கொடைக்கானலில் பிரமாண்ட ஹோட்டலில் குடும்பத்துடன் மு.க.ஸ்டாலின் முகாம்!அடுத்த வியூகம் குறித்து ஆலோசனை!

Updated: Friday, April 16, 2021, 17:15 [IST]

Subscribe to Oneindia Tamil

சென்னை: திமுக தலைவர் மு.க.ஸ்டாலின் 3 நாட்கள் பயணமாக இன்று பிற்பகல் கொடைக்கானல் சென்றடைந்தார். கொடைக்கானலுக்கு குடும்பத்துடன் சென்றுள்ள மு.க. ஸ்டாலின் அடுத்த கட்ட அரசியல் நடவடிக்கைகள் தொடர்பாக ஆலோசனையும் மேற்கொள்ள இருக்கிறாராம்.

மாலத்தீவுக்கு மறுப்பு

ஏனெனில் மாலத்தீவு சென்று திரும்பினால் 10 நாட்கள் தனிமைப்படுத்திக் கொள்ள வேண்டுமாம். இந்த 10 நாட்களில்தான் மே 2-ந் தேதி வாக்கு எண்ணிக்கையும் வருகிறது. அதனால்தான் மாலத்தீவு செல்லும் யோசனையை நிராகரித்திருந்தாராம் ஸ்டாலின்.

ஏலகிரி பஞ்சாயத்து

இதையடுத்து ஸ்டாலின் குடும்பத்தினரின் முதல் சாய்ஸாக ஏலகிரிதான் இருந்ததாம். ஏலகிரி துரைமுருகன் பங்களாவில் தங்கலாம் என்பது முதலில் விவாதிக்கப்பட்டதாம். ஆனால் இப்போதுதான் அங்கு கொள்ளை சம்பவம் நடந்ததால் அந்த ஐடியாவையே கைவிட்டுவிட்டனராம்.

கொடைக்கானலில் முகாம்

இதனை தொடர்ந்து திண்டுக்கல் பிரமுகருக்கு போனடித்து விவாதித்திருக்கின்றனர். இதன்பின்னரே கொடைக்கானலுக்கு செல்லலாம் என முடிவெடுத்தனராம். இன்று காலை சென்னையில் இருந்து தனி விமானம் மூலம் கொடைக்கானலுக்கு மு.க. ஸ்டாலின் குடும்பத்தினர் புறப்பட்டனர். பிற்பகலில் கொடைக்கானலுக்கு குடும்பத்துடன் வருகை தந்தார் ஸ்டாலின்.

கொடைக்கானலில் முகாம்

கொடைக்கானலுக்கு நீண்ட நாட்களுக்கு பின்னர் ஸ்டாலின் வருகை தந்துள்ளது அங்குள்ள திமுகவினரை உற்சாகப்படுத்தி இருக்கிறது. கொடைக்கானலில் முகாமிட்டபடியேதான் தேர்தலுக்கு பிந்தைய பணிகள் தொடர்பாக விவாதிக்க இருக்கிறாராம் ஸ்டாலின். இதனால் ஸ்டாலினை நேரடியாக சந்திக்க திமுக தலைகள் கொடைக்கானலுக்கு வருகை தரவும் வாய்ப்பிருக்கிறது என்கின்றன உளவுத்துறை தகவல்கள்.

எந்த ஹோட்டல்

கொடைக்கானலில் மு.க.ஸ்டாலின் குடும்பத்தினருக்காக Garlton, Tamara, Kodai International ஆகிய 3 ஹோட்டல்கள் பிளாக் செய்யப்பட்டிருந்தன. இதில் பாம்பார்புரம் செல்லும் வழியில் உள்ள Tamara ஹோட்டல்தான் நவீன சொகுசு வசதிகளுடன் அண்மையில் கட்டப்பட்டது. Garlton ஹோட்டலும் கொடைக்கானலில் பெரிய ஹோட்டல்களில் ஒன்று. இது கொடைக்கானல் ஏரிக்கரையில் உள்ளது. கொடைக்கானலுக்குள் நுழையும் இடத்தில் ஜியோன் பள்ளிக்கு அருகே உள்ளது Kodai International. தற்போது பாம்பார்புரம் Tamara ஹோட்டலில் ஸ்டாலின் குடும்பத்துடன் தங்கி உள்ளார்.