வாக்காளர் இறுதிப் பட்டியல்: சென்னையில் புதிதாக 2.51 லட்சம் பேர் சேர்ப்பு.. மொத்தம் எவ்வளவு பேர்?

சென்னை: தமிழகத்தில் இறுதி வாக்காளர் பட்டியல் வெளியிடப்பட்டுள்ள நிலையில், சென்னை மாவட்டத்தில் 28.30 லட்சம் வாக்காளர்கள் இருப்பதாக அறிவிக்கப்பட்டுள்ளது. சென்னை மாவட்டத்தில் அதிகபட்சமாக பெரம்பூர் தொகுதியில் 2,22,792 வாக்காளர்களும், குறைந்தபட்சமாக துறைமுகம் தொகுதியில் 1,16,896 வாக்காளர்களும் உள்ளனர்.

தமிழகத்தில் 2026 சட்டசபை தேர்தலை முன்னிட்டு, சிறப்பு தீவிர திருத்தப் பணிகளுக்குப் பிறகு (SIR) இறுதி வாக்காளர் பட்டியல் இன்று அதிகாரப்பூர்வமாக வெளியிடப்பட்டுள்ளது. சென்னை தலைமைச் செயலகத்தில் தலைமைத் தேர்தல் அதிகாரி அர்ச்சனா பட்நாயக் மாவட்ட வாரியான புள்ளிவிவரங்களை வெளியிட்டார். அதேபோல், அந்தந்த மாவட்டங்களில் ஆட்சியர்கள் முன்னிலையில் அரசியல் கட்சிப் பிரதிநிதிகளிடம் பட்டியல் வழங்கப்பட்டது.

இறுதி வாக்காளர் பட்டியலின்படி தமிழகத்தில் மொத்த வாக்காளர்களின் எண்ணிக்கை சுமார் 5.44 கோடி எனத் தெரிவிக்கப்பட்டுள்ளது. போலி வாக்காளர்கள் மற்றும் இரட்டைப் பதிவுகளைத் தவிர்க்கும் நோக்கில், சுமார் 97.37 லட்சம் பெயர்கள் வரைவுப் பட்டியலில் இருந்து நீக்கப்பட்டுள்ளன. 18 வயது பூர்த்தியடைந்த சுமார் 66 லட்சம் புதிய வாக்காளர்கள் இந்தத் திருத்தப் பணியின் போது தங்களை இணைத்துக் கொள்ள விண்ணப்பித்திருந்தனர்.

பெண் வாக்காளர்கள்: சுமார் 2.77 கோடி
ஆண் வாக்காளர்கள்: சுமார் 2.66 கோடி
மூன்றாம் பாலினத்தவர்: சுமார் 8,500

வாக்காளர் பட்டியல்

கடந்த காலங்களில் இருந்த 6.41 கோடி என்ற எண்ணிக்கையில் இருந்து தற்போது 5.44 கோடியாக வாக்காளர் எண்ணிக்கை குறைந்துள்ளது. இறப்பு, குடிபெயர்ந்தவர்கள் மற்றும் ஒரே நபர் இரு இடங்களில் பதிவாகி இருப்பது போன்ற காரணங்களால் இந்த நடவடிக்கை எடுக்கப்பட்டுள்ளது. இது வரும் 2026 தேர்தலில் நேர்மையான வாக்குப்பதிவை உறுதி செய்ய உதவும் எனத் தேர்தல் ஆணையம் தெரிவித்துள்ளது.

இறுதி வாக்காளர் பட்டியலின்படி, மாநிலத்திலேயே அதிக வாக்காளர்களைக் கொண்ட தொகுதியாக மீண்டும் 'சோழிங்கநல்லூர்' முதலிடம் பிடித்துள்ளது. சென்னை மாவட்டத்திற்கு உட்பட்ட 16 தொகுதிகளில் இறுதி வாக்காளர் எண்ணிக்கை வெளியாகி உள்ளது.

இந்த சிறப்புத் தீவிர திருத்தத்துக்கு முன்னதாக சென்னை மாவட்டத்தில் உள்ள 16 சட்டசபை தொகுதிகளில் 40,04,694 வாக்காளர்கள் இருந்த நிலையில், சிறப்புத் தீவிர திருத்தம் செய்யப்பட்டு, கடந்த டிசம்பர் மாதம் வெளியிடப்பட்ட வரைவு வாக்காளர் பட்டியலில் 25,79,676 வாக்காளர்கள் பெயர் மட்டுமே இடம்பெற்றது. வரைவு பட்டியல் வெளியிட்ட பிறகு, 2,51,260 வாக்காளர்கள் புதிதாக சேர்க்கப்பட்டுள்ளனர்.

சென்னை மொத்த வாக்காளர்கள்

சென்னையில் 28,30, 936 வாக்காளர்கள் இறுதிப் பட்டியலில் இடம்பெற்றுள்ளனர். ஆண் வாக்காளர்கள்: 13,65,763
பெண் வாக்காளர்கள் :14,64,344
3ஆம் பாலினத்தவர்: 829

சென்னை மாவட்டத்தில் அதிகபட்சமாக பெரம்பூர் தொகுதியில் 2,22,792 வாக்காளர்களும், குறைந்தபட்சமாக துறைமுகம் தொகுதியில் 1,16,896 வாக்காளர்களும் உள்ளனர்.

ராதாகிருஷ்ணன் நகர் - 1, 95,856

பெரம்பூர் - 2,22,792,

கொளத்தூர் - 2,07,251

வில்லிவாக்கம் - 1,59,764

திரு வி க நகர் - 1,78,793

எழும்பூர் - 1,34,879

ராயபுரம் - 1,56,931

துறைமுகம் 1,16,896

சேப்பாக்கம் - 1, 63,866

ஆயிரம் விளக்கு - 1,53,908

அண்ணா நகர் - 1,81,402

விருகம்பாக்கம் - 1,96,536

சைதாப்பேட்டை - 2,00,607

தி.நகர் - 1,54,943

மயிலாப்பூர் - 1,94,731

வேளச்சேரி - 2,11,691

English summary

As the final voter list in Tamil Nadu has been released, it has been announced that there are 28.30 lakh voters in Chennai district. In Chennai district, the maximum number of voters is in Perambur constituency with 2,22,792 and the minimum is in Port constituency with 1,16,896.