சர்க்கரை கார்டுகளை அரிசி கார்டுகளாக மாற்றலாம்... டிசம்பர் 20 வரை அரசு அவகாசம்

சர்க்கரை குடும்ப அட்டைதாரர்கள் தங்களது அடிப்படையில் அரிசி குடும்ப அட்டைதாரர்களாக மாற்றிக்கொள்ள கால அவகாசம் விதித்து இணையதள முகவரியையும் தமிழக அரசு வெளியிட்டுள்ளது.

சென்னை: சர்க்கரை குடும்ப அட்டைதாரர்கள், தகுதியின் அடிப்படையில், அரிசி பெறும் குடும்ப அட்டைகளாக மாற்றிக் கொள்ளலாம் என தமிழக அரசு தெரிவித்துள்ளது. அட்டை நகலை இணைத்து www.tnpds.gov.in என்ற இணையதளத்தில் டிசம்பர் 20ஆம் தேதிக்குள் விண்ணப்பிக்கலாம் என்று கூறப்பட்டுள்ளது.

உணவு மற்றும் நுகர்பொருள் வழங்கல் துறை அமைச்சர் காமராஜ் வெளியிட்டுள்ள அறிக்கை:

பொது விநியோக திட்டத்தில் 5,80,298 குடும்ப அட்டைகள் சர்க்கரை பெறும் அட்டைகளாக உள்ளன. இதில் பெரும்பாலானோர் தங்களது அட்டைகளை அரிசி குடும்ப அட்டைகளாக மாற்ற கோரிக்கை விடுத்துள்ளனர்.

இதனை ஏற்று முதல்வர் எடப்பாடி பழனிசாமி உத்தரவிட்டுள்ளார். அட்டை நகலை இணைத்து www.tnpds.gov.in என்ற இணையதளத்தில் டிசம்பர் 20ஆம் தேதிக்குள் விண்ணப்பிக்கலாம் என்று கூறப்பட்டுள்ளது.

அல்லது சம்மந்தப்பட்ட வட்ட வழங்கல் அலுவலர்கள் மற்றும் உதவி ஆணையர்களிடமும் விண்ணப்பங்களை சமர்ப்பிக்கலாம் என்றும் தெரிவிக்கப்பட்டுள்ளது. இதன்மூலம் தகுதி அடிப்படையில் பல அட்டைகள் அரிசி குடும்ப அட்டைகளாக மாற்றலாம் என்று கூறப்பட்டுள்ளது.

தமிழக அரசு அவ்வப்போது வழங்கும் நிவாரணத் தொகை, பொங்கல் பரிசாக கிடைக்கும் 1000 ரூபாய் ஆகியவை சர்க்கரை அட்டைதாரர்களுக்கு கிடைக்காமல் இருந்தது. இந்நிலையில் பொங்கல் பண்டிகைக்கு இன்னும் ஒரு மாத காலமே உள்ள நிலையில் பெரும்பாலானோர் அரிசி அட்டைதாரர்களாக தங்களை மாற்றிக் கொண்டால் அரசின் பொங்கல் பரிசு அவர்களுக்கும் கிடைக்கும்.

சட்டசபைத் தேர்தலுக்கு இன்னும் சில மாதங்களே உள்ள நிலையில் பொங்கல் பரிசுத் தொகை அனைவருக்கும் கிடைக்க வேண்டும் என்பதற்காகவே அனைத்து அட்டைதாரர்களையும் அரிசி அட்டைதாரர்களாக மாற்றிக்கொள்ளலாம் என்று அரசு தரப்பில் தெரிவிக்கப்பட்டுள்ளது குறிப்பிடத்தக்கது.

English summary

Tamil Nadu govt permits conversion of sugar option cards to rice cards till December 20.The Tamil Nadu government has said that sugar family card holders can, on merit, convert to rice family cards. A copy of the card can be attached to the website www.tnpds.gov.in to apply by December 20.