31ம் தேதி தொடங்கியது.. விடாமல் துரத்துகிறது.. 10 நாட்களில் தமிழகத்தை புரட்டிப்போட்ட கொரோனா.. பகீர்!

Updated: Wednesday, June 10, 2020, 21:06 [IST]

Subscribe to Oneindia Tamil

சென்னை: தமிழகத்தில் கடந்த 31ம் தேதியில் இருந்து தினமும் 1000+ கொரோனா கேஸ்கள் பதிவாகி வருகிறது.

தமிழகத்தில் இதுவரை இல்லாத அளவு இன்று ஒரே நாளில் 1,927 பேருக்கு கொரோனா தொற்று ஏற்பட்டுள்ளது. தமிழகத்தில் மொத்த பாதிப்பு எண்ணிக்கை 36,841 ஆக உயர்ந்துள்ளது. தமிழகத்தில் இன்று கொரோனா தொற்றால் 19 பேர் பலியாகி உள்ளனர். மொத்த பலி எண்ணிக்கை 326 ஆக உயர்ந்துள்ளது.

தமிழகத்தில் இன்று ஒரே நாளில் 16,667 பேருக்கு கொரோனா பரிசோதனை மேற்கொள்ளப்பட்டுள்ளது. இதுவரை 6.38 லட்சம் பேருக்கு கொரோனா பரிசோதனை செய்யப்பட்டுள்ளது.

நிலைமை என்ன

தமிழகத்தில் கடந்த 31ம் தேதியில் இருந்து தினமும் 1000+ கொரோனா கேஸ்கள் பதிவாகி வருகிறது. கடந்த மே 31ம் தேதி 1149 கேஸ்கள் பதிவானது. அதுதான் தொடக்கம். அப்போது இதனால் தமிழகமே அதிர்ச்சி அடைந்தது. ஆனால் நிலைமை அதன்பின் மோசமாக ஆனது. ஜூன் 2ம் தேதி 1091 கேஸ்கள் பதிவானது. இதனால் மீண்டும் தமிழகத்தில் கேஸ்கள் 1000க்கும் கீழ் போகுமா என்று எதிர்பார்க்கப்பட்டது. ஆனால் அப்படி எதுவும் நடக்கவில்லை.

எப்படி

வரிசையாக அடுத்தடுத்த நாட்களில் தமிழகத்தில் கொரோனா தீவிரம் அடைந்தது. மீண்டும் ஜூன் 3ம் தேதி 1286 கேஸ்கள் பதிவானது. ஜூன் 4ம் தேதி 1384 கேஸ்கள் பதிவானது. ஜூன் 5ம் தேதி 1438 கேஸ்கள் பதிவானது. ஜூன் 6ம் தேதி 1458கேஸ்கள் பதிவானது. ஜூன் 7ம் தேதி 1515 கேஸ்கள் பதிவானது. இந்த நாள்தான் தமிழகத்தில் ஒரே அடியாக 1500கும் அதிகமான கேஸ்கள் பதிவானது. தமிழக மக்களை இந்த எண்ணிக்கை நிலைகுலைய வைத்தது.

இன்று என்ன

ஆனால் அதன்பின்பும் கேஸ்கள் அதிகரித்தது. ஜூன் 8ம் தேதி 1562கேஸ்கள் பதிவானது. ஜூன் 9ம் தேதி 1685 கேஸ்கள் பதிவானது. ஜூன் 10ம் தேதி 1927 கேஸ்கள் பதிவாகி உள்ளது. நேற்றைய நாளை விட இன்று 300 கேஸ்கள் அதிகமாக ஆகி உள்ளது. இன்று கிட்டத்தட்ட 2000 கேஸ்கள் பதிவாகி உள்ளது. வரும் நாட்களில் கேஸ்கள் 2000+ தினமும் தாண்டும் என்று எதிர்பார்க்கப்படுகிறது.

டெஸ்ட் அதிகம்

தமிழகத்தில் இன்று 16 ஆயிரத்திற்கும் அதிகமான சோதனைகள் செய்யப்பட்டுள்ளது. தமிழகத்தில் கொரோனா சோதனைகளை அதிகரிக்க அதிகரிக்க கேஸ்களும் அதிகரிக்கிறது. இதனால் தமிழகத்தில் கண்டிப்பாக கொரோனா அதிக அளவில் பரவி உள்ளது என்பது உறுதியாகிறது. வரும் நாட்களில் அதிகமாக சோதனைகள் செய்யப்பட்டால் கண்டிப்பாக கேஸ்களும் மிக அதிகமாக வரும் என்று எதிர்பார்க்கப்படுகிறது.