கரண்ட் பில்லில் வருது மாற்றம்.. மின் மீட்டருக்கு தனி நம்பர்.. தமிழக மின்வாரியம் புது கடிவாளம்.. சபாஷ்

சென்னை: மின்வாரியம் தமிழக மக்களின் வசதிக்காகவும், பயன்பாட்டுக்காகவும், மின்வாரியத்துறை பல்வேறு நடவடிக்கைகளை மேற்கொண்டு வருகிறது.. அந்த வகையில் புது அதிரடியை தற்போது எடுக்கப்போகிறது.

வீடுகளில் மின் கணக்கீடுகளில் முறைகேடு நடப்பதாக புகார்கள் கிளம்பின.. அதனால்தான், தமிழ்நாடு மின் உற்பத்தி மற்றும் பகிர்மான கழகம் (Tangedco) ஸ்மார்ட் மீட்டர் திட்டத்தை கையில் எடுத்துள்ளது. இதற்கான டெண்டரையும் அரசு கோரியுள்ளது..

மின்வாரியம்: அதேபோல, தொழில் மற்றும் வணிக நிறுவனங்களின் மின் இணைப்புகளில் செல்போன் செயலி மூலம் மின் பயன்பாட்டைக் கணக்கெடுக்க மின் வாரியம் உத்தரவிட்டிருந்தது..

அதாவது, தாழ்வழுத்த பிரிவில் இடம்பெறும் தொழில் மற்றும் வணிக இணைப்புகளில் மின் பயன்பாட்டைக் கணக்கெடுத்த உடனேயே தெரிவிக்கும் வகையில், புது செல்போன் செயலியை, தமிழக மின்வாரியம் அறிமுகப்படுத்தியிருக்கிறது.

ஆக ஒரு பக்கம், ஸ்மார்ட் மீட்டர் மற்றொருபக்கம் புது செல்போன் செயலி என பொதுமக்களுக்கான வசதிகளை செய்து வரும்நிலையில், இன்னொரு அதிரடியும் தற்போது எடுக்கப்பட்டுள்ளது.

டிரான்ஸ்பார்மர்கள்: அதாவது, தற்போது, மின் கம்பம், டிரான்ஸ்பார்மர் உதவியுடன்தான் மின் வினியோகம் நடந்து வருகிறது.. ஆனால், இந்த சாதனங்களை எல்லாம் தனியார் நிறுவனங்களிடம் இருந்துதான் வாங்கப்படுகின்றன. இதில் சில நிறுவனங்கள், தரமற்ற சாதனங்களை வினியோகம் செய்வதாக தெரிகிறது. இதுபோன்ற முறைகேடுகளை தடுக்கவே, மின்வாரியம் கடிவாளம் ஒன்றை போட்டுள்ளது.

அந்தவகையில், இனிமேல், மீட்டர்கள், மின் கம்பங்கள், டிரான்ஸ்பார்மர்கள் இப்படி ஒவ்வொன்றுக்கும், ஒவ்வொரு பிரத்யே நம்பர்கள் தரப்போகிறார்களாம். அந்தந்த மீட்டரில், கியூ ஆர் கோடு, ஸ்கேன் குறியீடு, வரிசை எண்கள், ஆங்கில எழுத்துக்கள் என அத்தனை அடையாளமும் இடம்பெற்றிருக்குமாம். குறிப்பாக, டிரான்ஸ்பார்மரில், 15 நம்பருடன் கூடிய எழுத்துக்கள், கரண்ட் கம்பங்களுக்கு 13 நம்பருடன் கூடிய எழுத்துக்கள் இடம்பெற போகிறதாம்.

முறைகேடுகள் : இந்த எண்களை வைத்துதான், எந்த நிறுவனத்திடம் வாங்கப்பட்டது? எங்கு அனுப்பப்பட்டது? எங்கு பொருத்தப்பட்டது? என எல்லாவற்றையும் துல்லியமாக அறிய முடியும். சுருக்கமாக சொல்லப்போனால், கிட்டத்தட்ட ஆதார் கார்டு போலவே, மின் மீட்டர் உள்ளிட்டவைகளுக்கும் பிரத்யேகமான "எண்கள்" தப்பட்டுள்ளதால், தரமற்ற சாதனங்கள் வாங்குவது இனி தடுக்கப்பட்டுவிடும் என்று நம்பப்படுகிறது.

English summary

Tamil nadu Electricity board and Unique numbers for current meter, TN Gov Major Decision