அரசு ஊழியர்களுக்கு பழைய vs புதிய vs ஒருங்கிணைந்த ஓய்வூதிய திட்டங்கள்.. எதில் என்னென்ன லாபம்

சென்னை: தமிழ்நாட்டில் சுமார் 9 லட்சம் பேர் அரசு ஊழியர்களாகவும், ஆசிரியர்களாகவும் பணியாற்றி வரும் நிலையில், இதில் பலருக்கும் பழைய ஓய்வூதியம் கிடையாது.குறிப்பாக செல்வது என்றால் 1.4.2003 அன்றைய தேதிக்கு முன்புவரை அரசுப் பணியில் சேர்ந்த ஆசிரியர்கள் மற்றும் அரசு ஊழியர்களுக்கு பழைய ஓய்வூதிய திட்டம் இருக்கிறது. அதன் பிறகு பணியில் சேரும் ஊழியர்களுக்கு பங்களிப்பு ஓய்வூதிய திட்டம் என்ற புதிய திட்டத்தை அரசு செயல்படுத்துகிறது. இதற்கிடையே ஒருங்கிணைந்த ஓய்வூதியம் என்ற புதிய திட்டத்தை மத்திய அரசு அறிவித்துள்ளது. இந்த மூன்றில் எது அரசு ஊழியர்களுக்கு சிறந்தது எதில் என்ன நன்மை என்பதை பார்ப்போம்,

பொதுவாக அரசு ஊழியர்கள், ஆசிரியர்களை பொறுத்தவரை பழைய ஓய்வூதிய திட்டத்தையே செயல்படுத்த வேண்டும் என்று கோரிக்கை வைத்து வருகிறார்கள். இது தொடர்பாக பல்வேறு போராட்டங்களையும் நடத்தி வருகிறார்கள். கடந்த தேர்தலின் போது, அரசு ஊழியர்களுக்கு பழைய ஓய்வூதியத்தை நடைமுறைப்படுத்துவது தொடர்பாக ஆய்வுக்குழு அமைத்து நடவடிக்கை எடுக்கப்படும் என்று கூறியிருந்தது. ஆனால் தங்களது கோரிக்கை நிறைவேறவில்லை என்று கோரி அரசு ஊழியர்கள், ஆசிரியர்கள் சங்கங்கள் இப்போது தொடர் போராட்டங்களை நடத்தி வருகின்றன.

இதனிடையே பழைய ஓய்வூதிய திட்டம், பங்களிப்பு ஓய்வூதிய திட்டம் மற்றும் ஒருங்கிணைந்த ஓய்வூதிய திட்டம் ஆகிய ஓய்வூதிய திட்டங்களின் சாத்தியக்கூறுகள் குறித்து விரிவான ஆய்வு மேற்கொண்டு அரசுக்கு அறிக்கை அளிக்க மூத்த ஐ.ஏ.எஸ். அதிகாரி ககன்தீப்சிங் பேடி தலைமையில் கடந்த பிப்ரவரி மாதம் குழு அமைக்கப்பட்டது. இந்த குழு 9 மாதங்களுக்குள் அரசுக்கு அறிக்கை சமர்ப்பிக்க வேண்டும் என அறிவுறுத்தப்பட்டிருந்தது.

அதன்படி, பல்வேறு சங்கங்களுடன் பல கட்டங்களாக ஐ.ஏ.எஸ். அதிகாரி ககன்தீப்சிங் பேடி தலைமையிலான குழு ஆலோசனை நடத்தியது. அதன் தொடர்ச்சியாக கடந்த அக்டோபர் மாதம் ஓய்வூதிய திட்டங்கள் தொடர்பான இடைக்கால அறிக்கையை தமிழ்நாடு அரசிடம் அந்த குழு சமர்ப்பித்தது. முழு அறிக்கையை டிசம்பர் இறுதிக்குள் சமர்ப்பிக்க வேண்டும் என்றும் தெரிவித்திருந்தது.

இந்த சூழ்நிலையில் தங்களது கோரிக்கையை நிறைவேற்றக்கோரி அரசு ஊழியர்கள், ஆசிரியர்கள் மீண்டும் போராட்டத்தில் இறங்கினர். அவர்களுடன் அமைச்சர்கள் குழு அண்மையில் பேச்சுவார்த்தை நடத்தியது. அதில் எந்தவித உடன்பாடும் ஏற்படவில்லை. எனவே ஏற்கனவே திட்டமிட்டபடி ஜனவரி 6-ந் தேதி முதல் போராட்டம் நடைபெறும் என்று அரசு ஊழியர்-ஆசிரியர் சங்கங்கள் அறிவித்திருக்கின்றன
.

இது ஒருபுறம் எனில் ஓய்வூதிய திட்டம் தொடர்பான இறுதி அறிக்கையை சென்னை தலைமைச் செயலகத்தில் முதல்-அமைச்சர் மு.க.ஸ்டாலினிடம், ஊரக வளர்ச்சித்துறையின் கூடுதல் தலைமைச் செயலாளரும், மூத்த ஐ.ஏ.எஸ் அதிகாரியுமான ககன்தீப்சிங் பேடி தலைமையிலான 3 பேர் கொண்ட குழுவினர் நேற்று சமர்ப்பித்தார்கள். இந்த குழுவின் இறுதி அறிக்கையில் அளிக்கப்பட்டுள்ள பரிந்துரைகளின் அடிப்படையில் முடிவு எடுத்து, அதனை முதல்வர் மு.க.ஸ்டாலின் விரைவில் அறிவிப்பார் என்று எதிர்பார்க்கப்படுகிறது.

தற்போதைய நிலையில் தலைமை செயலக வட்டாரங்கள் சொல்வது என்னவென்றால், பழைய ஓய்வூதிய திட்டம் அமல்படுத்த வாய்ப்பே இல்லை என்றும், அதற்கு பதிலாக மத்திய அரசு அறிவித்துள்ள ஒருங்கிணைந்த ஓய்வூதிய திட்டத்தை அமல்படுத்த அரசுக்கு பரிந்துரைக்கப்பட்டுள்ளதாகவும் கூறப்படுகிறது.

பழைய ஓய்வூதியம் மற்றும் புதிய ஓய்வூதியம் மற்றும் ஒருங்கிணைந்த ஓய்வூதியம் ஆகியற்றுக்கு இடையே உள்ள வித்தியாசங்களை பார்ப்போம்.

நீங்கள் பகிர்ந்துள்ள படம் பழைய ஓய்வூதியத் திட்டம் (OPS), புதிய ஓய்வூதியத் திட்டம் (NPS) மற்றும் ஒருங்கிணைந்த ஓய்வூதியத் திட்டம் (UPS) ஆகியவற்றுக்கு இடையேயான முக்கிய வேறுபாடுகளைத் தெளிவாக விளக்குகிறது.

அதன் முழுமையான விவரங்கள் இதோ:

1. பழைய ஓய்வூதியத் திட்டம் (OPS)
அமலாக்கம்: மத்திய அரசில் 2003-க்கு முன் (தமிழகத்தில் 2001 வரை).

யாருக்கு: 2001-க்கு முன் பணியில் சேர்ந்த அரசு ஊழியர்களுக்கு.

ஓய்வூதியத் தொகை: கடைசி மாதச் சம்பளத்தில் 50% உறுதியாகக் கிடைக்கும்.

பங்களிப்பு: ஊழியர்கள் தங்கள் சம்பளத்திலிருந்து எவ்விதத் தொகையும் செலுத்தத் தேவையில்லை. முழுச் செலவையும் அரசே ஏற்கும்.

இதர பலன்கள்: அகவிலைப்படி (DA) உயர்வு உண்டு. குடும்ப ஓய்வூதியம் முழுமையாகக் கிடைக்கும்.

சவால்: இது அரசுக்கு மிகப்பெரிய நிதிச் சுமையை ஏற்படுத்துகிறது.

2. புதிய ஓய்வூதியத் திட்டம் ( NPS)
அமலாக்கம்: 2001-க்குப் பிறகு (தமிழகத்தில்)

யாருக்கு: 2001-க்குப் பின் பணியில் சேர்ந்த அரசு ஊழியர்களுக்கு.

ஓய்வூதியத் தொகை: இது முதலீடு சார்ந்தது. நாம் முதலீடு செய்த தொகை மற்றும் சந்தை லாபத்தைப் பொறுத்தே அமையும். ஓய்வூதியம் உறுதி கிடையாது.

பங்களிப்பு: ஊழியர் சம்பளத்தில் 10% பிடித்தம் செய்யப்படும். அரசு 14% பங்களிப்பு வழங்கும்.

இதர பலன்கள்: ஓய்வு பெறும்போது 60% தொகையை மொத்தமாகப் பெற்றுக்கொள்ளலாம். மீதமுள்ள 40% மட்டுமே மாத ஓய்வூதியமாக வரும். அகவிலைப்படி உயர்வு கிடையாது.

சவால்: பங்குச்சந்தை அபாயம் உள்ளது; அரசு ஊழியர்களுக்கு இதில் துளியும் விருப்பம் இல்லை.

3. ஒருங்கிணைந்த ஓய்வூதியத் திட்டம் (UPS)

அமலாக்கம்: 2024-25 (மத்திய அரசின் முன்மொழிவு).

யாருக்கு: மத்திய அரசு ஊழியர்களுக்கு (மாநில அரசுகள் விரும்பினால் ஏற்றுக்கொள்ளலாம்).

ஓய்வூதியத் தொகை: உறுதியான குறைந்தபட்ச ஓய்வூதியம் மற்றும் முதலீடு கலந்த பலன்கள்.

பங்களிப்பு: ஊழியர் பங்களிப்பு உள்ளது. அரசு தனது பங்களிப்பைத் தொடரும்.

இதர பலன்கள்: குடும்ப ஓய்வூதியம் வழங்கப்படும். அகவிலைப்படி உயர்வுக்கான வாய்ப்புகள் உள்ளன.

நிலைப்பாடு: இது அரசுக்கும் ஊழியருக்கும் இடையிலான ஒரு நடுத்தர சமரசத் திட்டமாக இது கருதப்படுகிறது.

இறுதியாக : தமிழ்நாட்டில் மத்திய அரசை பின்பற்றி, அரசு ஊழியர்களுக்கு ஒருங்கிணைந்த ஓய்வூதியத் திட்டம் செயல்படுத்தப்படவே அதிக வாய்ப்பு உள்ளது என்று தலைமை செயலக வட்டாரத்தில் கூறுகிறார்கள்

English summary

Government employees: Old vs. New vs. Integrated pension schemes – What are the benefits of each, and what is the Tamil Nadu government's decision?