தேமுதிக அதிர்ச்சி வைத்தியம்! பார்த்தசாரதிக்கு 'சீட்' மறுப்பு! கட்சி தாவுகிறாரா மாஜி எம்எல்ஏ?

Updated: Friday, April 10, 2026, 10:29 [IST]

Subscribe to Oneindia Tamil

சென்னை: தேமுதிகவின் சீனியர் தலைவர்களில் ஒருவரும், மறைந்த கேப்டன் விஜயகாந்தின் நம்பிக்கைக்குரிய தளபதியுமான பார்த்தசாரதிக்கு, வரும் தேர்தலில் போட்டியிட வாய்ப்பு மறுக்கப்பட்டுள்ளதாகத் தகவல் வெளியாகியுள்ளது. இது அரசியல் களத்தில் பெரும் பரபரப்பை ஏற்படுத்தியுள்ளது. அவர் வேறு கட்சிக்கு செல்கிறாரா என்ற கேள்வி எழுந்துள்ளது.

தேமுதிகவின் கொள்கை பரப்புச் செயலாளராகவும், முன்னாள் எம்.எல்.ஏ-வாகவும் இருந்த பார்த்தசாரதி, கட்சியின் இக்கட்டான காலக்கட்டங்களில் முன்னின்று செயல்பட்டவர். ஆனால், சமீபகாலமாக கட்சித் தலைமையுடன் அவருக்குச் சில கருத்து வேறுபாடுகள் இருப்பதாகக் கூறப்பட்டது.

தற்போது தொகுதிப் பங்கீடு மற்றும் வேட்பாளர் தேர்வில் அவருக்கு வாய்ப்பு அளிக்கப்படவில்லை எனத் தெரிகிறது.

கட்சி மாறுகிறாரா பார்த்தசாரதி?

சீட் மறுக்கப்பட்டதால் விரக்தியில் உள்ள பார்த்தசாரதி, தனது அடுத்தகட்ட நடவடிக்கை குறித்து ஆதரவாளர்களுடன் ஆலோசனை நடத்தி வருவதாகத் தெரிகிறது.

திமுக அல்லது அதிமுக?

தற்போதுள்ள அரசியல் சூழலில், அவர் ஆளுங்கட்சியான திமுக அல்லது அதிமுகவில் இணைய வாய்ப்புள்ளதாகத் தகவல்கள் கசிகின்றன.

பாஜக வாய்ப்பு: தேமுதிக - பாஜக கூட்டணிப் பேச்சுவார்த்தைகள் பின்னடைவைச் சந்தித்த போது, பார்த்தசாரதி அதிருப்தியில் இருந்ததாகச் சொல்லப்பட்டது. எனவே, அவர் பாஜக பக்கம் சென்றாலும் ஆச்சரியப்படுவதற்கில்லை என்கிறார்கள் அரசியல் விமர்சகர்கள்.

தேமுதிகவின் முகமாகத் தெரிந்த பல பழைய நிர்வாகிகள் ஏற்கனவே கட்சியை விட்டு வெளியேறிய நிலையில், பார்த்தசாரதி போன்ற சீனியர் ஒருவருக்கு சீட் மறுக்கப்பட்டது தேமுதிக தொண்டர்களிடையே சலசலப்பை உருவாக்கியுள்ளது.

"கட்சியைக் கட்டிக் காத்தவர்களுக்கு முன்னுரிமை இல்லையா?" என்பதே அவரது ஆதரவாளர்களின் கேள்வியாக இருக்கிறது.

பார்த்தசாரதி தரப்பில் இருந்து அதிகாரப்பூர்வ அறிவிப்பு வரும் வரை, அவர் வேறு கட்சிக்குச் செல்வது குறித்த தகவல்கள் யூகங்களாகவே இருக்கும். ஆனால், தேர்தல் நெருங்கும் வேளையில் இந்த "சீட் மோதல்" தேமுதிகவுக்குப் பலவீனமாக அமைய வாய்ப்புள்ளது.

சந்திரகுமார், ஆர். சுந்தரராஜன், தமிழ் அழகன், அருண்பாண்டியன், மைக்கேல் ராயப்பன் உள்ளிட்டோர் விஜயகாந்தால் அடையாளம் காட்டப்பட்டு அவருக்கே துரோகம் செய்து அதிருப்தியாளர்களை செயல்பட்டனர். ஆனால் பார்த்தசாரதி உள்ளிட்டோர் கடந்த 10 ஆண்டுகளாக அதிமுக எந்த பதவியில் இல்லாவிட்டாலும் தேமுதிகவுடனேயே இருந்து வருகிறார். எனவே அவர் வேறு கட்சிக்கு தாவுவாரா என்பது சற்று யோசிக்க வேண்டிய விஷயம்தான்.