பட்ஜெட்டில் எதுவும் இல்லை.. மத்திய அரசை குறை சொல்கிறார்கள்.. வானதி சீனிவாசன் எம்எல்ஏ புகார்
சென்னை: அடையாறு கால்வாயை தூர்வாரும் பணி கருணாநிதி முதல்வராக இருந்த காலத்தில் இருந்து பேசப்பட்டு வருகிறது. தற்போது வரை அதில் எந்த முன்னேற்றமும் இல்லை என பாஜக எம்எல்ஏ வானதி சீனிவாசன் கூறியுள்ளார்.மத்திய அரசு அறிவித்த திட்டங்களுக்கு வேறு பெயரை வைக்கும் வகையில் தமிழ்நாடு பட்ஜெட் அமைந்துள்ளதாகவும் வானதி சீனிவாசன் குற்றம் சாட்டியுள்ளார்.
நடப்பாண்டுக்கான தமிழ்நாடு பட்ஜெட் கூட்டத்தொடர் நடைபெற்று வருகிறது. நிதியமைச்சர் தங்கம் தென்னரசு 2024-2025 ஆம் ஆண்டிற்கான தமிழக நிதிநிலை அறிக்கையை இன்று தாக்கல் செய்தார். தமிழக அரசின் கனவு பட்ஜெட் என்று சொல்லி நிதிநிலை அறிக்கையை தாக்கல் செய்தார் தங்கம் தென்னரசு. நிதியமைச்சராக பொறுப்பேற்ற பின்னர் அவர் தாக்கல் செய்த முதல் பட்ஜெட் இதுவாகும்.
சிங்காரச் சென்னையை உருவாக்கும் முயற்சியின் ஒரு பகுதியாக, அடையாறு, கூவம் உள்ளிட்ட நீர்வழிகளை சுத்தப்படுத்தி, மறு சீரமைக்க அரசு திட்டமிட்டு உள்ளது. இந்த முயற்சிகளின் முதற்கட்டமாக, 44 கி.மீ. நீளமுள்ள அடையாறு ஆற்றில் மறுசீரமைப்புப் பணிகள் மேற்கொள்ளப்படும் என்று அறிவித்தார் தங்கம் தென்னரசு. கண்கவர் பொழுதுபோக்கு அம்சங்கள் அடையாறு ஆற்றங்கரையை அலங்கரிக்கும் என்றும் இத்திட்டம் அரசு-தனியார் பங்களிப்புடன் ஏறத்தாழ 1500 கோடி ரூபாய் செலவில் செயல்படுத்தப்படும் என்றும் கூறினார் தங்கம் தென்னரசு.
தமிழக அரசு தாக்கல் செய்துள்ள பட்ஜெட் அரசியல் கட்சித்தலைவர்கள் தங்களின் கருத்துக்களை பதிவு செய்து வருகின்றனர். இந்த நிலையில் பட்ஜெட் குறித்து கோவை மேற்கு தொகுதி பாஜக எம்எல்ஏ வானதி சீனிவாசன் கருத்து கூறியுள்ளார்.
சட்டசபைக்கு வெளியே போது பேசிய அவர், தமிழ்நாடு அரசின் நிதிநிலை அறிக்கையை அமைச்சர் தங்கம் தென்னரசு தடையின்றி படித்தாரே தவிர, சொல்லிக் கொள்ளும் வகையில் அறிக்கையில் எதுவும் இல்லை என அவர் குற்றம்சாட்டினார்.
மத்திய அரசின் ஆவாச யோஜனா திட்டம், தமிழ்நாட்டில் முன்னாள் முதலமைச்சர் கருணாநிதி பெயரில் அறிவிக்கப்பட்டுள்ளது அடையாறு கால்வாயை தூர்வாரும் பணி, கலைஞர் கருணாநிதியின் காலத்தில் இருந்து பேசப்பட்டு வருகிறது. தற்போது வரை அதில் எந்த முன்னேற்றமும் இல்லை.
மேலும், கோவையில் ஏற்கனவே கட்டப்பட்டு வரும் டைடல் பார்க்கை, ஏதோ புதிதாக பேசுவது போல் மாநில அரசு அறிவித்துள்ளது. மத்திய அரசு அறிவித்த திட்டங்களுக்கு வேறு பெயரை வைக்கும் வகையில் தமிழ்நாடு பட்ஜெட் அமைந்துள்ளதாகவும் அவர் புகார் கூறியுள்ளார் வானதி சீனிவாசன்.
Click it and Unblock the Notifications
Sign in with Google