பென்சன் அடியோடு மாறுது.. தேசிய ஓய்வூதியத் திட்டத்தில் மிகப்பெரிய மாற்றம்! ஊழியர்களுக்கு சென்ற மெசேஜ்
சென்னை: தேசிய ஓய்வூதியத் திட்டத்தில் (NPS) இருந்து வெளியேறுவதற்கும், நிதியை பெறுவதற்கும் புதிய விதிகளை ஓய்வூதிய நிதி ஒழுங்காற்று மற்றும் மேம்பாட்டு ஆணையம் (PFRDA) திருத்தியுள்ளது. NPS திட்டத்தில் இணைவதற்கும், அதிலிருந்து வெளியேறுவதற்கும் அனுமதிக்கப்படும் அதிகபட்ச வயது வரம்பு 85 ஆக உயர்த்தப்பட்டுள்ளது.
இதன் மூலம் அரசு ஊழியர்கள் பெறப்போகும் பென்ஷனில் நிறைய மாற்றங்கள் நடக்க உள்ளன. இதன் மூலம் சந்தாதாரர்கள் தங்கள் ஓய்வூதிய சேமிப்பில் அதிக வருவாயையும், கட்டுப்பாட்டையும் பெற முடியும்.
இந்த மாற்றங்கள் அரசு சாரா துறைகளில் உள்ள சந்தாதாரர்களை முதன்மையாகக் குறி வைத்து செய்யப்பட்டு உள்ளன. இவர்களுக்கு NPS பங்கேற்பு கட்டாயமல்ல. இந்த மாற்றங்கள் அனைத்து ஊழியர்கள் மற்றும் கார்ப்பரேட் சந்தாதாரர்கள் இருவருக்கும் பொருந்தும்.
NPS திட்டத்தில் ரூ. 12 லட்சத்திற்கும் அதிகமான நிதி உள்ள அரசு சாரா சந்தாதாரர்கள், தங்கள் சேமிப்பில் 80% வரை ஒரே தொகையாக (lump sum) திரும்பப் பெறலாம். மீதமுள்ள 20% நிதியை வருடாந்திர ஓய்வூதியத் திட்டத்திற்கு (annuity) கட்டாயம் ஒதுக்க வேண்டும்.
எவ்வளவு பென்சன் ஒதுக்க வேண்டும்
அனைத்து சந்தாதாரர்களுக்கு, முன்கூட்டியே வெளியேறுவதற்கான குறைந்தபட்ச லாக்-இன் காலம் நீக்கப்பட்டுள்ளது. இது மொத்த ஓய்வூதிய நிதியை எளிதாக பெற வழிவகுக்கிறது. மேலும், முழு நிதியையும் ஒரே தொகையாக எடுப்பதற்கான வரம்பு கணிசமாக உயர்த்தப்பட்டுள்ளது. முன்பெல்லாம் முழு நிதியை மொத்தமாக எடுக்க முடியாது. ஆனால் இப்போது அந்த தொகை உயர்த்தப்பட்டு உள்ளது.
60 வயதுக்குப் பிறகு NPS திட்டத்தில் சேரும் தனிநபர்களுக்கு, வெஸ்டிங் காலம் (vesting period) இனி பொருந்தாது. இவர்களும் வெளியேறும்போது தங்கள் நிதியில் 80% வரை மொத்த தொகையாகப் பெறத் தகுதியுடையவர்கள்.
சொந்த பங்களிப்பில் 25% வரை வீட்டுத் தேவைகள், மருத்துவ செலவுகள் அல்லது கடன் திருப்பிச் செலுத்துதல் போன்ற தேவைகளுக்காக திரும்பப் பெறலாம். இதற்கான காலக்கெடு இப்போது மேலும் தெளிவாக்கப்பட்டுள்ளது.
வருடாந்திர ஓய்வூதியத் திட்டத்தின் முக்கிய தேவை
அரசு ஊழியர்களுக்கான வருடாந்திர ஓய்வூதியத் திட்டத்தின் முக்கிய தேவைகளில் எவ்வித மாற்றமும் இல்லை. இருப்பினும், அவர்களுக்கு அதிக நிதி வரம்புகள் மற்றும் முறையான திரும்பப் பெறும் விருப்பங்கள் அறிமுகப்படுத்தப்பட்டுள்ளன.
NPS திட்டத்தில் இணைவதற்கும், அதிலிருந்து வெளியேறுவதற்கும் அனுமதிக்கப்படும் அதிகபட்ச வயது வரம்பு 85 ஆக உயர்த்தப்பட்டுள்ளது. இது சந்தாதாரர்கள் தங்கள் நிதிக் கணக்கில் நீண்ட காலம் முதலீடு செய்திருக்க வழிவகை செய்கிறது.
NPS பங்களிப்பில் 25% வரை அடமானமாக குறிப்பிடலாம்
சந்தாதாரர்கள் இப்போது ஒழுங்குபடுத்தப்பட்ட நிதி நிறுவனங்களிடமிருந்து நிதியுதவி பெற முடியும். கடன் வழங்குநர்கள், சந்தாதாரரின் சொந்த NPS பங்களிப்பில் 25% வரை அடமானமாக குறிப்பிட அனுமதிக்கப்பட்டுள்ளனர்.
இந்தத் திருத்தங்கள் NPS-இல் இருந்து வெளியேறுவதை எளிதாக்குவதன் மூலமும், திரும்பப் பெறும் விருப்பங்களை விரிவுபடுத்துவதன் மூலமும், பணப்புழக்கத்தை மேம்படுத்துவதன் மூலமும், நீண்ட கால ஓய்வூதிய வருமானத்தைப் பாதுகாக்கும் அதே வேளையில், NPS திட்டத்தை மேலும் உள்ளடக்கியதாக மாற்றுவதை நோக்கமாகக் கொண்டுள்ளன. இதன் மூலம் அரசு ஊழியர்கள் பெறப்போகும் பென்ஷனில் நிறைய மாற்றங்கள் நடக்க உள்ளன.
Click it and Unblock the Notifications
Sign in with Google
