C.Joseph Vijay எனும் நான்!தமிழக முதல்வராக விஜய் நாளை காலை 11.30 மணிக்கு பதவியேற்பு!

சென்னை: தமிழக முதல்வராக விஜய் நாளை காலை 11.30 மணிக்கு பதவியேற்கிறார். இதற்கான விழா, சென்னையில் உள்ள நேரு உள்விளையாட்டரங்கில் நடைபெறுகிறது. அவருக்கு தமிழக ஆளுநர் (பொறுப்பு) ராஜேந்திர அர்லேகர் பதவிப்பிரமாணம் செய்து வைக்கிறார்.

தமிழ்நாட்டில் கடந்த ஏப்ரல் 23ம் தேதி சட்டசபைத் தேர்தல் நடந்து முடிந்த நிலையில், திங்கள்கிழமை தேர்தல் முடிவுகள் வெளியாகின. இதில் யாருமே எதிர்பார்க்காத வகையில் 108 இடங்களைக் கைப்பற்றித் தனிப்பெரும் கட்சியாக தவெக உருவெடுத்துள்ளது. திமுக 59 இடங்களில் வென்று எதிர்க்கட்சியாக இருக்கும் சூழலில், அதிமுக 3வது இடத்திற்குத் தள்ளப்பட்டது.

தனிப்பெரும் கட்சியாக உருவெடுத்துள்ள தவெகவுக்கு பெரும்பான்மை கிடைக்காததால் ஆட்சி அமைக்க 12 பேரின் ஆதரவு தேவைப்பட்டது. இதற்காக தவெக காங்கிரஸ் கட்சியிடம் பேச்சுவார்த்தை நடத்தி அவர்களது ஆதரவை பெற்றது.

அந்த வகையில் காங்கிரஸ் கட்சியிடம் 5 எம்எல்ஏக்கள் இருப்பதால் இப்போதைக்கு தவெகவின் பலம் 112 ஆக உயர்ந்துள்ளது. கூடுதலாக 6 பேரின் ஆதரவு தேவைப்படுகிறது. எனினும் 112 பேரின் ஆதரவுடன் தமிழக ஆளுநர் ராஜேந்திர அர்லேகரை சந்தித்த விஜய் ஆட்சி அமைக்க உரிமை கோரினார்.

இதற்காக சென்னை பனையூர் அலுவலகத்தில் இருந்து ஆளுநர் மாளிகைக்குவந்த விஜய், ஆளுநரை சந்தித்து உரிமை கோரினார். அவருடன் புஸ்ஸி ஆனந்த், செங்கோட்டையன், நிர்மல் குமார், வெங்கட்ரமணன் உள்ளிட்டோர் உடனிருந்தனர்.

இந்த நிலையில் விஜய் நாளை காலை 11.30 மணிக்கு சென்னையில் உள்ள நேரு உள் விளையாட்டரங்கில் முதல்வராக பதவியேற்கிறார். அவருக்கு பதவிப்பிரமாணமும் ரகசிய காப்பும் செய்து வைப்பார் ஆளுநர் அர்லேகர். மேலும் பெரும்பான்மையை நிரூபிக்க அவருக்கு 15 நாட்கள் வழங்கப்பட்டுள்ளது

இந்த வரலாற்றுச் சிறப்புமிக்க பதவியேற்பு நிகழ்வில் கலந்துகொள்ள பல்வேறு முக்கியத் தலைவர்களுக்கு அழைப்பு விடுக்கப்பட்டுள்ளது.

ராகுல் காந்தி: அகில இந்திய காங்கிரஸ் கமிட்டியின் முக்கியத் தலைவரான ராகுல் காந்தி இந்த விழாவில் பங்கேற்க சென்னை வருகிறார். (காங்கிரஸ் கட்சி தவெக ஆட்சி அமைக்க ஆதரவு அளித்துள்ளது குறிப்பிடத்தக்கது).

பிற தலைவர்கள்: அண்டை மாநில முதல்வர்கள், திரையுலகப் பிரபலங்கள் மற்றும் பல்வேறு அரசியல் கட்சித் தலைவர்கள் இந்த விழாவில் பங்கேற்பார்கள் என்று எதிர்பார்க்கப்படுகிறது.

பதவியேற்பு விழாவின் சிறப்பம்சங்கள்:
எளிமை மற்றும் கம்பீரம்: கட்சித் தொண்டர்கள் மற்றும் பொதுமக்களுக்கு இடையூறு ஏற்படாத வகையில், அதே சமயம் ஒரு புதிய மாற்றத்தின் தொடக்கமாக இந்த விழா திட்டமிடப்பட்டுள்ளது.

பாதுகாப்பு ஏற்பாடுகள்: நேரு உள்விளையாட்டரங்கத்தைச் சுற்றி சுமார் 5,000-க்கும் மேற்பட்ட போலீசார் பாதுகாப்புப் பணியில் ஈடுபடுத்தப்பட்டுள்ளனர்.

தொண்டர்கள் வருகை: தமிழகம் முழுவதிலும் இருந்து லட்சக்கணக்கான தவெக தொண்டர்கள் சென்னைக்கு வரத் தொடங்கியுள்ளதால், சென்னை மாநகரமே விழாக்கோலம் பூண்டுள்ளது.

அரசியல் பின்னணி
234 தொகுதிகளில் 108 இடங்களை வென்ற தவெக, மெஜாரிட்டிக்குத் தேவையான 118 இடங்களை அடைய காங்கிரஸ் (5 இடங்கள்) மற்றும் சில சிறிய கட்சிகளின் ஆதரவைப் பெற்றுள்ளது. இதன் மூலம் 60 ஆண்டுகளுக்கு மேலாக நீடித்த திமுக-அதிமுக ஆகிய இரு துருவ அரசியலுக்கு முற்றுப்புள்ளி வைத்து, முதல்முறையாக ஒரு புதிய கட்சி ஆட்சிப் பீடத்தில் அமர்கிறது.

நாளை முதலமைச்சராகப் பதவியேற்றவுடன், விஜய் தனது அமைச்சரவையில் இடம்பெறப் போகும் அமைச்சர்களின் பட்டியலையும் வெளியிடுவார் என்று எதிர்பார்க்கப்படுகிறது.

தமிழக மக்கள் மாற்றத்தை எதிர்பார்த்து அளித்த இந்த தீர்ப்பை, "மக்களுக்கான சேவையாக மாற்றுவேன்" என்று விஜய் ஏற்கனவே உறுதி அளித்துள்ளது குறிப்பிடத்தக்கது.

English summary

Vijay is set to be sworn in as the Chief Minister of Tamil Nadu tomorrow at 11:30 AM. The swearing-in ceremony will be held at the Nehru Indoor Stadium, marking a significant moment in the state’s political landscape.