அய்யோ பறிபோகுதே! மறுசீரமைப்பால் தமிழக லோக்சபா தொகுதிகள் 38-ல் இருந்து 31 ஆக குறையும்.. முழு விவரம்!

சென்னை: இந்தி திணிப்பு விவகாரமே ஓயாத நிலையில் தொகுதி மறுசீரமைப்பு புயல் தமிழ்நாட்டை தாக்கி வருகிறது. மத்திய அரசின் தொகுதி மறுசீரமைப்பு நடவடிக்கையால் தமிழ்நாடு உள்ளிட்ட தென் மாநிலங்களின் லோக்சபா தொகுதிகள் எண்ணிக்கை பெரும் எண்ணிக்கையில் குறைக்கப்படும்; அதேநேரத்தில் வட இந்திய மாநிலங்களில் லோக்சபா தொகுதிகளின் எண்ணிக்கை அதிகரிக்கும் என்கின்றன தகவல்கள்.

தமிழ்நாடு முதல்வர் மு.க.ஸ்டாலின் இன்று வெளியிட்டிருந்த அறிக்கையில், 2026-ஆம் ஆண்டு மக்கள் தொகைக் கணக்கெடுப்பின் அடிப்படையிலான மக்களவைத் தொகுதி மறுசீரமைப்பு நடவடிக்கை மிகுந்த ஆபத்தாக இருப்பதை அனைவரின் கவனத்துக்கும் கொண்டு வருகிறேன்.

மக்கள் தொகைப் பெருக்கத்தைக் கட்டுப்படுத்துவதில் தமிழ்நாடு முதலிய தென் மாநிலங்கள் மிகச் சிறப்பாகச் செயல்பட்டுள்ளன. ஆனால், அதுவே நாடாளுமன்றத்தில் நம் பலம் குறையக் காரணமாகி விடும்; நம் குரலை நசுக்கிவிடக் கூடும் என்றால் அது எவ்வகையில் நியாயமாகும்?

ஜனநாயக முறையில் பிரதிநிதித்துவத்தை மேம்படுத்தும் எந்த நடவடிக்கையினையும் செய்யவே கூடாது என்பதல்ல எங்கள் வாதம். அதற்காக, தமிழ்நாட்டின் பிரதிநிதித்துவத்தில் சமரசம் செய்துகொள்ளும் பேச்சுக்கே இடமில்லை!

கூட்டாட்சியியல் கோட்டுபாடுகளைப் பாதுகாக்கும் விதத்தில், நியாயமான, வெளிப்படைத்தன்மை மிக்க ஒரு வழிமுறையைப் பின்பற்றுங்கள் என்றுதான் நாங்கள் கேட்கிறோம்.

இச்சூழ்நிலையில், தமிழ்நாட்டின் எதிர்காலத்தைப் பாதிக்கும் இந்த மிக முக்கியப் பிரச்சினையைப் பற்றிக் கலந்தாலோசிப்பதற்காக, தமிழ்நாட்டில் பதிவு செய்யப்பட்ட அரசியல் கட்சிகள் அனைத்திற்கும் அழைப்பு விடுக்கிறேன்.

நம் தாய்த் தமிழ்நாட்டின் எதிர்காலத்தைக் காக்க, கட்சி வேறுபாடுகளைக் கடந்து ஓரணியில் திரள்வோம்! சூழ்ந்துள்ள ஆபத்தை நம் ஒற்றுமையால் வெல்வோம் என் தெரிவித்துள்ளார்.

அதாவது தொகுதி மறுசீரமைப்பால் தமிழ்நாட்டில் லோக்சபா தொகுதிகள் எண்ணிக்கை 38-ல் இருந்து 31 ஆக குறையும் அபாயம் ஏற்பட்டுள்ளது; இது தொடர்பாக மார்ச் 5-ந் தேதி அனைத்து கட்சிக் கூட்டத்தை தமிழ்நாடு அரசு கூட்டியுள்ளது என அழைப்பு விடுத்துள்ளார் முதல்வர் ஸ்டாலின்.

2026-ம் ஆண்டு மக்கள் தொகை கணக்கெடுப்பு அடிப்படையில் மாநிலங்களின் தற்போதைய லோக்சபா தொகுதிகள் எண்ணிக்கை எப்படி மாறுபடும் என்பதை இந்த பட்டியலில் பார்க்கலாம்:

English summary

As the issue of Hindi imposition remains unresolved, the storm of delimitation is hitting Tamil Nadu. The central government's delimitation process is expected to significantly reduce the number of Lok Sabha constituencies in Tamil Nadu and other southern states, while simultaneously increasing the number of constituencies in northern Indian states, according to reports.