சென்னையில் 10 வயதுக்கும் கீழான 4 குழந்தைகளுக்கு கொரோனா தொற்று

சென்னை: சென்னையில் 4 குழந்தைகளுக்கு கொரோன தொற்று இருப்பது உறுதி செய்யப்பட்டுள்ளது.

தமிழகத்தில் இன்று மேலும் 54 பேருக்கு கொரோனா பாதிப்பு உறுதி செய்யப்பட்டது. இதில் சென்னையைச் சேர்ந்தவர்கள் 27 பேர்.

சென்னையில் 10 வயதுக்குட்பட்ட குழந்தைகள் 4 பேருக்கும் கொரோனா தொற்று இருப்பதாக தெரிவிக்கப்பட்டுள்ளது. 3 வயது, 4,5 மற்றும் 7 வயது குழந்தைகளுக்கு கொரோனா தொற்று உள்ளதாக சுகாதாரத்துறை அமைச்சகம் தெரிவித்துள்ளது.

இதனையடுத்து சென்னையில் கொரோனா பாதித்தவர்களின் எண்ணிக்கை 400 ஆக அதிகரித்துள்ளது. தமிழகத்தில் கொரோனாவால் பாதிக்கப்பட்டு குணமடைந்தோர் எண்ணிக்கை 752 ஆக அதிகரித்துள்ளது.

கடந்த 24 மணிநேரத்தில் 2 பேர் கொரோனாவால் உயிரிழந்தனர். இதனையடுத்து கொரோனாவால் தமிழகத்தில் பலியானோர் எண்ணிக்கை 20 ஆகவும் அதிகரித்திருக்கிறது.

English summary

According to the State health Ministry report, 4 Children below age 10 infected by Coronavirus in Chennai.