கஜா இங்கே வரமாட்டான்.. இன்னிக்கு ஃபுல்லா மழை பெய்யும் என கனவு காணாதீங்க- தமிழ்நாடு வெதர்மேன்

சென்னை: கஜா புயல் ரொம்ப தூரத்தில் உள்ளது சென்னையில் இன்று நாள் முழுவதும் மழை பெய்யும் என எதிர்பார்க்காதீர் என தமிழ்நாடு வெதர்மேன் தெரிவித்துள்ளார்.

தமிழகத்தில் கடந்த 1-ஆம் தேதி தொடங்கிய வடகிழக்கு பருவமழை டிசம்பர் வரை நீடிக்கும் என கூறப்படுகிறது. இந்நிலையில் வங்க கடலில் கஜா புயல் உருவாகியது. இதனால் எந்த பகுதியில் அது கரையை கடக்குமோ என்ற எதிர்பார்ப்பில் தமிழகமே தயார் நிலையில் உள்ளது.

இந்த நிலையில் காற்றின் திசை காரணமாக அந்த புயல் கடலூருக்கும் பாம்பனுக்கும் இடையே கரையை கடக்கிறதாக வானிலை ஆய்வு மையம் தெரிவித்துள்ளது. இந்த புயல் சென்னைக்கு வரும் என சொல்லிய போதே மக்களுக்கு வர்தா புயல் கண் முன் நிழலாடியது.

கரையை கடக்கும்

இதையடுத்து வர்தாவை போல் கஜா இருக்காது என தமிழ்நாடு வெதர்மேன் தெரிவித்தார். அதன்படி புயலும் சென்னைக்கு அப்பால் சென்றுவிட்டது. எனினும் கரையை கடக்கும் என எதிர்பார்க்கப்பட்டது.

புயலின் தாக்கம்

சென்னையில் அதிகாலை முதல் ஆங்காங்கே விட்டு விட்டு மழை பெய்து வருகிறது. புயல் குறித்து தமிழ்நாடு வெதர்மேன் பிரதீப் ஜான் கூறுகையில் சென்னையில் புயலின் தாக்கம் நிலத்தை நோக்கி நகர்கிறது.

மழை பெய்யும்

புறநகர் பகுதிகளான குறிப்பாக செம்பரம்பாக்கம், ஈசிஆர் மற்றும் தாம்பரம், சிறுச்சேரி உள்ளிட்ட பகுதிகளில் நல்ல மழை பெய்யும். ஏரி பகுதிகளில் மழை பெய்வதால் சந்தோஷமாக இருங்கள்.

மறக்காதீர்

சூரிய ஒளி மீண்டும் வரும். சென்னையில் இதுபோல்தான் மழை பெய்யும். நாகை பகுதிக்கு புயல் சென்றுவிட்டதை மறந்துவிடாதீர். அதாவது சென்னையிலிருந்து மிக தூரத்தில் உள்ளது கஜா. எனவே சென்னையில் இன்று நாள் முழுவதும் மழை பெய்யும் என கனவு காணாதீர். உள்மாவட்டங்களில் புயல் கரையை கடக்கும் போது இரவு நேரங்களில் மழை பெய்யும் என்று தெரிவித்துள்ளார்.

English summary

Tamilnadu Weatherman says that Chennai Remember cyclone is going to around Nagai belt and very far away from us. So dont dream of day full of rains in the city.