10ம் வகுப்பு பொதுத்தேர்வு ஹால் டிக்கெட்.. இன்று வெளியாகிறது .. தமிழக பள்ளிக்கல்வித் துறை அறிவிப்பு

இன்று முதல் 10ம் வகுப்பு மாணவர்களுக்கு ஹால்டிக்கெட் வழங்கப்பட உள்ளதாக அறிவிப்பு வெளியாகி உள்ளது

Published: Friday, March 17, 2023, 8:41 [IST]

Subscribe to Oneindia Tamil

சென்னை: தமிழகத்தில் பத்தாம் வகுப்புக்கான பொதுத்தேர்வு ஏப்ரல் 6 முதல் 20-ந்தேதி வரை நடத்தப்பட உள்ளது. இந்த தேர்வுக்கு விண்ணப்பித்த தனித்தேர்வர்களுக்கான (தட்கல் உள்பட) ஹால் டிக்கெட் இன்று வெளியிடப்பட உள்ளது.
தமிழ்நாட்டில் 10ம் வகுப்பு பொதுத் தேர்வு வருகிற 6ம் தேதி துவங்குகிறது.. அன்றைய தினம் தொடங்கி 20- 04 - 2023 வரை தேர்வு நடைபெறவுள்ளது.

இந்த தேர்வுக்கான அட்டவணை மற்றும் முடிவு தேதிகள் அதிகாரப்பூர்வமாக அறிவிக்கப்பட்டும் இருந்தது.. அந்த அட்டவனை இதுதான்:

டைம்டேபிள்

தேதி	பாடம்
06.04.2023	தமிழ்
10.04.2023	ஆங்கிலம்
13.04.2023	கணிதம்
15.04.2023	விருப்ப மொழிப் பாடம்
17.04.2023	அறிவியல்
20.04.2023	சமூக அறிவியல்

சோஷியல் சயின்ஸ்

அதுமட்டுமல்ல, தேர்வு எழுதும் மாணவர்களுக்கு எளிமையாக இருக்கும் வகையில், ஒவ்வொரு தேர்வுக்கும் இடையே கால இடைவெளி கொடுக்கப்பட்டுள்ளது... ஆங்கில பாடத்துக்கு 3 நாட்கள் விடுமுறையும், கணித பாடத்துக்கு 2 நாட்கள் விடுமுறையும், அறிவியல் பாடத்துக்கு 3 நாட்கள் விடுமுறையும், சமூக அறிவியல் பாடத்துக்கு 2 நாட்கள் விடுமுறையும் அளிக்கப்பட்டுள்ளன.. இதனைத்தொடர்ந்து, 10ஆம் வகுப்பு பொதுத்தேர்வு முடிவுகள் மே 17ம் தேதி வெளியிடப்படும் என்று பள்ளிக் கல்வித் துறை அறிவித்துள்ளது... எனவே, மாணவர்களும் தேர்வுக்கு தயாராகி கொண்டிருக்கிறார்கள்..

ஹால் டிக்கெட்

இந்நிலையில், 10-ம் வகுப்பு பொதுத்தேர்வு எழுதும், தனித்தேர்வுகளுக்கான நுழைவுச் சீட்டு (ஹால் டிக்கெட்) நாளை வெளியிடப்பட்டு உள்ளதாக தமிழ்நாடு அரசு தேர்வுத்துறை அறிவித்துள்ளது. இதுகுறித்து தேர்வுத்துறை இயக்குநர் சா.சேதுராம வர்மா செய்திக்குறிப்பு ஒன்றையும் வெளியிட்டுள்ளார்.. அதில் தெரிவித்திருப்பதாவது: தமிழகத்தில் பத்தாம் வகுப்புக்கான பொதுத்தேர்வு ஏப்ரல் 6 முதல் 20-ந்தேதி வரை நடத்தப்பட உள்ளது. இந்த தேர்வுக்கு விண்ணப்பித்த தனித்தேர்வர்களுக்கான (தட்கல் உள்பட) ஹால் டிக்கெட் நாளை வெளியிடப்பட உள்ளது.

மேஜர் தகவல்

இதையடுத்து தேர்வர்கள் www.dge.tn.gov.in என்ற இணையதளத்தில் சென்று விண்ணப்ப எண், பிறந்த தேதியை உள்ளீடு செய்து அவற்றை பதிவிறக்கம் செய்து கொள்ளலாம். இது தவிர 10-ம் வகுப்புக்கான அறிவியல் பாட செய்முறைத் தேர்வுகள் மார்ச் 20 முதல் 24- ந்தேதி வரை நடத்தப்பட உள்ளது. தனித்தேர்வர்களுக்கு பயிற்சி வகுப்புகள் நடத்தப்பட்ட பள்ளிகளிலேயே செய்முறைத் தேர்வுகள் நடைபெறும். தங்களுக்குரிய தேர்வு தேதி விவரங்களை சம்பந்தப்பட்ட பள்ளி தலைமையாசிரியர்களைத் தொடர்பு கொண்டு அறிந்து கொள்ளலாம்" என்று அதில் கூறப்பட்டுள்ளது.

Published On March 17, 2023