அன்னபூர்ணா ஓனர் மன்னிப்பு கேட்ட விவகாரம்! தொழிலதிபரான லெஜன்ட் சரவணன் அண்ணாச்சி சொன்னது என்ன?

Updated: Saturday, September 14, 2024, 18:47 [IST]

Subscribe to Oneindia Tamil

சென்னை: கோவையில் அன்னபூர்ணா ஹோட்டல் உரிமையாளர் சீனிவாசன் மன்னிப்பு கேட்டது குறித்து தான் என்ன கருதுகிறேன் என்பதை லெஜண்ட் சரவணா ஸ்டோர்ஸ் உரிமையாளர் லெஜண்ட் சரவணன் அருள் தெரிவித்துள்ளார்.

இதுகுறித்து லெஜன்ட் சரவணன் கூறியிருப்பதாவது: கேரளாவை பொருத்தமட்டில் ஹேமா கமிட்டி அறிக்கையை உயர்நீதிமன்றத்தில் தாக்கல் செய்திருக்கிறார்கள். அந்த கோர்ட் உரிய உத்தரவு பிறப்பிக்கும் என நம்புகிறேன்.

nirmala sitharaman gst vanathi srinivasan

கோவையில் நடந்த ஜிஎஸ்டி ஆலோசனை கூட்டத்தில் அன்னபூர்ணா ஹோட்டல் உரிமையாளர் சீனிவாசன் தனது கோரிக்கையை யதார்த்தமாக நகைச்சுவையுடன் பேசியிருந்தார். ஆனால் அவர் பேசிய கருத்துகள் மத்திய அமைச்சர் நிர்மலா சீதாராமனுக்கு உடன்பாடு இல்லை.

தனது அதிருப்தியை நிர்மலா சீதாராமன் தெரியப்படுத்தும் போது சீனிவாசன் வருத்தம் தெரிவித்துள்ளார். இதில் பெரிதுப்படுத்த எதுவும் இல்லை. எனக்கு தொழில்துறை, சினிமா, அரசியல் ஆகிய மூன்றுமே மிகவும் பிடித்தமானது. மூன்றிலும் இணைந்து பயணிப்பேன்.

என்னுடைய படம் ஆக்ஷன், திரில்லர் கலந்து இருக்கும். அரசியலில் மும்முனை போட்டி நிலவும். எந்த கூட்டணி வலுவாக இருக்கிறதோ, அந்த கட்சிதான் வெல்லும். என்னுடைய கொள்கைக்கு ஒத்து போகும் கட்சியுடன் இணைந்து நான் செயல்படுவேன். திராவிடக் கொள்கைகள் எல்லாருக்கும் பிடிக்கும்.

நான் நடிக்கும் படத்தில் மேக்கப் இல்லாமல் நடிக்கிறேன். கதாபாத்திரம் நன்றாக இருக்கும். நல்ல கதை. நான் நடித்த போன படத்திலிருந்து இது முற்றிலும் வேறுபடும். வெளிநாட்டு பயணத்தை முடித்துக் கொண்டு தமிழக முதல்வர் ஸ்டாலின் வந்திருக்கிறார். அவருக்கு என் வாழ்த்துகள். தமிழகத்திற்கு எந்த தொழிற்சாலையும் வரலாம். இதுதான் என்றில்லை. தொழில் வளர்ச்சி அடைந்தால் பொருளாதாரம் வளரும். இவ்வாறு லெஜன்ட் சரவணன் தெரிவித்தார்.

லெஜன்ட் சரவணா ஸ்டோர்ஸ் எனும் பெயரில் ஜவுளிக் கடை, பல சரக்கு கடை, ஹேர்பின் முதல் பேட்டரி ஏரோபிளேன் வரை அனைத்தும் அண்ணாச்சி கடைகளில் கிடைக்கும். இவை விலை குறைவாக கிடைப்பதால் பலர் சரவணா ஸ்டோர்ஸ்களில் காய்கறி, பழங்களை வாங்குகிறார்கள்.

சரவணா ஸ்டோர்ஸ் அண்ணன் தம்பிகள் உருவாக்கிய சாம்ராஜ்ஜியம், ஒரு கட்டத்தில் பெரிய தலைகள் இயங்காத நிலையில் அவர்களின் வாரிசுகள் தனியாக கடை வைத்து கொண்டனர். அந்த வகையில் உருவானதுதான் சரவணா ஸ்டோர்ஸ் பிரம்மாண்டமாய், லெஜண்ட் சரவணா ஸ்டோர்ஸ் ஆகும். இந்த கடைகளில் வேலை வாய்ப்பு மூலம் ஏராளமானோரின் குடும்பத்தில் ஒளி ஏற்றி வைத்திருக்கிறார் அண்ணாச்சி. இவருக்கு சுமார் 11 சொகுசு கார்கள் உள்ளதாக தெரிகிறது.