இலங்கை பொருளாதாரத்தை 'தூக்கி நிறுத்த' போகும் இரு தமிழர்கள்.. யார் இவர்கள்?

Updated: Friday, April 8, 2022, 8:49 [IST]

Subscribe to Oneindia Tamil

கொழும்பு: இலங்கையில் ஏற்பட்டுள்ள பொருளாதார நெருக்கடியை சமாளித்து நிலைமையை முன்பு இருந்தது போல் மீட்டெடுக்க பொருளாதார நிபுணர்கள் அடங்கிய ஆலோசனை கமிட்டியை அந்நாட்டு அரசு அமைத்துள்ளது.

Recommended Video

SriLanka பொருளாதாரத்தை எடுத்து நிறுத்தப்போகும் தமிழர்கள் | Oneindia Tamil

இலங்கையில் வரலாறு காணாத வகையில் அன்னிய செலாவணி தட்டுப்பாடு ஏற்பட்டுள்ளது. இதனால் அத்தியாவசிய பொருட்களின் விலை கடுமையாக உயர்ந்துவிட்டது. பெட்ரோல் டீசல் தட்டுப்பாடு, தொடர் மின் வெட்டு போன்ற காரணங்களால் மக்கள் வீதிக்கு வந்து போராடினர்.

இதையடுத்து இலங்கையில் பதற்றம் அதிகமாக உள்ள இடங்களில் 144 தடையுத்தரவு போடப்பட்டது. இந்த நிலையில் அதிபர் கோத்தபய ராஜபக்ச, பிரதமர் மகிந்தா ராஜபக்ச ஆகியோரை தவிர மற்ற அமைச்சர்கள் ராஜினாமா செய்துவிட்டனர்.

புதிதாக நியமனம்

இந்த நெருக்கடியில் புதிதாக நியமிக்கப்பட்ட நிதியமைச்சர் அலி சப்ரியும் ஒரே நாளில் தனது பதவியை ராஜினாமா செய்துவிட்டார். நாட்டின் பொருளாதாரம் கடுமையாக பாதிக்கப்பட்டுள்ள நிலையில் பொருளாதார ஆலோசனை குழுவை நேற்றைய தினம் நியமித்தது. இவ்வாறு நியமிக்கப்பட்டுள்ள ஆலோசனை குழுவினரின் பணி பொருளாதாரத்தை மீட்டெடுப்பதாகும்.

குழு எதற்கு

இந்த குழுவினர் இலங்கை தொடர்புடைய நிறுவனங்கள், சர்வதேச நிதியத்திடம் கடன் பெறுவது தொடர்பாக அதிகாரிகளுடன் பேச்சுவார்த்தையில் ஈடுபடுவர். நாட்டின் நிலையான நீடித்த வளர்ச்சிக்கு சரியான வழிகாட்டுதல்களை வழங்கும்.

குழுவில் யார் யார்

இந்த குழுவில் இலங்கை மத்திய வங்கியின் முன்னாள் கவர்னர் இந்திரஜித் குமாரசுவாமி, இலங்கையின் ஜார்ஜ் டவுன் பல்கலை., பேராசிரியரும், உலக வங்கியின் முன்னாள் தலைமை பொருளாதார நிபுணருமான சாந்தா தேவராஜன், சர்வதேச நிதியத்தின் திறன் மேம்பாட்டு நிறுவனத்தின் முன்னாள் இயக்குனர் ஷர்மினி கூரே உள்ளிட்டோர் இடம் பெற்றுள்ளனர். இந்த குழுவில் இடம் பெற்றுள்ள 3 பேரில் இருவர் தமிழர்கள். சாந்தா தேவராஜனும் இந்திரஜித்தும் தமிழர்கள்.

வேறு என்ன மாற்றம்

இதனிடையே இலங்கை மத்திய வங்கியின் ஆளுநராக இருந்த அஜித் நிவார்டு கேப்ரால் கடந்த செப்டம்பர் மாதம் பதவியேற்றார். ஆனால் அவர் 7 மாதங்களில் கடந்த வாரம் தனது பதவியை ராஜினாமா செய்தார். இதனால் அந்த பதவிக்கு நந்தலால் வீரசிங்கேவை நியமித்து அதிபர் அலுவலகம் உத்தரவு பிறப்பித்துள்ளது. அது போல் மத்திய வங்கியின் பொருளாளராக இருந்த எஸ்.ஆர். அட்டிகேலேவுக்கு பதிலாக கே எம் எம் சிரிவர்தனே நியமிக்கப்பட்டுள்ளார்.