அலரி மாளிகையில் பணிகளை ஆரம்பித்தார் ரணில் விக்ரமசிங்க...இலங்கைக்கான இந்திய தூதருடன் ஆலோசனை

பிரதமர் ரணில் விக்ரமசிங்க, அலரிமாளிகையில் தனது பணிகளைத் தொடங்கியுள்ளார். இலங்கைக்கான இந்திய தூதர் ஆலோசனை மேற்கொண்டார்.

Published: Friday, May 13, 2022, 13:04 [IST]

Subscribe to Oneindia Tamil

கொழும்பு: இலங்கையின் 25வது பிரதமராக பதவியேற்றுள்ள ரணில் விக்ரமசிங்க அலரி மாளிகையில் தனது பணிகளைத் தொடங்கினார். இன்றைய தினம் அவருடன் இலங்கைக்கான இந்திய தூதர் கோபால் பாக்லே ஆலோசனை மேற்கொண்டார்.

இலங்கை மிகக் கடுமையான பொருளாதார நெருக்கடியில் சிக்கித் தவித்து வரும் நிலையில், பிரதமராக இருந்த மகிந்த ராஜபக்சே தனது பதவியை ராஜினாமா செய்து விட்டு அலரி மாளிகையை காலி செய்து விட்டு தப்பி ஓடி தலைமறைவானார்.

Ranil Wickremesinghe Meets Indian High Commissioner at Alari maligai

நாட்டில் நெருக்கடி நிலை நீடிக்கிறது... மக்களின் போராட்டம் ஓயவில்லை என்றாலும் கோத்தபாய ராஜபக்சே தனது அதிபர் பதவியை ராஜினாமா செய்யாமல் நீடிக்கிறார். அவர் ராஜினாமா செய்யாமல் போராட்டத்தைக் கைவிடப்போவதில்லை என்று மக்கள் தெருவில் இறங்கி போராடி வருகின்றனர்.

இதனையடுத்து அதிபர் கோத்தபய ராஜபக்சேவின் அழைப்பின் பேரில் இலங்கையின் பிரதமராக மிக இக்கட்டான சூழலில் ரணில் விக்ரமசிங்க பதவியேற்றிருக்கிறார். நேற்றைய தினம் அந்த நாட்டின் புதிய பிரதமராக 6 வது முறையாக ரணில் விக்ரமசிங்க பதவியேற்றார்.

பதவியேற்ற கையோடு நேற்று செய்தியாளர்களைச் சந்தித்த ரணில் விக்ரமசிங்க, இலங்கையின் பொருளாதாரத்தை உயர்த்துவதற்கான சவாலை நான் ஏற்றுக்கொண்டிருக்கிறேன். எங்களிடம் பொருளாதார செயல் திட்டம் இருக்கிறது. நான் இலங்கையின் பொருளாதாரத்தை உயர்த்துவேன். எங்கள் அரசாங்கத்தின் கீழ் இலங்கை-இந்தியா இடையிலான உறவு மிகவும் சிறப்பாக இருக்கும். இந்தியா- இலங்கை உடனான உறவு மேலும் வலுப்படுத்தப்படும்'' என்றார்.

இந்த நிலையில் சற்று முன்னர் அலரி மாளிகையில் தனது பணிகளைத் தொடங்கினார் ரணில் விக்ரமசிங்க.
இலங்கைக்கான இந்திய தூதருடன் கோபால் பாக்லே உடன் பேச்சுவார்த்தையில் ஈடுபட்டார். அதன்பின்னர், நாட்டின் தற்போதய நிலைமை மற்றும் எதிர்காலத்திட்டங்கள் உள்ளிட்டவை குறித்து ஆலோசித்தார்.