ஐடிஆர் ரீஃபண்ட் வார்னிங்.. வருமான வரி கட்டுவோர் டிசம்பர் 31-க்குள் கண்டிப்பாக செய்ய வேண்டியவை

Updated: Tuesday, December 23, 2025, 16:06 [IST]

Subscribe to Oneindia Tamil

சென்னை: கடந்த சில நாட்களாக ஆயிரக்கணக்கான வரி செலுத்துவோருக்கு ஒரு எஸ்எம்எஸ் வந்து கொண்டிருக்கிறது: "உங்கள் ITR ரீஃபண்ட் நிறுத்தி வைக்கப்பட்டுள்ளது (On Hold). ஒரு வாரத்திற்குள் திருத்தப்பட்ட படிவத்தை தாக்கல் செய்யுங்கள்." என்று அந்த மெயில் வந்திருக்கிறது. இதுபற்றி பொருளாதார நிபுணர் ராஜேஷ் கிருஷ்ணமூர்த்தி வெளியிட்ட தகவலை சற்று விரிவாக பார்ப்போம்.

கடந்த சில நாட்களாக ஆயிரக்கணக்கான வரி செலுத்துவோருக்கு ஒரு எஸ்எம்எஸ் வந்து கொண்டிருக்கிறது: "உங்கள் ITR ரீஃபண்ட் நிறுத்தி வைக்கப்பட்டுள்ளது (On Hold). ஒரு வாரத்திற்குள் திருத்தப்பட்ட படிவத்தை தாக்கல் செய்யுங்கள்." என்று அந்த மெயில் வந்திருக்கிறது. வேடிக்கை என்னவென்றால், வருமான வரித்துறை இந்தச் சிக்கலைக் கண்டறிய 4 மாதங்கள் எடுத்துக் கொண்டது. ஆனால், அதைச் சரிசெய்ய நமக்குக் கொடுத்திருப்பதோ இன்னும் சில நாட்களே உள்ளது.

விரிவான இமெயில் ஏன் வரவில்லை?

பலருக்குத் தபால் மூலமோ அல்லது இ-மெயில் மூலமோ விரிவான விளக்கம் வராதது ஏன் என்று கேள்வி எழலாம். ஏனெனில், இவை கணினியால் தானாகவே கண்டறியப்படும் 'ரிஸ்க் மேனேஜ்மென்ட்' எச்சரிக்கைகள் ஆகும்

உங்கள் பழைய இ-மெயில் முகவரிக்கு அந்தத் தகவல் சென்றிருக்கலாம்.

ஸ்பேம் (Spam) ஃபோல்டரில் விழுந்திருக்கலாம்.

அல்லது வெறும் SMS மற்றும் போர்ட்டலில் மட்டுமே அலர்ட் வந்திருக்கலாம்.

எனவே, உடனே ITR Portal → e-Proceedings / Worklist பகுதிக்குச் சென்று செக் செய்ய வேண்டும்.

ITR Processing on Hold என்றால் என்ன?

ITR Processing on Hold என்று வந்ததை கண்டு நீங்கள் பயப்படத் தேவையில்லை. இது உங்களுக்கு வந்த நோட்டீஸ் கிடையாது. இதன் பொருள் என்னவென்றால்: உங்களுடைய ரீஃபண்ட் கோரிக்கை, வருமான வரித்துறையிடம் உள்ள தரவுகளுடன் ஒத்துப்போகவில்லை என்று அவர்கள் நினைக்கிறார்கள். அதனால், ரீஃபண்ட் கொடுப்பதற்கு முன் உங்களுக்கு ஒரு சுய-திருத்த வாய்ப்பை வழங்குகிறார்கள்.