இவ்வளவு வன்மமா.. லைவில் தோனியை பற்றிய இப்படி பேசலாமா?.. கம்பீர் சொன்ன ஒரு வார்த்தை.. சர்ச்சை!
சென்னை; சிஎஸ்கே கேப்டன் தோனியை பற்றி கொல்கத்தா முன்னாள் கேப்டன் கம்பீர் வைத்த மறைமுக விமர்சனம் சர்ச்சையை ஏற்படுத்தி உள்ளது.
Recommended Video
இந்திய அணியின் முன்னாள் வீரர்கள் கம்பீருக்கும் தோனிக்கும் இடையில் பல காலமாக கருத்து மோதல் நிலவி வருகிறது. தோனியை பலமுறை கம்பீர் கடுமையாக விமர்சனம் செய்து உள்ளார். தோனியின் பேட்டிங் பார்ம், அவ்வப்போது அவரின் கேப்டன்சி குறித்து கம்பீர் விமர்சனம் செய்வது உண்டு.
முக்கியமாக உலகக் கோப்பை 2011 வெற்றியை குறிப்பிடும் போது யாராவது தோனியை பற்றி குறிப்பிட்டால் அதை கம்பீர் கடுமையாக எதிர்த்தது உண்டு. உலகக் கோப்பையை இந்தியாவிற்கு வென்று கொடுத்தது ஒரு வீரர் மட்டும் கிடையாது, மொத்த அணியின் செயல் அது என்று கம்பீர் குறிப்பிட்டு இருக்கிறார்.
தோனி
இந்திய அணியில் இருந்து கம்பீரை நீக்க தோனி முக்கிய காரணம் என்று கருத்து உண்டு. இதன் காரணமாக கம்பீர் தோனி மீது கோபமாக இருப்பதாக கூறப்படுவதும் உண்டும். ஆனால் தோனி இது போன்ற விமர்சனங்களை கண்டுகொண்டது இல்லை. கம்பீர் வைத்த விமர்சனங்கள் எதற்கும் தோனி ஒருமுறை கூட பதில் சொல்லியது கிடையாது.
கம்பீர்
இந்த நிலையில்தான் கடந்த பஞ்சாப் கொல்கத்தா அணிகளுக்கு இடையிலான போட்டி குறித்து கம்பீர் கருத்து தெரிவிக்கும் போது தோனியை மறைமுகமாக விமர்சனம் செய்தார். அந்த போட்டியில் பஞ்சாப் திரில் வெற்றி பெற்றது. கடைசி நேரத்தில் களமிறங்கிய தமிழ்நாடு வீரர் ஷாருக்கான் வெறும் 9 பந்தில் 22 ரன்கள் அடித்து போட்டியை பினிஷ் செய்து பஞ்சாப் அணியை வெற்றிபெற வைத்தார்.
ஷாருக்கான்
இந்த போட்டிக்கு பின் ஆட்டத்தை பினிஷ் செய்வது குறித்து விவாதம் நடந்தது. அப்போது பேசிய கம்பீர்.. கடைசியில் இறங்கி ஆட்டத்தை மாற்றினால் பினிஷரா.. ரசலை பினிஷர் என்று கூறுகிறார்கள். ஆனால் என்னை கேட்டால் கோலியைதான் பினிஷர் என்று கூறுவேன்.
கோலி பினிஷர்
கோலி போன்ற வீரர்கள் 3வது இடத்தில் இறங்கி கடைசி வரை ஆடுவார்கள். கடைசி வரை அவர்கள் ஆடி ஆட்டத்தை மாற்றுவார்கள். இவர்கள்தான் பினிஷர்கள். புள்ளி விவரங்களை பார்த்தாலே யாரு பினிஷர் என்று தெரியும்.
பினிஷர்
பினிஷர் என்று அழைக்கப்படும் சிலரை விட கோலி சிறந்த பினிஷர் என்று கம்பீர் குறிப்பிட்டார். தோனியைத்தான் பலர் பினிஷர் என்று அழைப்பது உண்டு. இதை மறைமுகமாக குறிப்பிட்ட கம்பீர் பினிஷர் என்று அழைக்கப்படும் நபர்களை விட கோலி சிறந்தவர் என்பது போல பேசி இருந்தார்.
வன்மம்
கம்பீரின் இந்த பேச்சை நெட்டிசன்கள் பலரும் விமர்சனம் செய்துள்ளனர். தோனி மீது கம்பீருக்கு என்ன வன்மமோ? ஏன் இன்னும் தோனியை கம்பீர் கடுமையாக விமர்சனம் செய்து வருகிறார். ஏன் தோனியை பற்றி குறைவாக கம்பீர் பேசி வருகிறார்.. இவர்களுக்கு இடையில் என்னதான் மோதல் என்று நெட்டிசன்கள் பலரும் கேள்வி எழுப்பி உள்ளனர்.
Click it and Unblock the Notifications
Sign in with Google