சுத்தி சுத்தி வந்தீக.. லக்னோவிற்கும் லக் நோ! தோனி செய்த சின்ன மாற்றம்! சிஎஸ்கேவிற்கு உதவியது எப்படி?

சென்னை: லக்னோவிற்கு எதிரான டி 20 போட்டியில் சிஎஸ்கே அணி இன்று ஆடிய விதம் பெரிய அளவில் கவனிக்கப்பட்டது. பவுலிங்கில் கொஞ்சம் சொதப்பினாலும் தோனி செய்த சிறிய மாற்றம் அணிக்கு பெரிய அளவில் உதவியாக இருந்தது.

ஐபிஎல் 2023 ஆட்டம் விறுவிறுப்பாக சென்று கொண்டு இருக்கிறது. முதல் போட்டியில் தோல்வி அடைந்த சிஎஸ்கே அணி தற்போது இரண்டாவது போட்டியில் லக்னோவை எதிர்கொண்டது. சென்னை சேப்பாக்கம் மைதானத்தில் இரண்டாவது மேட்ச் நடந்தது.

இதில் சிஎஸ்கே டாஸ் தோல்வி அடைந்த நிலையில் சிஎஸ்கே அணி முதலில் பேட்டிங் இறங்கியது. இன்று சிஎஸ்கே அணியில் டெவோன் கான்வே, ருதுராஜ் கெய்க்வாட், மொயீன் அலி, பென் ஸ்டோக்ஸ், அம்பதி ராயுடு, ரவீந்திர ஜடேஜா, எம்எஸ் தோனி (கேட்ச் & டபிள்யூ), ஷிவம் துபே, மிட்செல் சான்ட்னர், தீபக் சாஹர், ஆர்எஸ் ஹங்கர்கேகர் ஆகியோர் களமிறங்கினர்.

சிஎஸ்கே

இன்று களமிறங்கிய சிஎஸ்கே அணி தொடக்கத்தில் இருந்தே அதிரடியாக ஆடியது. கடந்த போட்டியில் அதிரடி காட்டிய ருத்துராஜ் இந்த மேட்சிலும் அதே வேகத்தில் அடித்து ஆடினார். 31 பந்துகள் பிடித்தவர் 3 பவுண்டரி , 4 சிக்ஸர் அடித்தார். 57 ரன்கள் எடுத்த நிலையில் அவர் அவுட் ஆனார். அதை தொடர்ந்து இன்னொரு பக்கம் 29 பந்துகளில் கான்வே 47 ரன்கள் எடுத்தார். இதில் 5 பவுண்டரி, 2 சிக்ஸர் அடக்கம். இதன் பின்பு தான் சிஎஸ்கே அணி மேட்சில் சிறிய மாற்றம் செய்தது. மொயின் அலியை தோனி களமிறக்காமல் துபேவை களமிறங்கினார்.

துபே

புதிய பந்தில் கொஞ்சம் நன்றாக ஆட கூடிய துபே ஒன் டவுன் இறங்கியது சிஎஸ்கே அணிக்கு சாதகமாக மாறியது. கடந்த போட்டியில் பந்து பேட்டில் மாட்டாமல் தவித்த துபே இந்த மேட்சில் தொடக்கத்தில் இருந்தே நன்றாக ஆடினார். தோனியின் இந்த முடிவு சிஎஸ்கேவிற்கு உதவியது. வெறும் 16 பந்துகளில் 3 சிக்ஸ், 1 பவுண்டரி என்று 27 ரன்கள் எடுத்தார். பின்னர் மொயின் அலி 19, அம்பதி ராயுடு 27 ரன்கள் எடுத்தனர். தோனி கடைசியில் வந்து 3 பந்தில் 2 சிக்ஸ் அடித்து 12 ரன்கள் எடுத்தார்.

சிஎஸ்கே

இதனால் சிஎஸ்கே அணி 217-7 ரன்கள் எடுத்தது. இதையடுத்து களமிறங்கிய லக்னோவில் கே எல் ராகுல் 20 ரன்கள் எடுத்து அவுட் ஆனார். கைலி மையர்ஸ் 8 பவுண்டரி, 2 சிக்ஸ் அடித்து 22 பந்தில் 53 ரன்கள் எடுத்து நல்ல தொடக்கம் கொடுத்தார். பின்னர் ஸ்டோனிஸ், க்ருனால், ஹூடா வரிசையாக சொற்ப ரன்களில் அவுட் ஆனார்கள். கடைசியில் பூரான் மட்டும் அதிரடியாக ஆடி 18 பந்தில் 3 சிக்ஸ், 2 பவுண்டரி என்று 32 ரன்கள் எடுத்து சிஎஸ்கேவிற்கு பிரஷர் கொடுத்தார். இந்த மேட்சில் சிஎஸ்கே அணி ஸ்பின் பவுலிங் கை கொடுத்தது. பொதுவாக சிஎஸ்கே அணிக்கு சேப்பாக்கம் மைதானத்தில் ஸ்பின் கைகொடுக்கும்.

ஸ்பின்

அதேபோல்தான் இங்கும் ஸ்பின் பவுலிங் சிஎஸ்கேவிற்கு கை கொடுத்தது. சாண்டர் ஹூடா ஓவரில் அவுட் ஆனார். ராகுல் மொயின் அலி பந்தில் அவுட்ப் ஆனார். அதேபோல் பாண்டியாவும் மொயின் அலி பந்தில் அவுட் ஆனார். கைலி மையர்ஸ், ஸ்டோனிஸ் ஆகியோரும் ஹூடா மொயின் பந்தில் அவுட் ஆனார்கள். சுற்றி சுற்றி வந்த ஸ்பின் பவுலிங்தான் சிஎஸ்கே அணிக்கு கை கொடுத்தது. இம்பாக்ட் வீரராக வந்த துஷார் தேஷ் பாண்டே ரன்களை வாரி வழங்கினாலும்ம் பூரான் விக்கெட்டை எடுத்து ஆட்டத்தை மாற்றினார்.

வெற்றி எப்படி?

இதையடுத்து ஆட்டத்தை நெருக்கி கொண்டு சென்ற சிஎஸ்கே அணி 9 பந்தில் 33 ரன்கள் எடுக்க வேண்டும் லக்னோவை கொண்டு சென்றது. அதன்பின் 6 பந்தில் 27 ரன்கள் எடுக்க வேண்டும் ஏற்பட்டது. அந்த ஓவரில் சிக்ஸ் அடிக்க வேண்டும் என்ற நிலையில் முதல் பந்திலேயே துஷார் நோ பால் போட்டார். அவருக்கு இந்த போட்டியில் நோ பால் பிரச்சனை இருந்தது. இந்த நிலையில் அந்த ஓவரிலேயே பதோணி அவுட் ஆனார். கடைசி பந்தில் 19 ரன்கள் தேவைப்பட்ட நிலையில் சிஎஸ்கே எளிதாக வென்றது .

English summary

How did CSK win the match against LSG in the IPL 2023? All you need to know