பளபளக்க போகும் சென்னை சாலைகள்.. மாநகராட்சி எடுத்த பலே பிளான்.. வாகன ஓட்டிகளுக்கு குட் நியூஸ்

சென்னை: சென்னை மாநகராட்சிக்குட்பட்ட 2000- க்கும் மேற்பட்ட சாலைகளை சீரமைக்க டெண்டர் கோரப்பட்டுள்ளது. வரும் ஆகஸ்டு மாதம் 7 ஆம் தேதி வரை சாலையை சீரமைக்க நிறுவனங்கள் விண்ணப்பிக்கலாம் என்று சென்னை மாநகராட்சி அறிவித்துள்ளது.

சென்னை மாநகராட்சியின் கீழ் போக்குவரத்து சாலைகள் பேருந்து தட சாலைகள், உட்புற சாலைகள் என இரண்டு வகையாக பிரிக்கப்பட்டு ஆண்டுதோறும் இதற்கான பணிகள் நடைபெறும். ஜனவரி மாதத்தில் டெண்டர் விடப்பட்டு பிப்ரவரியில் இந்த பணிகள் தொடங்கப்படும் என்பது தான் வழக்கமாக இருக்கும்.

இந்த நிலையில் மழைக்காலம் வருவதற்கு முன்பு, சென்னை மாநகராட்சிக்குட்பட்ட 2000- க்கும் மேற்பட்ட சாலைகள் போடுவதற்கு டெண்டர் கோரப்பட்டுள்ளது. 1502 பேருந்து தட சாலைகளும், 1039 உட்புற சாலைகள் என மொத்தம் 3297 சாலைகள் போடப்படுவதற்கு டெண்டர் கோரப்பட்டுள்ளது. கடந்த 2023 -2024 ஆம் ஆண்டில் 5205 சாலைகள் சீரமைப்பதற்காக எடுத்துக்கொள்ளப்பட்டது. இதில் கிட்டத்தட்ட ரூ. 708 கோடியில் மதிப்பிலான சாலை மதிப்பீட்டில் ரூ. 543 கோடி மதிப்பிலான திட்டங்களுக்கு மட்டுமே சாலை பணிகள் மேற்கொள்ளப்பட்டது.

மீதமுள்ள ரூ. 165 கோடி மதிப்பிலான திட்டத்திற்கான சாலை பணிகள் நடைபெறாமல் இருந்தது. அந்த பணிகளோடு சேர்த்து தான், இந்த ஆண்டு எடுத்துக்கொள்ளப்பட்ட 2000 சாலைகள் என மொத்தம் 3297 சாலைகளில் பணிகள் மேற்கொள்ளப்பட இருக்கிறது என்று சென்னை மாநகராட்சி தெரிவித்துள்ளது.

இது தொடர்பாக சென்னை மாநகராட்சி துணை மேயர் மகேஷ் குமார் கூறியதாவது:- சென்னை மாநகராட்சியில் வழக்கமாக ஜனவரி மாதத்தில் டெண்டர் விடப்பட்டு பிப்ரவரி மாதத்தில் பணிகள் தொடங்கப்படும். ஆனால் இந்த ஆண்டு தேர்தல் நடத்தை விதிகள் அமலில் இருந்ததால் தான் இதனை முன்பே அறிவிக்கவில்லை. சென்னையில் 2 ஆயிரத்திற்கும் மேற்பட்ட சாலைகளை சீரமைக்க ஒப்பதம் கோரப்படுகிறது.

அடுத்த மாதம் 7 ஆம் தேதிக்குள் சாலைகளை சீரமைக்க கோரும் நிறுவனங்கள் விண்ணப்பம் செய்யலாம். செப்டம்பர், அக்டோபர் மாத இறுதிக்குள் சாலை பணிகளை முடிக்கும் வகையில் பணிகள் மேற்கொள்ளப்படும். அதிகபட்சமாக வளசரவாக்கம் மண்டலத்தில் 112 பேருந்து தட சாலைகளை சீரமைக்க ஒப்பந்தம் கோரப்பட்டுள்ளது. திருவொற்றியூரில் 106 பேருந்து தட சாலைகளை சீரமைக்க ஒப்பந்தம் கோரப்பட்டுள்ளது. இவ்வாறு அவர் கூறினார்.

English summary

Tender has been called for laying more than 2000 roads under Chennai Corporation. The Chennai Corporation has announced that companies can apply to repair the road till the 7th of August.