ஓய்வூதியதாரர்களுக்கு மிகப்பெரிய சர்ப்ரைஸ்! இந்த முறை மகளிர் உரிமை தொகை திட்டத்தில் சேர்ப்பு? அடிதூள்

சென்னை: தமிழக அரசின் ஓய்வூதியம் பெறும் ஊழியர்களின் குடும்பங்களுக்கு மிகப்பெரிய நல்ல செய்தி கிடைத்துள்ளது. துணை முதலமைச்சர் உதயநிதி ஸ்டாலின், கலைஞர் மகளிர் உரிமைத்தொகை டிசம்பர் 12 முதல் தகுதியான பெண்களுக்கு வழங்கப்படும் என்பதை உறுதிப்படுத்தியுள்ளார். இதில் வருவாய் குறைவான பின்னணி கொண்ட ஓய்வூதியதாரர்களுக்கும் பணம் வழங்கப்படும் என்று அறிவிப்பு வெளியாகி உள்ளது.

இதனால், ஓய்வூதியத்தை மட்டும் நம்பி வாழும் ஆயிரக்கணக்கான குடும்பங்களுக்கு மகளிர் உரிமை தொகையும் கூடுதலாக வரும் என்று கூறப்படுகிறது.

இதுபற்றிப் பேசிய உதயநிதி, கடந்த இரண்டரை ஆண்டுகளில் 1.15 கோடி பெண்களுக்கு இந்த உதவித்தொகை வழங்கப்பட்டுள்ளதாகக் கூறினார். மத்திய அரசின் நிதி மற்றும் நிர்வாகத் தடைகள் இருந்தபோதிலும், தமிழ்நாடு பெண்களின் நலன் மற்றும் மேம்பாட்டில் கவனம் செலுத்துகிறது என்றார். மாநிலம் தழுவிய உங்களுடன் ஸ்டாலின் முகாம்களில் பெறப்பட்ட லட்சக்கணக்கான விண்ணப்பங்கள் ஆய்வு செய்யப்பட்டு, பயனாளிகள் கண்டறியப்பட்டுள்ளனர்.

விதிகளில் திருத்தம்

திட்டத்தை மேலும் உள்ளடக்கியதாக்க, அரசு தகுதி விதிகளைத் திருத்தியுள்ளது. ஓய்வூதியம் பெறும் முன்னாள் அரசு ஊழியர்கள் நேரடியாக விண்ணப்பிக்க இயலாது; ஆனால் அவர்களது குடும்பங்களில் உள்ள தகுதியுள்ள பெண்கள் உரிமைத்தொகை பெறலாம். குடும்பத்தின் மொத்த வருடாந்திர ஓய்வூதியம் ₹2.5 லட்சத்திற்குக் குறைவாக இருக்க வேண்டும் என்பதே நிபந்தனை.

ஓய்வூதியதாரர்கள் சங்கங்களின் நீண்டகால கோரிக்கைகளுக்குப் பிறகு இந்த முடிவு எடுக்கப்பட்டுள்ளது. ஓய்வுபெற்ற ஊழியர்களும் குடும்பத்தினரும் எதிர்கொள்ளும் நிதி நெருக்கடிகளை அரசு கருத்தில்கொள்ளுமாறு அவர்கள் வலியுறுத்தினர். அதை அரசு ஏற்றுக்கொண்டுள்ளதாக கூறப்படுகிறது. மாநில அரசின் இந்த சாதகமான பதில், சிறிய ஓய்வூதியங்களை நம்பியுள்ள குடும்பங்களுக்கு நம்பிக்கையை அளிக்கிறது.

உங்களுடன் ஸ்டாலின் திட்டம் - மகளிர் உரிமை தொகை

புதிய விண்ணப்பங்களைச் செயல்படுத்துகையில், திட்டத்தின் அனைத்து நிலையான நிபந்தனைகளும் தொடரும் என்று அதிகாரிகள் தெளிவுபடுத்தியுள்ளனர். இந்த அறிவிப்பால், தமிழகம் முழுவதும் முன்னர் விடுபட்ட ஆயிரக்கணக்கான பெண்கள், உங்களுடன் ஸ்டாலின் திட்டம் மூலமும், உள்ளூர் நல அலுவலகங்கள் வழியாக விண்ணப்பங்களைச் சமர்ப்பித்து உள்ளனர்.

டிசம்பர் 12 முதல் மகளிர் உரிமை தொகை விரிவாக்க நிதி விநியோகம். செய்யப்படும் பல ஓய்வுபெற்ற ஊழியர்களுக்கும் அவர்களது குடும்பங்களுக்கும் தேவையான நிம்மதியையும் மகிழ்ச்சியையும் தரும் என எதிர்பார்க்கப்படுகிறது. இது சமூக நீதி மற்றும் பெண்கள் நலனில் தமிழக அரசின் உறுதிப்பாட்டை மீண்டும் உறுதிப்படுத்துகிறது.

புதிய விண்ணப்பம் ஏற்கப்படாது

அதே சமயம், கலைஞர் மகளிர் உரிமைத் திட்டத்திற்கான புதிய விண்ணப்பங்கள் அல்லது மேல்முறையீடுகள் எதுவும் ஏற்கப்படாது என தமிழ்நாடு அரசு வட்டாரங்கள் தெரிவித்து உள்ளன. அதாவது உங்களுடன் ஸ்டாலின் முகாம்கள் முடிந்துவிட்டதால் புதிய விண்ணப்பங்கள் ஏற்கப்படாது என்று தமிழ்நாடு அரசு வட்டாரங்கள் தெரிவித்து உள்ளன.

கடந்த மாதமே மகளிர் உரிமைத் தொகை பதிவுக்கான கால அவகாசம் முடிவடைந்த நிலையில், சிறப்பு முகாம்களில் விண்ணப்பிக்கத் தவறிய பெண்கள் சிலர் புதிதாக விண்ணப்பம் செய்ய முயல்வதால் இந்த தகவல் வெளியாகி உள்ளது.

இத்திட்டத்தின் தகுதி, விண்ணப்பிக்கும் வழிமுறைகள் பற்றி பெண்களுக்கு வழிகாட்ட, தமிழக அரசு மாநிலம் முழுவதும் 10,000 உங்களுடன் ஸ்டாலின் முகாம்களை ஏற்பாடு செய்திருந்தது. பல வாரங்களாக நடைபெற்ற இம்முகாம்களுக்கு சிறப்பான வரவேற்புக் கிடைத்த நிலையில், காலக்கெடுவுக்குள் 28 லட்சத்துக்கும் அதிகமான பெண்கள் விண்ணப்பித்திருந்தனர் என்பது குறிப்பிடத்தக்கது.

English summary

Good news for retired employees’ families as TN expands Magalir Urimai Thogai Rs.1000 for them