ஷவர்மாவ விடுங்க... சென்னையில் வட இந்தியர்கள் நடத்தும் சமோசா கடையின் லட்சனம் - மக்கள் புகார்

Updated: Sunday, May 8, 2022, 22:08 [IST]

Subscribe to Oneindia Tamil

சென்னை: பெரியமேடு சாலையோரம் வடஇந்தியர்கள் சுகாதாரமற்ற முறையில் விற்பனை செய்யும் சாலையோர சமோசா கடை மீது நடவடிக்கை எடுக்க சமூக ஆர்வலர்கள் கோரிக்கை விடுத்துள்ளனர்.

வட இந்தியர்களின் சமோசா கடை

இதனிடையே ஷவர்மா சர்ச்சை குறித்து கருத்து தெரிவித்த மக்கள் நல்வாழ்வுத்துறை அமைச்சர் மா.சுப்பிரமணியன், ஷவர்மா போன்ற உணவுகளை தவிர்த்துக்கொள்ள வேண்டும் என கேட்டுக்கொண்டார். இந்த நிலையில், தான் சென்னையில் வட இந்தியர்களின் சாலையோர சமோசா கடை மீது நடவடிக்கை எடுக்க வலியுறுத்தி இருக்கின்றனர் சமூக ஆர்வலர்கள்.

சகாதாரக் குறைவு

பெரியமேடு வேப்பேரி நெடுஞ்சாலையில் வட இந்தியர்கள் 4 பேர் இணைந்து சாலையோர உணவகம் ஒன்றை நடத்தி வருகின்றனர். இந்த உணவகத்தில் சிக்கன் சமோசா, மட்டன் சமோசா, ஸ்பிரிங் ரோல் மற்றும் இறைச்சி சம்பந்தப்பட்ட உணவுகளை விற்பனை செய்து வருகின்றனர். இங்கு சுகாதாரமற்ற முறையில் உணவு தயாரிக்கப்படுவதாக குற்றம்சாட்டப்படுகிறது.

சமூக ஆர்வலர்கள் கோரிக்கை

இந்த கடையில் உணவு பாதுகாப்பு துறை அதிகாரிகள் சோதனை நடத்தி நடவடிக்கை எடுக்க வேண்டுமென பொதுமக்கள் கோரிக்கை விடுத்துள்ளனர். உணவு பாதுகாப்புத்துறையின் உரிமம் இன்றியும் உணவில் அதிகளவில் நிறம் சேர்த்து பொதுமக்களின் உடல் நலத்திற்கு கேடு விளைவிக்கும் வகையிலும் இந்த கடையை நடத்தி வருவதாக கூறப்படுகிறது.

ஈ, கொசுக்கள்

சாப்பிடும் தட்டிலும் உணவு பொருட்களிலும் ஈ, கொசு போன்றவைகள் மொய்க்கும் காட்சி சமூக வலைதளங்களில் வேகமாக பரவி வருகிறது. இது தொடர்பாக உணவு பாதுகாப்பு அதிகாரிகள் சாலையோரம் உள்ள தரமற்ற உணவகங்களில் ஆய்வு மேற்கொண்டால் பொதுமக்களின் நலனை காக்க முடியும் என சமூக ஆர்வலர்கள் கோரிக்கை விடுத்திருக்கின்றனர்.