14, 15ம் தேதிக்கு அப்பறம் பாருங்க.. இதுதான் நடக்க போகுது,, தமிழ்நாடு வெதர்மேன் தந்த முக்கிய அப்டேட்!

Updated: Sunday, December 12, 2021, 13:34 [IST]

Subscribe to Oneindia Tamil

சென்னை; தமிழ்நாடு வானிலை குறித்து வெதர்மேன் பிரதீப் ஜான் முக்கியமான அப்டேட் ஒன்றை கொடுத்துள்ளார்.

தமிழ்நாட்டில் வடகிழக்கு பருவமழை மிக தீவிரமாக பெய்து வந்தது. கடந்த வாரத்திற்கு முன்பு வரை மழை விடாமல் பெய்து வந்தது. டிசம்பர் முதல் வாரம் வரை தமிழ்நாட்டின் பல பகுதிகளில் மழை காரணமாக வெள்ளம் ஏற்பட்டது.

வரலாற்றில் இல்லாத அளவிற்கு மழை பெய்த நிலையில் நவம்பர் கடைசி வாரம் சென்னையில் பல இடங்களில் வெள்ளம் தேங்கி இருந்தது. இந்த வடகிழக்கு பருவமழையின் போது தமிழ்நாட்டில் புயல் தாக்கவில்லை.

புயல் இல்லை

ஒரு வளிமண்டல மேலடுக்கு சுழற்சி எங்கும் நகராமல் ஒரே இடத்தில் நின்று கனமழையை கொடுத்தது. இதன் காரணமாக சென்னை தொடங்கி குமரி வரை மொத்தமாக வங்கக்கடல் அருகே இருக்கும் பகுதிகளில் எல்லாம் மிக கனமழை பெய்தது. அதேபோல் தமிழ்நாட்டை மேலும் இரண்டு காற்றழுத்த தாழ்வு பகுதிகள் தாக்கியது.

காற்றழுத்த தாழ்வு மண்டலம்

நவம்பர் முதல் வாரமும், இரண்டாம் வாரமும் அடுத்தடுத்து இரண்டு காற்றழுத்த தாழ்வு பகுதிகள் தமிழ்நாட்டை தாக்கியது. இதில் சென்னை உள்ளிட்ட வடமாவட்டங்கள்தான் அதிகம் பாதிக்கப்பட்டது. புயல் நேரடியாக தாக்கவில்லை என்றாலும் காற்றழுத்த தாழ்வு மண்டலமே பலத்த மழையை கொடுத்தது.அதன்பின் புதிய தாழ்வு பகுதி ஆந்திரா நோக்கி நகர்ந்ததால் தமிழ்நாட்டிற்கு மழை குறைந்தது.

வெதர்மேன்

இந்த நிலையில்தான் தமிழ்நாடு வானிலை குறித்து வெதர்மேன் பிரதீப் ஜான் முக்கியமான அப்டேட் ஒன்றை கொடுத்துள்ளார். அதில், சென்னை, காஞ்சிபுரம், திருவள்ளூர் மற்றும் செங்கல்பட்டில் வரும் டிசம்பர் 14, 15 தேதிகளில் இருந்து மழை முற்றிலுமாக குறையும்.

மழை நிற்கும்

இப்போது அங்காங்கே பெய்து வரும் மழையும் மொத்தமாக நின்றுவிடும். அதன்பின் குளிர் அதிகரிக்கும். தமிழ்நாட்டின் மற்ற பகுதிகளிலும் இதேதான் நிலை. தென் தமிழ்நாட்டில் தொடர்ந்து ஆங்காங்கே விட்டுவிட்டு மழை பெய்யும். இந்த டிசம்பர் மாதத்தில் சென்னை மற்றும் தமிழ்நாட்டின் நீர் பற்றாக்குறை மொத்தமாக முடிவிற்கு வரும்.

என்ஜாய்

இதனால் அடுத்த 3-4 நாட்களுக்கு தமிழ்நாட்டில் சென்னை உட்பட கடலோர மாவட்டங்களிலும், தென் சென்னையிலும், அருகாமையில் உள்ள மாவட்டங்களிலும் என்ன மழை பெய்கிறதோ அதை என்ஜாய் செய்து கொள்ள வேண்டும். டெல்டா மாவட்டங்களில் விரைவில் நல்ல மழையை எதிர்பார்க்கலாம். சில நிமிடங்களுக்கு அங்கு நல்லமழை பெய்யும், என்று தமிழ்நாடு வெதர்மேன் குறிப்பிட்டுள்ளார்.