மத்திய அரசு பணிந்ததன் பின்னணியில்... திமுகவுக்கு இவ்வளவு பங்கு உள்ளதா! இதோ முழு விவரம்!
சென்னை: 3 வேளாண் சட்டங்களையும் திரும்பப்பெற்றுக் கொள்வதாக பிரதமர் மோடி நேற்று அறிவித்துள்ள நிலையில், அதன் பின்னணியில் திமுகவின் பங்களிப்பும் உள்ளதாக தெரிவிக்கப்படுகிறது.
ஓராண்டு காலமாக விவசாய சட்டங்களை திரும்பப்பெறக் கோரி திமுக முன்னெடுத்த முயற்சிகளின் விவரத்தை அக்கட்சியின் தகவல் தொழில்நுட்ப பிரிவு பட்டியலிட்டுள்ளது.
வேளாண் சட்டங்களை வாபஸ் பெற்றது போல் நீட் தேர்வையும் திரும்பப்பெற வைப்போம் என திமுக உறுதி கூறி வருகிறது.
கருப்புக்கொடி
நாடாளுமன்றத்தில் நிறைவேற்றப்பட்ட 3 வேளாண் சட்டங்களுக்கும் குடியரசுத் தலைவர் ராம்நாத கோவிந்த கடந்த 2020-ம் ஆண்டு செப்டம்பர் 27-ம் தேதி ஒப்புதல் அளித்தார். இதைத் தொடர்ந்து இந்த சட்டங்களை வாபஸ் பெருமாறு வலியுறுத்தி 2020 டிசம்பர் 5-ம் தேதி திமுக கருப்புக்கொடி ஆர்ப்பாட்டம் நடத்தியது. இதேபோல் 2020 டிசம்பர் 8-ம் தேதி விவசாய சங்கங்கள் அழைப்பு விடுத்த பாரத் பந்துக்கும் திமுக ஆதரவவை நல்கியது.
பிரதமரிடம் கோரிக்கை
இதேபோல் 2020 டிசம்பர் 18-ம் தேதி டெல்லியில் போராட்டம் நடத்தி வரும் விவசாயிகளுக்கு ஆதரவாக திமுக ஒரு நாள் உண்ணாவிரத போராட்டத்தை நடத்தியது. இதையடுத்து 2021-ம் ஆண்டு ஜனவரி மாதம் 12-ம் தேதி உச்சநீதிமன்றத்தில் திமுக தாக்கல் செய்த ரிட் மனுவை விசாரித்த நீதிபதிகள், 3 விவசாய சட்டங்களுக்கும் தற்காலிக தடை விதித்தனர். இது நேற்று கிடைத்த வெற்றிக்கான அடித்தளமாக இந்த விவகாரத்தில் பார்க்கப்படுகிறது.
பாரத் பந்த்
இதையடுத்து சட்டமன்றத் தேர்தல் பணிகளில் கவனம் செலுத்தத் தொடங்கிய திமுக, தமிழகத்தில் ஆட்சி அமைத்த பிறகு கடந்த ஜூன் 17-ம் தேதி 3 வேளாண் சட்டங்களை திரும்பப்பெறக் கோரி பிரதமர் மோடியிடம் நேரடியாக வலியுறுத்தினார். இதைத் தொடர்ந்து கடந்த ஆகஸ்ட் 28-ம் தேதி விவசாய சட்டங்களுக்கு எதிராக தமிழக சட்டமன்றத்தில் திமுக அரசு தீர்மானம் நிறைவேற்றியது.
முக்கிய பங்கு
மேலும், கடந்த செப்டம்பர் மாதம் 27-ம் தேதி 3 விவசாய சட்டங்களையும் திரும்பப்பெறக் கோரி எதிர்க்கட்சிகளுடன் இணைந்து பாரத் பந்தில் ஈடுபட்டது திமுக. இப்படி அடி மேல் அடி வைத்தால் பாறையும் உருகும் என்பதற்கேற்ப விவசாய சட்டங்களை திரும்பப்பெறும் விவகாரத்தில் திமுக தனது பங்களிப்பை செலுத்தியிருக்கிறது. உலக வரலாற்றில் உன்னத இடத்தை பிடித்த இந்திய விவசாயிகள் போராட்டத்தில் திமுகவுக்கு முக்கிய பங்கு இருப்பது குறிப்பிடத்தக்கது.
Click it and Unblock the Notifications
Sign in with Google