அடுத்த சிக்கல்.. தடுப்பூசி செலுத்திக் கொள்ள தயங்கும் மக்கள்.. எய்ம்ஸ் டாக்டர்கள் கவலை

டெல்லி: கொரோனாவிற்கு எதிராக முற்றிலும் இந்தியாவிலேயே உருவாக்கப்பட்டு வரும் கோவாக்சினை இறுதிகட்ட சோதனையில் போட்டுக்கொள்ள 200 தன்னார்வலர்களே முன்வந்துள்ளனர். இறுதிகட்ட சோதனைக்கு குறைந்தபட்சம் 1500 முதல் 2000 தன்னார்வலர்கள் தேவை என டெல்லி எய்ம்ஸ் மருத்துவமனை தெரிவித்துள்ளது. தன்னார்வலர்கள் தடுப்பூசியை போட்டுக்கொள்ள தயங்குவது சோதனையை தாமதப்படுத்தும்.

கோவிட் -19 தடுப்பூசிக்கான காத்திருப்பு விரைவில் முடிவடையும் என்று தேசம் நம்புகிறது, இந்த செயல்முறை எதிர்பார்த்ததை விட அதிக நேரம் ஆகலாம். தடுப்பூசி சோதனைகள் இந்தியாவில் விக்கல்களை எதிர்கொள்கின்றன, ஏனெனில் சோதனைகளில் பங்கேற்க முன்னேறுபவர்களின் எண்ணிக்கை குறைந்து வருகிறது.

கொரோனாவிற்கு எதிராக முற்றிலும் இந்தியாவிலேயே தயாரிக்கப்பட்டு வரும் தடுப்பூசி கோவாக்சின். இதை ஹைதராபாத்தைச் சேர்ந்த பாரத் பயோடெக் நிறுவனமும், ஐசிஎம்ஆரும் இணைந்து தயாரித்து வருகின்றன. முதல் இரண்டு கட்ட சோதனைகள் வெற்றிகரமாக முடிந்துவிட்டன. இறுதிகட்ட சோதனைக்கு கோவாக்சின் தயாராகி வருகிறது.

இறுதி சோதனை

பாரத் பயோடெக் தடுப்பூசி கோவாக்சின் தடுப்பூசியை நாடு முழுவதும் மனிதர்களுக்கு செலுத்தி மருத்துவ பரிசோதனை செய்யும் பணிகள் நடந்து வருகிறது. ஆனால் நிலைமை கவலை அளிக்கும் வகையில்மாறி வருகிறது. ஏனெனில் தடுப்பூசி தயாரிப்பாளர்கள் இந்திய மருந்து கட்டுப்பாடு அதிகாரிகளிடமிருந்து அவசரகால பயன்பாட்டு அங்கீகார ஒப்புதலுக்கு விண்ணப்பித்துள்ள நிலையில், குறைந்த எண்ணிக்கையிலான தன்னார்வலர்களே சோதனை செயல்முறையின் ஒரு பகுதியாக இருக்க தயாராக இருப்பதால் சோதனை மெதுவாகவே செல்கிறது.

சோதனை மருந்துகள்

சோதனைகளின் முதன்மை ஆய்வாளரும், டெல்லி எய்ம்ஸ் மருத்துவ கல்லூரியின் சமூக மருத்துவ பேராசிரியர் டாக்டர் சஞ்சய் ராய் இதுபற்றி கூறுகையில். "ஒரு ஆரோக்கியமான தன்னார்வலர் எங்களுடன் பதிவு செய்யும்போது, ​​நெறிமுறைகள் பின்பற்றி தடுப்பூசி அல்லது சோதனை மருந்துகளை வழங்க செயல்படுகிறோம். உண்மையில் சோதனை மருந்துகள் (placebo) எடுக்க மக்கள் இப்போது தயங்குகிறார்கள். தடுப்பூசி எடுக்கும் போது 50-50 வாய்ப்பு இருக்கும் போது நாங்கள் ஏன் தன்னார்வத் தொண்டு செய்ய வேண்டும் என்று கேட்கிறார்கள். அத்துடன் கோவிட் -19 தடுப்பூசி எப்படியும் இந்தியாவில் சில வாரங்களில் கிடைக்கும் என்று அவர்கள் நம்புகிறார்கள்

இப்போது அதிகம்

தற்போது சோதனையில் பங்கேற்க மறுக்கும் தன்னார்வலர்களின் மறுப்பு விகிதம் அதிகரித்துள்ளது. மூன்றாம் கட்டத்திற்கு, மறுப்பு விகிதம் சுமார் 70-80 சதவீதம் ஆகும் . முந்தைய சூழலை. ஒப்பிடுகையில், சோதனையின் முதல் கட்டத்தில், மறுப்பு விகிதம் 10 சதவீதத்திற்கும் குறைவாகவே இருந்தது, "என்று அவர் கூறினார்.

2500 பேர் தேவை

சோதனையின் முதல் கட்டத்தில் 100 தன்னார்வ இடங்களுக்கு 4,500 விண்ணப்பதாரர்கள் இருந்தார்கள். 2வது கட்ட சோதனையில் 50 இடங்களுக்கு 4,000 தன்னார்வலர்கள் வந்தார்கள். ஆனால் இறுதிகட்டத்தில் (. 3 ஆம் கட்டத்தில்0, 2,500 தன்னார்வலர்கள் தேவை. இருப்பினும், சுமார் 200-300 பேர் மட்டுமே இந்த சோதனையில் பங்கேற்க முன்வந்துள்ளார்கள்" என்றார்.

English summary

Bharat Biotech vaccine Covaxin is currently under phase 3 of the human clinical trials stage across the country. The vaccine trials are facing hiccups in India, as the number of people stepping forward to participate in the trials is declining.