ராஜ்யசபா வேட்பு மனு தாக்கல் செய்த ராமதாஸ் உதவியாளர் மீது தாக்குதல்.. அன்புமணி மீது DGPயிடம் புகார்!

சென்னை: ராஜ்யசபா தேர்தலில் போட்டியிட மனுத்தாக்கல் செய்த பாமக நிறுவனர் ராமதாஸின் உதவியாளர் சுவாமிநாதன் தாக்குதல் நடத்தப்பட்டுள்ளது. அன்புமணி தரப்பினர் தன்னைத் தாக்கியதாக டிஜிபி அலுவலகத்தில் சுவாமிநாதன் புகார் அளித்துள்ளார்.

ராஜ்யசபா தேர்தலில் ஒரு சீட்டை பாமகவுக்கு அதிமுக ஒதுக்கியுள்ளது. நேற்றைய தினம் அதிமுக ஆதரவுடன் அன்புமணி சென்னை தலைமைச் செயலகத்தில் வேட்பு மனு தாக்கல் செய்து இருந்தார். பாமக நிறுவனர் ராமாதாஸின் உதவியாளர் சுவாமிநாதன் ஆதரவு எம்எல்ஏக்கள் அருள், ஜி.கே.மணியுடன் நேற்று கடைசி நிமிடத்தில் ராஜ்யசபா தேர்தலில் வேட்புமனு தாக்கல் செய்து இருந்தார்.

இன்றைய தினம் ராஜ்யசபா வேட்பு மனுக்கள் மீதான பரிசீலனை நடைபெற்றது. இதில் அன்புமணியின் வேட்புமனுவுக்கு ராமதாஸ் தரப்பு கடும் ஆட்சேபனம் தெரிவித்தது. மேலும் அன்புமணியின் வேட்புமனுவை தள்ளுபடி செய்ய வேண்டும் எனவும் தேர்தல் அதிகாரியிடம் வலியுறுத்தியது. ஆனால் அன்புமணி மனுவை ஏற்றுகொண்டு, சுவாமிநாதன் முறையாக வேட்புனு தாக்கல் செய்யவில்லை என தள்ளுபடி செய்யப்பட்டது. அதாது, 10 எம்.எல்.ஏக்களின் முன்மொழிவுக் கையொப்பம் இல்லை என்பதால் சுவாமிநாதனின் வேட்பு மனு தள்ளுபடி செய்யப்பட்டது.

இன்று வேட்பு மனு பரிசீலனை முடிந்து தலைமை செயலகத்தில் இருந்து வெளியே வந்த சுவாமிநாதனை மர்ம நபர்கள் இரண்டு பேர் தாக்கியுள்ளனர். அன்புமணி தூண்டுதலின் பேரில் தன்னைத் தாக்கியதாக சுவாமிநாதன் டிஜிபி அலுவலகத்தில் புகார் அளித்துள்ளார்.

இதுகுறித்து சுவாமிநாதன் வெளியிட்டுள்ள வீடியோவில், வேட்பு மனு பரிசீலனை முடிந்து வெளியே வந்த போது 2 பேர் எங்களை பின்தொடர்ந்தனர். பின்னர் என்னை கடுமையாக தாக்கியதில் என் முகத்தில் காயங்கள் ஏற்பட்டது.
அன்புமணி, சவுமியா தூண்டுதலில் 2 பேர் எங்களை பின் தொடர்ந்து கடுமையாக தாக்கினர் எனக் குற்றம்சாட்டி உள்ளார்.

ராஜ்யசபா தேர்தலில் வேட்பு மனு தாக்கல் செய்த ராமதாஸ் உதவியாளர் சுவாமிநாதனை அன்புமணி தரப்பு நபர்கள் தாக்கிவிட்டதாக டிஜிபி அலுவலகத்தில் புகார் அளிக்கப்பட்டுள்ள சம்பவம் பாமக வட்டாரத்தில் பெரும் அதிர்ச்சியை ஏற்படுத்தி உள்ளது.

English summary

Swaminathan, an aide to PMK founder Ramadoss, who had filed a petition to contest the Rajya Sabha elections, has been attacked. Swaminathan has filed a complaint with the DGP office alleging that he was attacked by Anbumani's supporters.