புத்தாண்டு வாழ்த்திலும் வந்த சனாதனம்.. ஆளுநர் ஆர்என் ரவி சொன்ன அந்த வார்த்தை.. கவனீச்சிங்களா!

சென்னை: தமிழக ஆளுநர் ஆர்என் ரவி அனைவருக்கும் புத்தாண்டு வாழ்த்து தெரிவித்துள்ளார். 2023ல் இந்தியாவில் நடந்த மாற்றங்கள், உச்சநீதிமன்ற தீர்ப்பு உள்ளிட்டவற்றை அவர் குறிப்பிட்டு உள்ளோடு சனாதனம் பற்றியும் தெரிவித்து புத்தாண்டு வாழ்த்து கூறியுள்ளார்.

2023ம் ஆண்டு இன்றுடன் விடைப்பெறுகிறது. இன்று நள்ளிரவு 12 மணிக்கு 2024ம் ஆண்டு பிறக்கிறது. இந்த புத்தாண்டை ஒவ்வொரு நாடுகளும் வரவேற்று வருகின்றன. இந்தியாவில் புத்தாண்டை வரவேற்க மக்கள் தயாராகி வருகின்றனர்.

இந்நிலையில் தான் தலைவர்கள் மக்களுக்கு புத்தாண்டு வாழ்த்து தெரிவித்து வருகின்றனர். முதல்வர் ஸ்டாலின், எதிர்க்கட்சி தலைவர் எடப்பாடி பழனிச்சாமி உள்பட பல அரசியல் கட்சி தலைவர்கள் புத்தாண்டு வாழ்த்து கூறியுள்ளனர்.

அந்த வரிசையில் தமிழக ஆளுநர் ஆர்என் ரவி புத்தாண்டு வாழ்த்து தெரிவித்துள்ளார். சனதான தர்மம் குறித்து ஆளுநர் ஆர்என் ரவி பேசி வருவதற்கும் ஆளும் திமுக மற்றும் அதன் கூட்டணி கட்சியினர் கடும் எதிர்ப்பு தெரிவித்து வருகின்றனர். இந்நிலையில் தான் புத்தாண்டு வாழ்த்து செய்தியிலும் ஆளுநர் ஆர்என் ரவி சனாதனத்தை குறிப்பிட்டுள்ளார். இதுதொடர்பாக தமிழக ஆளுநர் மாளிகை தனது எக்ஸ் பக்கத்தில் கூறியிருப்பதாவது: 2024 புத்தாண்டை முன்னிட்டு, அனைவருக்கும் எனது அன்பான நல்வாழ்த்துக்களை தெரிவித்துக் கொள்கிறேன்.

இரவு 1 மணி வரை மட்டுமே அனுமதி.. சென்னையில் புத்தாண்டு கொண்டாட கடும் கட்டுப்பாடு.. .. போலீஸ் அதிரடி

2023ஆம் ஆண்டு, விண்வெளி ஆராய்ச்சியில் சாதனைகளை நிகழ்த்தியது, ஜி20 தலைமையில் நீங்காத தாக்கத்தை ஏற்படுத்தியது. விளையாட்டுத் துறையில் நமது வீரர், வீராங்கனைகள் சிறப்பாக பரிணமித்தது என சுயசார்பு பாரதத்தின் வலுவான அடித்தளத்தை அமைப்பதற்கான நமது தேசிய உறுதிப்பாட்டின் சான்றாக விளங்கியது.

சட்டசீர்திருத்தங்கள் காலனித்துவ பாரம்பரியத்தை நிராகரித்ததுடன், நமது தேசத்தின் ஜனநாயக நெறிமுறைகளை மேலும் ஆழப்படுத்தியுள்ளன. உச்சநீதிமன்றம், ஜம்மு & காஷ்மீரின் முழுமையான ஒருங்கிணைப்பு தொடர்பாக வழங்கிய தனது வரலாற்றுபூர்வ தீர்ப்பின் மூலம் ஒரே பாரதம் உன்னத பாரதம் என்ற உணர்வை மேலும் வலுப்படுத்தியது.

சென்னையில் புத்தாண்டு கொண்டாட போறீங்களா! இத படிங்க முதல்ல.. மேஜர் அட்வைஸ் - 18000 போலீஸ் குவிப்பு

நமது இளையசக்தி அனைத்து துறைகளிலும் தங்கள் திறமை மற்றும் தொழில்முனைவு மேதைத்துவத்தை நிரூபித்து வருகிறது. நமது புராதன சனாதன தரிசனத்தில் ஆழமாக வேரூன்றிய நமது தெளிவான கலாசார ஆன்மிகம், உலகை ஒரே குடும்பம் ஆக ஒருங்கிணைத்துள்ளது. நாம் நமது சமூக ஒற்றுமையை வலுப்படுத்தி, 'ஒரேதேசம்' ஆக கடுமையான சவால்களை முறியடித்து முன்னேறினோம்.

இன்று விடைபெறும் 2023.. 2024 புத்தாண்டை முதலில் வரவேற்கும் நாடு எது தெரியுமா? கடைசி நாடு இதுதான்

அதே நம்பிக்கை, அர்ப்பணிப்பு, கூட்டுறுதி மற்றும் ஆற்றலுடனும் நாம் 2024-இல் நுழைகிறோம். நமது முயற்சிகளில் சிறந்து விளங்கவும், நமது தேசத்தின் வளர்ச்சிப் பயணத்திற்கு வேகம் சேர்ப்பதற்காகவும், 2047-க்குள் வளர்ச்சியடைந்த பாரதத்தை உருவாக்குவதில் இணைந்து செயல்படுவதற்கான நமது உறுதிப்பாட்டை மீண்டும் வலியுறுத்துவோம். 'புத்தாண்டு 2024' நம் அனைவருக்கும் மேலும் மகிழ்ச்சி, நல்லிணக்கம், நல்ல ஆரோக்கியம் மற்றும் வெற்றியைக் கொடுக்கட்டும்’’ என தெரிவிக்கப்பட்டுள்ளது.

English summary

Happy New Year 2024: Tamil Nadu Governor RN Ravi has wished everyone a Happy New Year. He mentioned the changes that took place in India in 2023, the Supreme Court's verdict, and expressed his inner Sanatana Dharma and wished him a happy New Year.