TVK Candidate List: வில்லிவாக்கத்தில் ஆதவ்? சென்னையின் 16 தொகுதிகளுக்கும் தவெக வேட்பாளர்கள் இவர்களா?
சென்னை: வரும் சட்டசபை தேர்தலில் தமிழக வெற்றிக் கழகத்தின் சார்பால் சென்னை மாவட்டத்தில் போட்டியிடும் வேட்பாளர்கள் யார் என்பதை பார்க்கலாம். இது குறித்து தோராயமாக ஒரு பட்டியல் வெளியாகியுள்ளது.
தமிழகத்தில் 234 சட்டசபை தொகுதிகள் உள்ளன. இவை மாவட்டம் வாரியாக வகைப்படுத்தப்பட்டுள்ளன. அந்த வகையில் சென்னை மாவட்டத்தில் 16 சட்டசபை தொகுதிகள் உள்ளன.
அவை ராதாகிருஷ்ணன் நகர், பெரம்பூர், கொளத்தூர், வில்லிவாக்கம், திருவிக நகர், எழும்பூர், ராயபுரம், துறைமுகம், சேப்பாக்கம்- திருவல்லிக்கேணி, ஆயிரம்விளக்கு, அண்ணாநகர், விருகம்பாக்கம், சைதாப்பேட்டை, தியாகராய நகர், மயிலாப்பூர், வேளச்சேரி ஆகியவை ஆகும்.
கடந்த 2021 ஆம் ஆண்டு நடந்த சட்டசபைத் தேர்தலில் சென்னை மாவட்டத்தில் உள்ள 16 தொகுதிகளையும் திமுகவே கைப்பற்றியது. அதிமுக, பாஜக உள்ளிட்ட கட்சிகள் ஒரு தொகுதியில் கூட வெல்லவில்லை.
சென்னை மாவட்டத்தில் மொத்தம் 28.30 லட்சம் வாக்காளர்கள் உள்ளனர். பெரம்பூர் தொகுதியில் அதிகபட்சமாக 2.22 லட்சம் வாக்காளர்களும், எழும்பூர் தொகுதியில் குறைந்த எண்ணிக்கையிலான வாக்காளர்களும் உள்ளனர்.
வரும் தேர்தலிலும் சென்னை மாவட்டத்தை மொத்தமாக அள்ள திமுக முயற்சித்து வருகிறது. அது போல் அதிமுக கூட்டணி கட்சியும் ஆயத்தமாகி வருகிறது.
இந்த நிலையில் சென்னை மாவட்டத்தில் தமிழக வெற்றிக் கழகத்தின் சார்பில் யாரெல்லாம் வேட்பாளர்கள் என்ற உத்தேச பட்டியல் ஒன்று இணையத்தில் உலா வருகிறது.
அதை பார்க்கலாம்.
விஜய் - பெரம்பூர்
புஸ்ஸி ஆனந்த்- T நகர்
வெங்கட்ராமன்- மயிலாப்பூர்
ஆதவ் அர்ஜுனா- வில்லிவாக்கம
ராஜ்மோகன்- எழும்பூர்
ஈசிஆர் சரவணன் - ஆலந்தூர்
மரியா வில்சன் - திருவெற்றியூர்
பாலமுருகன் - அம்பத்தூர்
பாலாஜி- கொளத்தூர்
விஜயகுமார் அல்லது அசோக் - துறைமுகம்
தினகரன் - மதுரவாயல்
ஜேசிடி பிரபாகர் - அண்ணாநகர்
V. S. Babu- ஆர்.கே.நகர்
விஷ்ணு - வேளச்சேரி.
சிடிஆர் நிர்மல் குமார்- ஆயிரம் விளக்கு
ஸ்ரீநாத்- சைதாப்பேட்டை
விஜய் இரு தொகுதிகளில் போட்டியிடுவார் என சொல்லப்படுகிறது. அவர் வடசென்னை தொகுதியான பெரம்பூரில் போட்டியிட வேண்டும் என அவர் விரும்பியதாக சொல்லப்படுகிறது.
விஜய் போட்டியிடும் தொகுதி எது என்பதில் மிகப் பெரிய விவாதம் நடந்தது. அதாவது முன்பு விருகம்பாக்கம் (Virugambakkam), வேளச்சேரி, திருச்சி கிழக்கு என பேசப்பட்டது (அவரது பெயருடன் 'V' தொடங்கும் தொகுதிகள்). ஆனால் சமீபத்தில் (பிப் 22-23, 2026) பெரம்பூர் தொகுதியில் போட்டியிட வேண்டும் என TVK கூட்டத்தில் தீர்மானம் நிறைவேற்றப்பட்டது. ஆதவ் அர்ஜுனா இதை வலியுறுத்தினார். வடசென்னையில் உள்ள வறுமை, வேலையின்மை போன்ற பிரச்சனைகளை பயன்படுத்தி அவர்கள் மீது ஒரு முத்திரையை ஆட்சியாளர்கள் குத்தப்பார்க்கிறார்கள் என சொல்லப்படுகிறது.
Click it and Unblock the Notifications
Sign in with Google