2005ல் பல்லாவரம் ரேடியல் சாலையில் 10 லட்சத்திற்கு இடம் வாங்கியிருந்தால் இன்று என்ன விலை தெரியுமா?

சென்னை: சென்னையில் பல்லாவரம் என்பது விமான நிலையம் அருகில் உள்ள பகுதி தான்.. கடந்த 2005ம் ஆண்டு எல்லாம் ஜாமீன் பல்லாவரம் பகுதியில் ரேடியல் சாலையில் இடம் வாங்கியிருந்தால் அதன் மதிப்பு இன்று எவ்வளவு இருக்கும் தெரியுமா? 10 லட்சத்திற்கு அன்று ஒரு கிரவுண்ட் இடம் வாங்கி போட்டிருந்தால் இன்று அதன் மதிப்பு 2.5 கோடி வரை இருக்கும். ஆச்சரியமாக இருக்கிறதா.. உண்மை தான். சென்னையில் நிலத்தின் மதிப்பு மிக அசுர வேகத்தில் வளர்ந்த இடங்களில் ரேடியல் சாலையும் ஒன்று.

சென்னையில் பல்லாவரத்திற்கும் துரைப்பாகத்திற்கும் இடையே உள்ள சாலை ரேடியல் சாலை.. இந்த சாலை சுமார் 20 வருடங்களுக்கு முன்பு வெறும் காடு தான்.. பெரிய அளவில் எந்த வளர்ச்சியும் இல்லாமல் இருந்தது. ஆனால் இன்று ஐடி நிறுவனங்கள் அதிக அளவில் அமைந்துள்ள சாலையாக இருக்கிறது. விலை உயர்ந்த பல அடுக்குமாடி கட்டிடங்கள் அமைந்துள்ளன. துரைப்பாக்கத்தில், ஓஎம்ஆர் சாலையில் எப்படி ஐடி நிறுவனங்கள் அதிகமாக உள்ளனவோ, அதுபோல் அசுர வளர்ச்சி அடைந்த பகுதியாக ரேடியல் சாலை உள்ளது. பள்ளிக்கரணை காமாட்சி மருத்துவமனை தொடங்கி, ஜமீன் பல்லாவரம் வரை உள்ள ஐந்து கிலோ மீட்டர் தூரம் என்பது சென்னையின் மிக காஸ்ட்லியான ரியல் எஸ்டேட் வளர்ச்சி உள்ள இடமாக அமைந்திருக்கிறது.

ஜமீன் பல்லாவரம் ரேடியல் சாலைப் பகுதியில் 2005-ம் ஆண்டில் நீங்கள் 10 லட்சத்திற்கு ஒரு நிலத்தை வாங்கியிருந்தால், அதன் தற்போதைய மதிப்பு ஆச்சரியம் அளிக்கும் வகையில் உயர்ந்திருக்கும். 2005-ல் ஜமீன் பல்லாவரம், கோவிலம்பாக்ககம் போன்ற சென்னையின் புறநகர் பகுதிகளில் நிலத்தின் விலை சதுர அடிக்கு சராசரியாக ₹400 முதல் ₹600 வரை இருந்தது. அன்று 10 லட்சத்திற்கு நீங்கள் வாங்கிய நிலத்தின் அளவு சுமார் 1,600 முதல் 2,500 சதுர அடி (சுமார் 2.5 முதல் 4 கிரவுண்ட்) இருந்திருக்கும்.

2026-ல் தற்போது இப்பகுதியில் பிரதான சாலை அல்லது முக்கிய குடியிருப்பு பகுதிகளில் நிலத்தின் விலை சதுர அடிக்கு சராசரியாக ₹7,000 முதல் ₹10,000 வரை (இடத்தின் அமைப்பைப் பொறுத்து) விற்கப்படுகிறது. தற்போதைய மதிப்பு: குறைந்தபட்சமாக 1,600 சதுர அடி நிலம் இன்று சதுர அடிக்கு ₹7,000 என்று கணக்கிட்டாலும் 1.12 கோடி ரூபாய் ஆகும். அதிகபட்சமாக 2,500 சதுர அடி நிலம் சதுர அடிக்கு ₹10,000 என்று கணக்கிட்டால் 2.5 கோடி ரூபாய் ஆக உயர்ந்து இருக்கும்.

இன்னும் தெளிவாக சொல்வது என்றால், 2005-ல் 10 லட்சத்திற்கு வாங்கிய நிலம், இன்று அதன் அமைவிடம் மற்றும் சாலை வசதிகளைப் பொறுத்து 1 கோடி முதல் 2.5 கோடி ரூபாய் வரை மதிப்புள்ள சொத்தாக மாறியிருக்கும். அதாவது, கடந்த 21 ஆண்டுகளில் உங்கள் முதலீடு 10 முதல் 25 மடங்கு வரை வளர்ந்திருக்கும். ஆச்சரியமாக தோன்றினாலும் உண்மை தான். யார் சரியாக சென்னையின் வளர்ச்சியை கணித்து ரியல் எஸ்டேட் துறையில் முதலீடு செய்திருந்தார்களோ, அவர்கள் எல்லாருமே இன்று கோடீஸ்வரர்களாவே இருப்பார்கள்..

2005ல் 10 லட்சத்தை வங்கியில் போட்டிருந்தால், 50 லட்சம் ரூபாயைத் தாண்ட வாய்ப்பு குறைவு.. தங்கத்தில் முதலீடு செய்திருந்தால் இன்று அதன் மதிப்பு ஒரு கோடிக்கு சற்று அதிகமாக இருந்திருக்கும். பண வீக்கத்தின் படியும் பார்ப்போம் இந்தியாவில் சராசரி பணவீக்கம் ஆண்டுக்கு 6% முதல் 7% வரை இருக்கிறது. பணவீக்கத்தின் படி 005-ல் நீங்கள் 10 லட்சத்திற்கு வாங்கிய அதே பொருட்களை இன்று வாங்க உங்களுக்கு சுமார் ₹38 லட்சம் முதல் ₹42 லட்சம் வரை தேவைப்படும்.அதாவது, பணவீக்கத்தை மட்டும் கணக்கில் கொண்டால் உங்கள் சொத்து 40 லட்சமாக உயர்ந்திருந்தாலே உங்கள் பணத்தின் மதிப்பு குறையாமல் இருக்கிறது என்று அர்த்தம்.

ஆனால் ஜமீன் பல்லாவரம் நிலத்தின் மதிப்பையும், பணவீக்கத்தையும் பார்த்தால் தற்போதைய சந்தை மதிப்பு: ₹2.5 கோடி அளவிற்கு உயர்ந்துள்ளது பணவீக்கத்தை விட உங்கள் நிலத்தின் மதிப்பு சுமார் 6 மடங்கு (600%) அதிகமாக வளர்ந்துள்ளது. ரேடியல் சாலையில் நடந்த இந்த அசுர வளர்ச்சிக்கு "வேல்யூ அப்ரிஷேசன்" என்று பெயர். 2005-ல் அது ஒரு வெற்றுச் சாலை. இன்று அது ஐடி நிறுவனங்கள் நிறைந்த ஒரு "எக்கனாமிக் ஹப்" ஆக உள்ளது. பல்லாவரம் பகுதியில் நிலங்கள் அனைத்தும் தீர்ந்துவிட்டன. வாங்குவதற்கு ஆட்கள் அதிகம், விற்பதற்கு இடம் குறைவு. இது விலையை ராக்கெட் வேகத்தில் அதிகரிக்க காரணமாக உள்ளது.

English summary

If you had bought a plot of land on Pallavaram Radial Road in 2005 for ₹10 lakhs, do you know what its price would be today? It would be ₹2.5 crores.