DA 2% hike: மத்திய அரசு ஊழியர்களுக்கான 2 சதவீதம் அகவிலைப்படி உயருமா! பட்ஜெட்டில் எதிர்பார்ப்பு

டெல்லி: மத்திய அரசு ஊழியர்கள் மற்றும் ஓய்வூதியதாரர்களுக்கு வழங்கப்படும் அகவிலைப்படி (DA) மற்றும் அகவிலை நிவாரணம் (DR) தலா 2% உயரலாம் என்ற எதிர்பார்ப்பு எழுந்துள்ளது. இந்த உயர்வு, தற்போது தாக்கல் செய்யப்படும் மத்திய பட்ஜெட்டில் அறிவிக்கப்படுமா? என்ற கேள்வியும் எழுந்துள்ளது.

இந்த அகவிலைப்படி உயர்வு, 7-வது ஊதியக் குழு அடிப்படையில் உள்ள ஊழியர்களுக்காக கணக்கிடப்படுகிறது. 7-வது ஊதியக் குழுவின் காலம் 2025 டிசம்பர் 31-ல் முடிந்தாலும், 8-வது ஊதியக் குழு பரிந்துரைகள் முழுமையாக அமலாகும் வரை அகவிலைப்படி வழங்குவது தொடரும்.

ஏன் 2% உயர்வு எதிர்பார்க்கப்படுகிறது?

2025 டிசம்பர் மாதத்திற்கான அகில இந்திய நுகர்வோர் விலைக் குறியீடு (AICPI-IW) 148.2 ஆக இருந்தது. கடந்த 12 மாதங்களின் சராசரி மதிப்பு 145.54 ஆக கணக்கிடப்பட்டுள்ளது. ஜனவரி-143.2, பிப்ரவரி-142.8, மார்ச்-143, ஏப்ரல்-143.5, மே-144, ஜூன்-145, ஜூலை-146.5, ஆகஸ்ட்-147.1, செப்டம்பர்-147.3, அக்டோபர்-147.7, நவம்பர்-148.2, டிசம்பர்-148.2.

இந்த தரவுகளின் அடிப்படையில், 2026 ஜனவரிக்கான அகவிலைப்படி (DA) விகிதம் 60.33% ஆகக் கணக்கிடப்பட்டுள்ளது. இந்த மதிப்பு [{12 மாத சராசரி AICPI-IW (145.54) X 2.88} - 261.42] / 261.42 X 100 என்ற formula- வை பயன்படுத்தி பெறப்பட்டது. அரசு முழு எண்களில் அறிவிப்பதால், இது 60% ஆகக் கருதப்படும்.
இந்த உயர்வு எப்போது அறிவிக்கப்படும்?

அகவிலைப்படி உயர்வு பொதுவாக வருடத்திற்கு இருமுறை (ஜனவரி, ஜூலை) அறிவிக்கப்படும். இந்த முறை மார்ச் மாதத்தில், ஹோலி பண்டிகைக்கு முன் அறிவிப்பு வெளியாகும் என எதிர்பார்க்கப்படுகிறது.

ஊழியர்களுக்கு எவ்வளவு சம்பளம் கூடும்?

இந்த 2% உயர்வால் மாதச் சம்பளத்தில் வரும் மாற்றம்:

ரூ.20,000 அடிப்படை சம்பளம் → ரூ.400 அதிகம்

ரூ.50,000 அடிப்படை சம்பளம் → ரூ.1,000 அதிகம்

ரூ1,00,000 அடிப்படை சம்பளம் → ரூ.2,000 அதிகம்

அகவிலைப்படி (DA) என்றால் என்ன?

அகவிலைப்படி என்பது பணவீக்கம் காரணமாக சம்பள மதிப்பு குறையாமல் இருக்க அரசு ஊழியர்களுக்கு வழங்கப்படும் கூடுதல் தொகை. இது அடிப்படை சம்பளத்தின் சதவீதமாக வழங்கப்படுகிறது.
விலைவாசி உயர்ந்தால், அகவிலைப்படியும் அதிகரிக்கும்.

AICPI-IW என்றால்?

AICPI-IW என்பது தொழிலாளர்கள் பயன்படுத்தும் பொருட்கள், சேவைகளின் விலை மாற்றங்களை மாதந்தோறும் அளக்கும் ஒரு குறியீடு இந்த தரவுகளின் அடிப்படையில்தான்
சம்பளம் அகவிலைப்படி ஊதிய மாற்றங்கள்
கணக்கிடப்படுகின்றன.

மொத்தத்தில், மத்திய அரசு ஊழியர்கள் மற்றும் ஓய்வூதியதாரர்களுக்கு 2% அகவிலைப்படி உயர்வு கிடைக்கும் வாய்ப்பு அதிகம், ஆனால் அதிகாரப்பூர்வ அறிவிப்பு வந்த பிறகே உறுதி செய்யப்படும்.

English summary

Expectations are rising that the central government may increase Dearness Allowance (DA) and Dearness Relief (DR) by 2% each for its employees and pensioners. With the Union Budget currently being presented, there is growing anticipation over whether this long-awaited hike will be officially announced in the budget.