுக்கு தங்க அனுமதி அளித்திருக்கிறது.

இதனையடுத்து காவடியுடன் வந்த பக்தர்கள், காவடியை தேவாலயத்திற்குள் இறக்கி வைத்துவிட்டு இரவு ஓய்வெடுத்தனர். இந்த சம்பவம் அப்பகுதி மக்களிடையே மத நல்லிணக்க சிந்தனையை மேலும் வலுவாக்கியிருக்கிறது. இரவு தங்க இடம் கொடுத்த தேவாலய திருத்தந்தைக்கு, பக்தர்கள் நன்றி கூறியிருக்கின்றனர்.

Murugan devotees on a pilgrimage to Tiruchendur via Tirunelveli rested at St Michael’s Church in Samathanapuram. The church administration opened its doors, offering space for pilgrims to rest, highlighting communal harmony pic.twitter.com/h3v4S2W7Cw

— Thinakaran Rajamani (@thinak_) January 30, 2026

இது தொடர்பான வீடியோ சோஷியல் மீடியாக்களில் ஷேராக வரவேற்பை பெற்றிருக்கிறது. வழக்கமாக இந்து பண்டிகைகளுக்கு இஸ்லாமியர்கள், கிறிஸ்தவர்கள் வாழ்த்து தெரிவிப்பதும், குடிநீர், மோர் உள்ளிட்டவற்றை வழங்குவதும் நீடித்து வருகிறது. மதுரை சித்திரை திருவிழாவில் இதுபோன்ற காட்சிகளை அதிக அளவில் காண முடியும். இப்படியாக மத நல்லிணக்கத்திற்கு தேசத்திற்கே முன்மாதிரியாக தமிழ்நாடு திகழ்கிறது என பலரும் புனித மிக்கேல் தேவாலய வீடியோவை ஷேர் செய்து கூறி வருகின்றனர்.

English summary

Christians Welcome Murugan Devotees: The incident of a church providing accommodation for the night to devotees of Lord Murugan who are carrying kavadi and undertaking a pilgrimage on foot to the Tiruchendur Murugan Temple, stands as an example of the level of understanding that exists in Tamil Nadu regarding religious harmony.