அக்ஷரா கண்ணு.. சாமி சத்தியமா.. என் கிட்னியை உன் அம்மாவுக்கு தரேன்.. பிக்பாஸ் தாமரைச் செல்வி

Updated: Tuesday, October 12, 2021, 14:56 [IST]

Subscribe to Oneindia Tamil

சென்னை: சாமி சத்தியமா என் கிட்னியை அக்ஷராவின் அம்மாவிற்கு கொடுப்பேன் என நாடகக் கலைஞர் தாமரைச் செல்வி உறுதியளித்துள்ளார்.

பிக்பாஸ் சீசன் 5 மிகுந்த எதிர்பார்ப்போடு தொடங்கியது. இந்த நிலையில் 18 போட்டியாளர்களில் நமிதா மாரிமுத்து வெளியேறிவிட்ட நிலையில் மீதம் 17 பேர் பிக்பாஸ் வீட்டில் உள்ளனர்.

இந்த சீசனில் அவ்வப்போது மோதல் போக்கு ஏற்படுகிறது. பின்னர் சமாதானமாகிவிடுகிறார்கள். ராஜு- அபிஷேக், நமிதா மாரிமுத்து- தாமரைச் செல்வி, தாமரைச் செல்வி- அபிஷேக், சிபி- நிரூப் ஆகியோரிடையே மோதல் ஏற்பட்டது.

அக்ஷரா ரெட்டி

இந்த நிலையில் நேற்று முதல் எலிமினேஷனுக்காக நாமினேஷன் பிராசஸ் நடைபெற்றது. இதில் அபினய், அபிஷேக், அக்ஷரா ரெட்டி, சின்னப்பொண்ணு, இசை வாணி, சிபி, இமான் அண்ணாச்சி, பிரியங்கா, நிரூப், சுருதி, வருண் ஆகியோர் நாமினேஷன் லிஸ்டில் உள்ளதாக பிக்பாஸ் அறிவித்தார்.

பிக்பாஸ் ஹவுஸ்

இதையடுத்து இந்த வார பிக்பாஸ் ஹவுஸின் தலைவராக தாமரைச் செல்வி தேர்வு செய்யப்பட்டார். இந்த நாமினேஷன் பிராசஸுக்கு முன்பு தலைவர் பதவியை நான்தான் உனக்கு விட்டுக் கொடுத்தேன் என சின்னப்பொண்ணு கூற, அதற்கு தாமரை, அப்படியெல்லாம் எதுவும் வேண்டாம் அக்கா, நான் எதாவது தப்பு செய்திருந்தா, என்ன மன்னிச்சிடுங்க, நான் தெம்மாங்கு பாட்டுகள் மூலம் பிரபலமானவர் என கூறினார்.

சாமி சத்தியம்

இப்படியாக இவர்கள் இருவருக்கும் இடையே உரையாடல் நடைபெறுகிறது. அப்போது அங்கிருந்த அக்ஷராவை பார்த்து தாமரைச் செல்வி, கண்ணு நீ பேசாம இருந்தால் கஷ்டமா இருந்தது. கவலைப்படாதே என் உடம்புக்கு எது வந்தாலும் வெளியே வந்து சாமி சத்தியமா என்னோட கிட்னியை உனது அம்மாவுக்கு கொடுக்கிறேன். இது என் குழந்தைகள் மீது ஆணை என்றார்.

எப்படி சாத்தியம்

இதை பிக்பாஸ் போட்டியாளர்கள் பாராட்டி வருகிறார்கள். ஆனால் இது எந்த அளவுக்கு சாத்தியம் என தெரியவில்லை. இந்த நிகழ்ச்சியில் தாமரைச் செல்வி மிகவும் இன்னோசென்ட்டாக இருந்து வருகிறார். வெகுளித்தனமாக நிறைய பேசி சில போட்டியாளர்களின் அதிருப்திக்குள்ளாகிறார். இவர் தலைவர் என்பதால் அடுத்த நாமினேஷனில் தப்பினார். இனி பொறுத்திருந்து பார்ப்போம்.