என்னாது எடப்பாடி இல்லையா! சையது பேட்டையா? ஐயோ ஊர் பெயர்களில் இம்புட்டு சங்கதி இருக்கா?

Published: Thursday, April 4, 2024, 13:31 [IST]

Subscribe to Oneindia Tamil

சென்னை: தமிழகத்தில் உள்ள ஊர்களில் பல ஊர்களுக்கு இப்போது அழைக்கப்படும் பெயர்கள் ஒரிஜினல் இல்லையாமே.

பொதுவாகவே ஒரு பெயர் மருவி புது பெயரே பேச்சு வழக்கில் இருந்து வரும். இதனால் அந்த ஊரின் பழைய பெயர் மறந்தே போகும். உதாரணமாக கோடம்பாக்கம் என்பது கோடாபாக் என அழைக்கப்பட்டது.

Here are the list of places in Tamilnadu which has old name

கோடா என்றால் இந்தி மொழியில் குதிரை என்பதாகும். பாக் என்ற பகுதி. அதாவது குதிரைகள் கட்டி வைக்கும் பகுதி என்பதாகும். அது மருவி கோடம்பாக்கம் என அழைக்கப்பட்டு வருகிறது. அது போல் கடலோரத்தில் வாழ்ந்த மதராசன் என்ற மீனவத் தலைவனின் பெயரால் வந்ததுதான் மதராஸ் அல்லது மதராசபட்டினம் என சமூகவலைதளங்களில் சொல்லப்படுகிறது.

அது போல் ஜெ. ஜெயலலிதா நகர், ஜெ. ஜெ. நகர் என்றும் கலைஞர் கருணாநிதி நகர், கே.கே. நகர் என்றும் அழைக்கப்படுகிறது.

அது போல் கோவையில் பிரசித்தி பெற்ற கோயிலான கோணியம்மன் பெயரில் கோணியம்மன்புத்தூர் என அழைக்கப்பட்ட நிலையில் அது கோயமுத்தூர் என மருவியது என்கிறார்கள். அந்த வகையில் இன்னும் சில தமிழில் உள்ள பெயர்களை பார்க்கலாம்.

இதுகுறித்து இன்பா என்பவரின் எக்ஸ் சமூகவலைதள பக்கத்தில் கூறியிருப்பதாவது:

இம்புட்டு சங்கதி இருக்கா... இது தெரியாமத்தான் இத்தனை நாளா இருந்திருக்கோமாக்கும்...

தமிழில் உள்ள ஊர் பெயர்கள்..!!

எடப்பாடி அல்ல;
இடையர்பாடி.

மதுரை அல்ல;
மருதத்துறை.

மானாமதுரை அல்ல;
வானவன் மருதத்துறை.

காளையார் கோவில் அல்ல;
கானப்பேரெயில்.

சிவகங்கை அல்ல;
செவ்வேங்கை.

திருவாரூர் அல்ல;
ஆரூர்.

பொள்ளாச்சி அல்ல;
பொழில் ஆட்சி.

சிதம்பரம் அல்ல;
திண்டிவனம் போல்
அது தில்லைவனம்.

கான்சாபுரம் அல்ல;
கான்சாகிபு புரம்.
(மருதநாயகம் நினைவாக வைத்த பெயர்)