"இறையன்பு" அதிரடி.. தமிழகத்தில் ஐஏஎஸ் அதிகாரிகள் பணியிட மாற்றம்.. பீலா ராஜேஷ் கூடவா? திடீர் அறிவிப்பு

சென்னை: தமிழகத்தில் ஐஏஎஸ் அதிகாரிகளை பணியிட மாற்றம் செய்து உத்தரவு பிறப்பிக்கப்பட்டுள்ளது. ஒரே சமயத்தில் 12 பேர் மாற்றம் செய்யப்பட்டுள்ளது, மிகப்பெரிய பரபரப்பை ஏற்படுத்தி வருகிறது.

தமிழக அரசு சமீப காலமாகவே, அதிரடியாக அரசு துறைகளில் பல்வேறு மாற்றங்களை செய்து வருகிறது.. துறை ரீதியான விஷயங்களில் தீவிர கவனத்தையும் மேற்கொண்டு வருகிறது.. கடந்த 2 மாதத்தில் மட்டும், ஐஏஎஸ் அதிகாரிகள் சிலர் பணியிட மாற்றம் அதிக அளவு நடந்துள்ளது..

அதிலும், மே மாதம் கிட்டத்தட்ட 21 அதிகாரிகள் பணியிட மாற்றம் செய்யப்பட்டனர். அதில் முக்கிய அதிகாரிகள் பலர் முக்கிய துறைகளுக்கு நியமனம் செய்யப்பட்டனர். ஒவ்வொரு முறையும் பணியிட மாற்றம் குறித்த அறிவிப்புகள் வரும்போதெல்லாம், இனியும் அதிகாரிகள் மாற்றம் அதிகமாக நடக்கக்கூடும் என்றும் செய்திகள் வெளியாகியவண்ணம் இருந்தன. அந்தவகையில், இப்போதும் அறிவிப்பு வெளிவந்துள்ளது.

என்ன காரணம்: அதன்படி, நில சீர்திருத்த துறை ஆணையர் பீலா ராஜேஷ், எரிசக்தி துறை முதன்மைச் செயலாளராகவும், எரிசக்தி துறை கூடுதல் தலைமைச் செயலாளர் ரமேஷ் சந்த் மீனா, சிறப்பு முயற்சிகள் துறை கூடுதல் தலைமைச் செயலாளராகவும் நியமிக்கப்பட்டுள்ளனர்.

திருவண்ணாமலை கூடுதல் ஆட்சியர் வீர் பிரதாப் சிங், வணிவரித்துறை இணை ஆணையராகவும், பட்டு வளர்ச்சி துறை இயக்குநர் விஜய ராணி, கூட்டுறவு சங்கங்களின் கூடுதல் பதிவாளராகவும், தமிழ்நாடு எரிசக்தி மேம்பாட்டு முகமை மேலாண்மை இயக்குநர் ஆயிஷா மரியம், சிறுபான்மையில் நலத்துறை ஆணையராகவும், ஊரக வளர்ச்சி துறை இணைச் செயலாளர் சந்திர சேகர் சாமூரி, பட்டு வளர்ச்சி துறை இயக்குனராகவும்நியமிக்கப்பட்டுள்ளனர்.

உத்தரவு: தமிழ்நாடு சிறு தொழில் வளர்ச்சி நிறுவனத் தலைவர் விஜய குமார், தமிழ்நாடு நகர்புற உட்கட்டமைப்பு நிதி சேவைகள் நிறுவன தலைவராகவும், தமிழ்நாடு நகர்புற உட்கட்டமைப்பு நிதி சேவைகள் நிறுவனத் தலைவர் ஸ்வர்ணா, தமிழ்நாடு சிறு தொழில் வளர்ச்சி நிறுவன தலைவராகவும், நீர்வளத்துறை கூடுதல் செயலாளர் கண்ணன், தமிழ்நாடு சிமெண்ட் நிறுவன மேலாண்மை இயக்குநராகவும் பணியிட மாற்றம் செய்யப்பட்டுள்ளனர்" என்று அந்த உத்தரவில் தெரிவிக்கப்பட்டுள்ளது.

English summary

tamil nadu government Chief secretary Irai anbu orders the transfer of 12 ias officers