அரசு ஊழியர்களுக்கு யோசிக்க முடியாத ஆனந்தம்! அடுத்தடுத்து வெளியான 3 குட் நியூஸ்! அசத்திய தமிழக அரசு
சென்னை: தமிழ்நாட்டில் இருக்கும் அரசு ஊழியர்கள், அரசு ஒப்பந்த ஊழியர்களுக்கு அடுத்தடுத்து முக்கியமான அறிவிப்புகள் வெளியாகி வருகின்றன.
முதல் கட்டமாக, அகவிலைப்படி உயர்த்தப்பட்ட நிலையில் தற்போது புதிய ஊதிய உயர்வு அறிவிப்பும் வெளியாகி உள்ளது. அரசு ஊழியர்களுக்கு அகவிலைப்படி 9% உயர்வு செய்யப்பட்டு உள்ளதாக தமிழக அரசு உத்தரவு பிறப்பித்துள்ளது.
கடந்த மார்ச் மாதம் தமிழ்நாட்டில் அரசு ஊழியர்களுக்கு அகவிலைப்படி உயர்வு அறிவிக்கப்பட்டது. அரசு அலுவலர்கள், ஆசிரியர்களுக்கு தற்போது வழங்கப்படும் அகவிலைப்படியை 46% இருந்து 50 % உயர்த்தி வழங்க முதலமைச்சர் மு.க.ஸ்டாலினால் உத்தரவு பிறப்பிக்கப்பட்டது.
முதல் அறிவிப்பு: இந்த அகவிலைப்படி உயர்வு கடந்த ஜனவரி 1ஆம் தேதி முதல் கணக்கிட்டு வழங்கப்படும் என முதல்வர் ஸ்டாலின் அறிவுறுத்தினார். இதன் மூலமாக மாநில அரசு ஊழியர்கள், ஓய்வூதியதாரர்களுக்கான அகவிலைப்படி 46 சதவிகிதத்திலிருந்து 50 சதவிகிதமாக உயரும்.
இந்த அறிவிப்பால் மாநில அரசுக்கு 2846.16 கோடி செலவு ஏற்படும். இதன்மூலம் சுமார் 16 லட்சம் அரசு ஊழியர்கள் பயன்பெற உள்ளனர். 46% அகவிலைப்படி 01.01.2024 முதல் 50%ஆக உயர்த்தி வழங்கப்படும் என தமிழ்நாடு அரசு அறிவிப்பு வெளியிட்டு இருந்தது. இந்த அகவிலைப்படி உயர்வு தொகை அந்த மாதமே வரவு வைக்கப்பட்டு உள்ளது.
இரண்டாவது முறை: ஒரு வருடத்திற்கு இரண்டு முறை இப்படி அகவிலைப்படி உயர்த்தப்படும். அந்த வகையில் தமிழ்நாட்டில் இப்போது மீண்டும் அகவிலைப்படி உயர்த்தப்பட்டு உள்ளது. அரசு ஊழியர்களுக்கு அகவிலைப்படி 9% உயர்வு செய்யப்பட்டு உள்ளதாக தமிழக அரசு உத்தரவு பிறப்பித்துள்ளது.
2016ஆம் ஆண்டுக்கு முந்தைய ஊதிய விகிதத்தில் சம்பளம் வாங்குபவர்களுக்கு அகவிலைப்படி உயர்த்தப்பட்டு உள்ளது. 1.1.2024 முதல் அகவிலைப்படியை 9% உயர்த்தி வழங்க தமிழக அரசு உத்தரவு பிறப்பித்துள்ளது.
அரசு ஊழியர்களின் அகவிலைப்படி ஏஐசிபிஐ என்ற குறியீடு மூலம்தான் கணக்கீடு செய்யப்படுகிறது. இந்த புள்ளிகள் தொடர்ந்து உயர்ந்தால் அதன் சராசரியை வைத்து அகவிலைப்படி உயர்வு கணக்கீடு செய்யப்படும். கடந்த சில மாதங்களுக்கு முன்பு வரை குறைந்து வந்த இந்த புள்ளிகள் தற்போது வேகமாக உயர தொடங்கி உள்ளது.இந்த குறியீடு ஜனவரியில் 132.8 என்ற அளவில் இருந்தது. அதன்பின் ஏற்ற இறக்கமாக புள்ளிகள் சென்று கொண்டு இருந்தன. அதாவது ஒரு புள்ளி ஏறுவது, ஒரு புள்ளி இறங்குவது என்று ஏற்ற இறக்கமாக இருந்தது. கடந்த ஏப்ரல் மாதத்தில் இருந்து புள்ளிகள் மீண்டும் வேகமாக உயர தொடங்கி உள்ளன.
இரண்டாம் அறிவிப்பு: உள்ளாட்சித் தேர்தல் பணியின் போது எதிர்பாராத விதமாக மரணமடையும் மற்றும் காயம் அடையும் பணியாளர்களுக்கான இழப்பீட்டுத் தொகையை அதிகரித்து தமிழ்நாடு அரசு உத்தரவிட்டுள்ளது.
தமிழ்நாடு மாநிலத் தேர்தல் ஆணையச் செயலாளரின் முன்மொழிவைக் கூர்ந்து ஆய்வு செய்த பின்னர், தேர்தல் பணியின் போது இறந்த அல்லது காயம் அடைந்த வாக்குச் சாவடி பணியாளர்கள்/ வாக்குச்சாவடி பணியாளர்களின் சட்டப்பூர்வ வாரிசுகளுக்கு கருணை இழப்பீடு வழங்குவதற்கான அரசாணையை ஏற்க அரசு முடிவு செய்துள்ளது.
உள்ளாட்சி அமைப்புகளுக்கான சாதாரண தேர்தல்கள், 2024 மற்றும் எதிர்காலத்தில் உள்ளாட்சி அமைப்புகளுக்கான சாதாரண தேர்தல்கள்/உள்ளாட்சி அமைப்புகளுக்கான சாதாரண தேர்தல்களின் போது பணி செய்யும் அரசு ஊழியர்களுக்கு இது பொருந்தும் என்று தமிழ்நாடு அரசு தெரிவித்துள்ளது.
வாக்குப்பதிவுடன் தொடர்புடைய தேர்தல் பணியின் முழு காலத்திலும் ஏதேனும் அசம்பாவிதம் நடந்தால் பணம் செலுத்தப்படும். பயிற்சி உட்பட தேர்தல் தொடர்பான ஏதேனும் கடமைக்காக அறிக்கை செய்வதற்காக ஒருவர் தனது இல்லம்/அலுவலகத்தை விட்டு வெளியேறியவுடன் மற்றும் தேர்தல் தொடர்பான கடமையைச் செய்தபின் அவர் தனது வீடு/அலுவலகத்திற்குத் திரும்பும் வரை தேர்தல் கடமையில் விதி பொருந்தும் என்பதால்.. அந்த சமயத்தில் என்ன நேர்ந்தாலும் அதற்கு நிதி உதவி அளிக்கப்பட வேண்டும். இந்தக் காலக்கட்டத்தில் ஏதேனும் அசம்பாவிதம் நடந்தால், இறப்பு / காயம் மற்றும் தேர்தல் கடமை ஆகியவற்றுக்கு இடையே தொடர்பு இருக்க வேண்டும். என்ற நிபந்தனைக்கு உட்பட்டு, அது தேர்தல் கடமையில் நிகழ்ந்ததாகக் கருதப்பட வேண்டும் என்று அறிவிக்கப்பட்டு உள்ளது.
எவ்வளவு பணம் வழங்கப்படும்?:
(i) தேர்தல் பணியில் இருக்கும் போது அதிகாரி துரதிர்ஷ்டவசமாக மரணம் அடைந்தால், அதிகாரியின் அடுத்த உறவினருக்கு குறைந்தபட்ச தொகையாக ரூ.15 லட்சம் வழங்கப்படும். 10 லட்சத்தில் இருந்து இது உயர்த்தப்பட்டு உள்ளது.
(ii) துரதிர்ஷ்டவசமாக சாலை கண்ணிவெடிகள், குண்டுவெடிப்புகள், ஆயுதமேந்திய தாக்குதல்கள் போன்ற தீவிரவாத அல்லது சமூக விரோத சக்திகளின் வன்முறைச் செயல்களால் மரணம் ஏற்பட்டால், இழப்பீட்டுத் தொகை ரூ.30 லட்சமாக இருக்கும்.
(iii) மூட்டு, கண் பார்வை இழப்பு போன்ற நிரந்தர ஊனம் ஏற்பட்டால், அந்த அதிகாரிக்கு குறைந்தபட்ச கருணைத் தொகையாக ரூ.7.5 லட்சம் வழங்கப்படும். மேற்குறிப்பிட்டபடி தீவிரவாத அல்லது சமூக விரோத சக்திகளால்).
(iv) சிறிய காயம் ஏற்பட்டால் ரூ.40,000/-.
(v). வாக்குப்பதிவுடன் தொடர்புடைய தேர்தல் பணியின் முழு காலத்திலும் ஏதேனும் அசம்பாவிதம் நடந்தால் பணம் செலுத்தப்படும் என்றும் அரசு உத்தரவிடப்பட்டுள்ளது.
மூன்றாம் அறிவிப்பு: சென்னை நகரம் முழுவதும் உள்ள அம்மா உணவகம் கேன்டீன்களை பயன்படுத்தும் மக்களின் எண்ணிக்கையை உயர்த்தும் வகையில், கிரேட்டர் சென்னை கார்ப்பரேஷன் (ஜிசிசி) பாத்திரங்கள், சமையல் சாமான்கள் மற்றும் பிற உள்கட்டமைப்புகளை மேம்படுத்துவதி, அவற்றை புதுப்பிக்கும் திட்டத்தை அறிவித்துள்ளது.
மெனு மேம்பாடுகளிலும் கவனம் செலுத்தி, அட்டவணைகள், விளக்குகள் மற்றும் புதிய பாத்திரங்களைச் சரிசெய்வதற்கான மதிப்பீடுகளைத் தயாரிக்குமாறு அனைத்து மண்டலங்களுக்கும் அறிவுறுத்தி உள்ளது. இதன் மூலம் அம்மா உணவகங்கள் புதிய பொலிவு பெற உள்ளன.
அம்மா உணவக பணியாளர்களுக்கு ஊதிய உயர்வு: இப்படிப்பட்ட நிலையில்தான் அம்மா உணவக தினக்கூலி பணியாளர்களுக்கு ரூ.25 ஊதிய உயர்வு வழங்கியது சென்னை மாநகராட்சி அறிவித்துள்ளது. ரூ.300 ஆக இருந்த தினக்கூலி பணியாளர்களின் ஊதியத்தை ரூ.325 ஆக உயர்த்தி மாநகராட்சி கூட்டத்தில் முடிவு எடுக்கப்பட்டு உள்ளது.
Click it and Unblock the Notifications
Sign in with Google