டக்குனு "அந்த" 3 பேருக்கு போனை போட்ட சசிகலா.. வெலவெலத்து போன அதிமுக.. இதெல்லாம் உண்மையா?
அமைச்சர்களுடன் சசிகலா போனில் பேசியதாக சொல்லப்படுகிறது
சென்னை: "நான்தான் அதிமுக, நான்தான் பொதுச்செயலாளர்" என்பதில் சசிகலா மிக தீவிரமாக இருப்பதாக அமமுகவினர் தெம்புடன் சொல்கின்றனர்.. அத்துடன், இப்போதே 3 அமைச்சர்கள் சசிகலாவுடன் போனில் பேசியதாகவும் தகவல்கள் கசிய தொடங்கிவிட்டன.
ஒரு வாரம் ரெஸ்ட்டுக்கு பிறகு சசிகலா இன்று சென்னை வருகிறார்.. இதற்கான ஏற்பாடுகளை அமமுக கடந்த ஒரு வாரமாக செய்து வந்தது.
கிட்டத்தட்ட ஒரு மாத பரபரப்பின் உச்சம் இன்று நடந்து கொண்டிருக்கிறது.. சசிகலா சென்னைக்கு வந்து கொண்டிருக்கிறார்கள்.. அவர் வருகை ஒரு பக்கம் இருந்தாலும் என்ன மனநிலையில் அவர் இருக்கிறார் என்று இப்போதே தெரிந்துவிட்டது.
கொடி
வழக்கு, கேஸ், எதிர்ப்பு என்று எத்தனை இருந்தாலும், காரில் அதிமுக கொடியுடன்தான் வருகிறார்.. டிஸ்சார்ஜ் ஆகும்போது ஆஸ்பத்திரியில், நான் கொடி இல்லாத காரில் இதுவரை போனதில்லையே என்று டிடிவி தினகரனிடம் சொல்லி உள்ளார்.. இதற்கு பிறகுதான் அதிமுக கொடி கட்டப்பட்டது. இப்போதும் அதே கொடியுடன் கிளம்பி வருகிறார்.
செல்போன்
டிஸ்சார்ஜ் ஆகும்போதே, அவருடைய உடைமைகள் ஒப்படைக்கப்பட்டன.. அதில் செல்போனும் ஒன்று.. அன்றைய தினமே சசிகலாவின் கைக்கு செல்போன் சென்றுவிட்டதால், முக்கிய விஷயங்களை இந்த 7 நாள் ரெஸ்ட்டில் ஆலோசிப்பார் என்றும் எதிர்பார்க்கப்பட்டது. மேலும் தினகரனிடம் தினந்தோறும் நேரில் அழைத்து பேசி வந்தாராம்.
யார் அவர்கள்?
அதேபோல, 3 அமைச்சர்கள் சசிகலாவிடம் போனில் பேசியிருக்கிறார்களாம்.. மேற்கு மாவட்டத்தை சேர்ந்த 2 அமைச்சரும், தென்மாவட்டத்தை சேர்ந்த ஒரு அமைச்சரும்தான் போனில் பேசியதாக தகவல் கசிந்து வருகிறது. சசிகலாவின் குரலை போனில் கேட்டதுமே அவர்களுக்கு வெலவெலத்து போய் உள்ளது. என்ன அமைச்சரே என்று ஆரம்பித்து, சில விஷயங்கள் தொடர்பாக பேசியதாக சொல்லப்படுகிறது.
தலைமை
இந்த தகவல் அப்போதே தலைமைக்கும் பறந்து உள்ளது.. அதனால் சம்பந்தப்பட்டவர்களை கூப்பிட்டு விசாரித்துள்ளனர்.. அப்படி எதுவும் இனி நிகழாதவாறு பார்த்து கொள்ள வேண்டும் என்றும் கேட்டுக் கொள்ளப்பட்டனராம்.. ஏற்கனவே சில அமைச்சர்கள், 50 எம்எல்ஏக்கள் தயாராக இருப்பதாக செய்திகள் வந்த நிலையில், இப்போது கூடுதலாக இந்த தகவலும் கசிந்து வருகிறது.
Click it and Unblock the Notifications
Sign in with Google