அடம்பிடித்து ஈரோடு கிழக்கை கேட்டு வாங்கிய காங்கிரஸ்.. இப்போ எங்க போச்சு! நெட்டிசன்கள் சரமாரி கேள்வி!

ஈரோடு: திமுக கூட்டணியில் இந்த முறை கூடுதல் கட்சிகள் இடம் பெற்றிருந்ததால், ஏற்கெனவே இடம்பெற்றிருந்த கட்சியிகளுக்கு தொகுதிகள் குறைந்த அளவில் ஒதுக்கப்பட்டிருந்தன. ஆனால், உஷாராக காங்கிரஸ் மட்டும் அதிக தொகுதிகளை கேட்டு வாங்கியிருந்தது. ஆனால், இப்போது வரை வேட்பாளர் பட்டியலை வெளியிடவில்லை.

ஊருக்கு முன்னாடி தொகுதிகளை கேட்டு வாங்கிய காங்கிரஸ், இன்னும் வேட்பாளர்களை அறிவிக்காத நிலையில், வேட்பாளரை அறிமுகப்படுத்தாமல் கை சின்னத்திற்கு கூட்டணி தலைவர்கள் ஓட்டு கேட்டு வருகின்றனர்.

மௌனம் பேசுமா?

ஒவ்வொரு தேர்தல்களிலும் காங்கிரஸ் ஏழரையை கூட்டுவது வழக்கமான ஒன்றுதான். கடந்த தேர்தலில் அப்போதை தமிழக காங்கிரஸ் தலைவர் கே.எஸ். அழகிரி கண்ணீர் வடித்திருந்தார். கூட்டணி கட்சி தலைவர் ஒருவர் கண்ணீரை வடிப்பதை எதிர்க்கட்சிகள் விமர்சித்திருந்தன. ஆனால், இந்த முறை இப்படியான சீன் ஏதும் நடக்கவில்லை. கொஞ்சம் இழுபறி இருந்தது. இருப்பினும் 28 தொகுதிகளை காங்கிரஸ் வாரி சுருட்டி சென்றுவிட்டது. இருப்பினும், இப்போது வரை வேட்பாளர்கள் அறிவிக்கப்படாமல் இருப்பதுதான் விமர்சனங்களை ஏற்படுத்தியிருக்கிறது.

காங்கிரஸின் நிலைமை

காங்கிரஸுக்கு அப்புறம் தொகுதிகளை வாங்கிய விசிக, சிபிஎம், சிபிஐ உள்ளிட்ட கட்சிகள் கூட தங்கள் வேட்பாளர்களை அறிவித்துவிட்டன. இன்னும் கூட்டணியில் இருக்கும் சின்ன சின்ன கட்சிகளும் வேட்பாளர்களை அறிவித்து பிரச்சாரத்தை தொடங்கிவிட்டன. ஆனால், காங்கிரஸ் இன்னும் கிணற்றில் போட்ட கல்லு போல மௌனமாக இருப்பதாக விமர்சனங்கள் எழுந்திக்கின்றன.

வேட்பாளர் இல்லாமல் குழம்பும் நிர்வாகிகள்

முன்னதாக கட்சியின் தேசிய தலைமைக்கு வேட்பாளர் பட்டியலை தமிழக காங்கிரஸ் தலைமை வழங்கியிருந்ததாகவும், ஆனால் அது ஒரு சார்பாக இருப்பதாக எதிர்ப்புகள் எழுந்ததால், தேசிய தலைமை அந்த பட்டியலை புறக்கணித்ததாகவும் சொல்லப்படுகிறது. இந்நிலையில் முதலமைச்சர் மு.க.ஸ்டாலின் இன்று ஈரோடு கிழக்கு தொகுதியில் பிரச்சாரம் மேற்கொண்டிருந்தார். இந்த தொகுதி காங்கிரஸுக்காக ஒதுக்கப்பட்டிருந்தது. ஆனால், வேட்பாளர் அறிவிக்காததால் கை சின்னத்திற்கு வாக்களிக்க வேண்டும் என்று கேட்டு, வேட்பாளர் இல்லாமல் பிரச்சாரம் செய்திருந்தார்.

ராகுல் காந்தி உறுதி

மற்ற தொகுதிகளிலும் இதே நிலைமைதான். காங்கிரஸ் மாநில தலைமை பிரச்சாரத்தை தொடங்கிவிட்டது. ஆனால், வேட்பாளர்கள் இல்லாதால், வெறும் கை சின்னத்திற்கு மட்டும் வாக்கு கேட்டு வருகின்றனர். வேட்பாளர் பட்டியல் எப்போதுதான் வெளியாகும் என்று கேள்வி எழுந்த நிலையில், இன்று இரவு பட்டியல் வெளியாக இருப்பதாக ராகுல் காந்தி உறுதியளித்ததாக ஸ்டாலின் கூறியிருக்கிறார்.

English summary

Congress: Since the DMK alliance included additional parties this time, fewer constituencies were allocated to the parties that were already part of the coalition. However, the Congress party—acting shrewdly—alone managed to demand and secure a larger number of seats. Yet, to date, it has not released its list of candidates.