தமிழகம் முழுக்க.. மண்டல வேறுபாடு இல்லாமல்.. நாம் தமிழர் கட்சிக்கு நல்ல வளர்ச்சி.. தந்தி டிவி சர்வே

Updated: Tuesday, March 30, 2021, 15:58 [IST]

Subscribe to Oneindia Tamil

சென்னை: தமிழக சட்டசபை தேர்தலில் பல தொகுதிகளில், நாம் தமிழர் கட்சி மூன்றாவது மிகப் பெரிய கட்சியாக உருவெடுக்கும் என்று கணிக்கிறது தந்தி டிவி.

மூன்றாவது இடம்

அது ஒருபக்கம் என்றால் ஒவ்வொரு தொகுதியிலும் மூன்றாவது இடம் , நான்காவது இடம், ஐந்தாவது இடம் யாருக்கு என்பது பற்றியும் அந்த கணிப்பில் தெரிவிக்கப்பட்டுள்ளது. இந்த அடிப்படையில் பார்த்தால் கருத்துக் கணிப்பு வெளியிடப்பட்டதில் கணிசமான தொகுதிகளில் மூன்றாவது இடம் பிடிக்கப் போவது சீமான் தலைமையிலான நாம் தமிழர் கட்சி.

அடடே தஞ்சை

உதாரணத்திற்கு, திமுக, அதிமுக, டிடிவி தினகரன் தலைமையிலான அம்மா மக்கள் முன்னேற்ற கழகம் உள்ளிட்டவை வாக்கு வங்கியைப் பராமரித்து வரக்கூடிய தொகுதி தஞ்சாவூர். தந்திடிவி கருத்துக்கணிப்பின்படி இங்கு,44% - 50% வாக்குகளை பெற்று திமுக வெல்லும் என்று தெரிவிக்கப்பட்டுள்ளது. அதிமுக38% - 44% வாக்குகளை பெறும், அதே நேரம் நாம் தமிழர் கட்சி 5% - 8% வாக்குகளைப் பெறும். அதாவது மூன்றாவது இடத்தைப் பிடிக்கும் என்று கணிக்கப்பட்டுள்ளது. அம்மா மக்கள் முன்னேற்ற கழகம் கூட்டணியில் உள்ள தேமுதிக இங்க போட்டியிடுகிறது அந்த கட்சி. 3% - 6% வாக்குகளை பெற்று நான்காவது இடத்தை தான் படிக்க முடியும் என்று தெரிவிக்கப்பட்டுள்ளது.

தொகுதிகள்

இதைப்போல பூம்புகார் தொகுதியில் நாம் தமிழர் மூன்றாவது இடம் , மக்கள் நீதி மய்யம் கூட்டணி நான்காவது இடம், அம்மா மக்கள் முன்னேற்ற கழகம் ஐந்தாவது இடம் பெறக் கூடும் என்கிறது தந்தி டிவி கருத்துக்கணிப்பு . திருத்துறைப்பூண்டி தொகுதியில் திமுக கூட்டணியில் உள்ள இந்திய கம்யூனிஸ்ட் கட்சி வெல்லக் கூடும் என்றும் அதேநேரம் நாம் தமிழர் கட்சி மூன்றாவது இடத்தைப் பிடிக்கும் என்றும், அம்மா மக்கள் முன்னேற்ற கழகம் கூட்டணி நான்காவது இடம் பிடிக்கும் என்றும் கணிக்கப்பட்டுள்ளது.

தெற்கே எப்படி

அப்படியே தெற்கே வந்தால் விருதுநகர் மாவட்டம் ஸ்ரீவில்லிபுத்தூர் தொகுதியில் காங்கிரஸ் 47 சதவீத வாக்குகளை பெற்று வெல்ல கூடும் என்றும், நாம் தமிழர் அதிகபட்சம் 7 சதவீதம் வாக்குகள் பெற்று மூன்றாவது இடத்தைப் பிடிக்கக் கூடும் என்றும் கூறப்பட்டுள்ளது. அம்மா மக்கள் முன்னேற்ற கழகம் கட்சியும் இந்த தொகுதியில் ஏறத்தாழ அதே வாக்குகளைப் பெறுகிறது. செஞ்சி தொகுதி, கீழ்பெண்ணாத்தூர் தொகுதி, திருவண்ணாமலை தொகுதி , ஆம்பூர் தொகுதி, நிலக்கோட்டை தொகுதி உள்ளிட்டவற்றில் நாம் தமிழர் கட்சி மூன்றாவது இடத்தை பிடித்துள்ளது.

ஜாதி, மதம் அப்பாற்பட்ட ஓட்டுக்கள்

உதாரணத்துக்கு, அறந்தாங்கி தொகுதி நிலவரத்தை பாருங்கள். காங். 42% - 48% வாக்குகளைப் பெற்று வெற்றி அடைவதற்கான வாய்ப்புகள் இருப்பதாக கருத்துக் கணிப்பு தெரிவிக்கிறது. அதிமுக 40% - 46% வாக்குகளை பெற்று இரண்டாவது இடத்தை பிடிக்கும் என்கிறது இந்த கணிப்பு. அமமுக 6% - 9%, நாம் தமிழர் 3% - 6%, தமஜக(மநீம+) 1% - 4% வாக்குகளை பெறக்கூடும் என்று தெரிகிறது இந்த கருத்துக் கணிப்பு. தினகரன் கட்சி வலிமையாக இருக்கக்கூடிய சில மாவட்டங்களில் புதுக்கோட்டை மாவட்டமும் ஒன்று. முக்குலத்தோர் வாக்குகள் கணிசமாக இருக்கின்றன. இருப்பினும் அம்மா மக்கள் முன்னேற்ற கழகம் கட்சிக்கு நெருக்கமான இடத்தில் நான்காவது இடம் வந்துள்ளது நாம் தமிழர். இதன் மூல,ம் ஜாதி, மதம் உள்ளிட்ட எந்த வேறுபாடுகளையும் தாண்டி அனைத்து பிராந்தியங்களிலும் நாம் தமிழர் கட்சி நிலையான வளர்ச்சி பெற்றிருப்பது கொள்வது தந்திடிவி கருத்துக்கணிப்பின் மூலம் உறுதியாக தெரிகிறது.