வருமான வரி refund வர காத்திருக்கீங்களா? ரிட்டர்ன் தாக்கல் செய்தவர்களுக்கு.. IT தந்த சர்ப்ரைஸ்

Updated: Sunday, November 2, 2025, 14:54 [IST]

Subscribe to Oneindia Tamil

சென்னை: வருமான வரித்துறை சார்பாக அதிக refund கேட்டு ரிட்டர்ன் தாக்கல் செய்தவர்களுக்கு நோட்டீஸ் அனுப்பப்பட்டு உள்ளது. 1 லட்சத்திற்கு மேல் refund கேட்டு தவறான விவரங்களை தாக்கல் செய்தவர்களுக்கு நோட்டீஸ் அனுப்பப்பட்டு உள்ளது.

இது போக வருமான வரித் தாக்கல் குறித்த புதிய வசதியை வருமான வரித்துறை அறிமுகப்படுத்தியுள்ளது. இதன் மூலம், வரி செலுத்துவோர் தாங்கள் சமர்ப்பித்த வருமான வரி ரிட்டர்னை மதிப்பீட்டு அதிகாரி (Assessing Officer - AO) அல்லது வருமான வரி ஆணையர் (மேல்முறையீடுகள்) எப்போது பார்வையிட்டார் அல்லது ஆய்வு செய்தார் என்ற சரியான தேதி மற்றும் நேரத்தை இனி அறிந்து கொள்ளலாம்.

வருமான வரித்துறை

இந்த புதிய வசதி, வரி செலுத்துவோர் தங்கள் சமர்ப்பிப்புகள் வரி அதிகாரியால் எப்போது ஆய்வு செய்யப்படுகின்றன என்பதை உறுதிப்படுத்த உதவுகிறது. வரி நிபுணர்களின் கூற்றுப்படி, இந்த அம்சம் வரி செலுத்துவோருக்கு மிகவும் முக்கியமானது. மேலும், மக்கள் சமர்ப்பித்த ஆவணங்கள் வருமான வரி அதிகாரியால் உண்மையில் பார்க்கப்பட்டது என்பதற்கான உறுதிப்பாட்டை இது வழங்குகிறது.

இது வரி செலுத்துவோரிடையே நிலவும் நிச்சயமற்ற தன்மையை நீக்கி, செயல்பாடுகளை கண்காணிக்க வழி வகுக்கிறது. அத்துடன், தங்கள் கோரிக்கைகள் கருத்தில் கொள்ளப்படவில்லை என்றோ அல்லது தாமதப்படுத்தப்பட்டது என்றோ கூறும் குற்றச்சாட்டுகளுக்கு முற்றுப்புள்ளி வைக்கிறது.

வருமான வரித்துறை சார்பாக அதிக refund

பல வரி செலுத்துவோருக்கு இன்னும் வருமான வரி ரீஃபண்ட் கிடைக்கவில்லை. குறிப்பாக ₹50,000-க்கு மேல் ரீஃபண்ட் கோரியவர்களுக்கு, இறுதி தேதி முடிந்த பின்னரும் தொகை கிடைக்கவில்லை என்று கூறப்படுகிறது. 2024-25 நிதியாண்டுக்கான வருமான வரி கணக்குகளை செப்டம்பர் 15-க்கு முன்பே தாக்கல் செய்திருந்தாலும், இந்த தாமதம் பலரை குழப்பத்தில் ஆழ்த்தியுள்ளது.

ரீஃபண்ட் தாமதமாவதற்கு பல்வேறு காரணங்கள் உள்ளன. அவற்றில் ஒன்று, வரி சரிபார்ப்பு மற்றும் அதிலுள்ள செயல்முறைத் தடைகள். வரிக் கணக்கைத் தாக்கல் செய்தவுடன், அதை மின்னணு முறையில் (e-verify) சரிபார்ப்பது கட்டாயமாகும். இந்தச் சரிபார்ப்பை 30 நாட்களுக்குள் முடிக்க வேண்டும்.

இன்னும் வருமான வரி ரீஃபண்ட் கிடைக்கவில்லை

ஆதார் OTP, நெட் பேங்கிங் அல்லது கையொப்பமிட்ட ஒப்புகைச் சீட்டை பெங்களூரில் உள்ள CPC-க்கு அஞ்சலில் அனுப்புவதன் மூலம் இதைச் சரிபார்க்கலாம். இந்தச் சரிபார்ப்பு படிநிலையைத் தவறவிட்டால், தாக்கல் செய்யப்பட்ட கணக்கு செல்லாததாகக் கருதப்படும், இதனால் ரீஃபண்ட் பெறும் செயல்முறை தடைபடும்.

சில சமயங்களில், வரிக் கணக்குகள் சரிபார்க்கப்பட்டாலும், அவை முழுமையாகச் செயல்படுத்தப்படாமல் இருக்கலாம். இத்தகைய சூழல்களில், வரி செலுத்துவோர் செயலாக்கம் முடிவடையும் வரை காத்திருக்க வேண்டும். தாமதம் நீடித்தால், வரி செலுத்துவோர் வருமான வரி போர்ட்டலில் உள்நுழைந்து "CPC-ITR" பிரிவின் கீழ் ஒரு புகாரைப் பதிவு செய்து, விரைவான செயலாக்கத்தைக் கோரலாம்.

வங்கி தொடர்பான பிழைகளும் ரீஃபண்ட் தாமதத்திற்குக் காரணமாக அமைகின்றன. வங்கிகள் இணைக்கப்பட்டதாலும், IFSC குறியீடுகள் மாறியதாலும், கணக்கு விவரங்கள் தவறாக இருந்தால் ரீஃபண்ட் செயல்முறை பாதிக்கப்படலாம்.. இதனால் உங்கள் தகவல்களை சரி செய்ய வேண்டும் என்று வருமான வரித்துறை அறிவித்துள்ளது.