LPG Cylinder Price: வர்த்தக பயன்பாட்டுக்கான கேஸ் சிலிண்டர் விலை உயர்வு! சென்னையில் ரூ.5.50 கூடுதல்!
சென்னை: வர்த்தக பயன்பாட்டுக்கான LPG கேஸ் சிலிண்டர் விலை மார்ச் 1 ஆம் தேதியான இன்று உயர்ந்துள்ளது. சென்னையில் ஒரு சிலிண்டரின் விலை ரூபாய் 5.50 உயர்ந்து ரூ.1,965 க்கு விற்பனை செய்யப்படுகிறது.
பெட்ரோல், டீசல் விலையை சர்வதேச சந்தையில் நிலவும் கச்சா எண்ணெய் விலைக்கேற்ப நிர்ணையித்துக் கொள்ள மத்திய அரசு எண்ணெய் நிறுவனங்களுக்கு அனுமதி அளித்துள்ளது. அந்தவகையில் ஒவ்வொரு மாதமும் சர்வதேச சந்தை நிலரத்திற்கு ஏற்ப இந்த விலை நிர்ணயம் செய்யப்படுகிறது.
அந்த வகையில் இன்று எண்ணெய் நிறுவனங்கள் வெளியிட்டுள்ள அறிவிப்பின் படி வணிக பயன்பாட்டு சிலிண்டரின் விலை உயர்ந்துள்ளது. 19 கிலோ எடை கொண்ட வணிக பயன்பாடு சிலிண்டர் விலை ரூ.5.50 உயர்ந்து ரூ.1,965க்கு விற்பனை செய்யப்படுகிறது. முன்னதாக, வர்த்தக பயன்பாட்டு சிலிண்டர் விலை ரூ. 1,959.50 ஆக இருந்தது.
அதே சமயம் வீட்டு உபயோக சிலிண்டர் விலையில் எந்த மாற்றமுமின்றி 818.50 ரூபாய்க்கு விற்பனையாகிறது. 14 கிலோ எடை கொண்ட வீட்டு உபயோக சிலிண்டர் விலையில் மாற்றம் இல்லாமல் ரூபாய் 818.50க்கு விற்பனை செய்யப்பட்டு வருகிறது.
எரிபொருள் விலையைக் கட்டுப்படுத்தத் தவறியதாகவும், அத்தியாவசிய உணவுப் பொருட்கள் மற்றும் இதர பொருட்களின் விலைகளில் தாக்கம் ஏற்படும் என்றும் மத்தியில் ஆளும் பாஜக தலைமையிலான அரசை காங்கிரஸ் உள்ளிட்ட எதிர்க்கட்சிகள் கடுமையாக விமர்சித்து வருகின்றன.
Click it and Unblock the Notifications
Sign in with Google