இலவச வேக்சின்.. தனியாருக்கும் கட்டுப்பாடு.. மத்திய அரசின் முடிவால் என்னென்ன பயன்? முழு விபரம்

Updated: Monday, June 7, 2021, 20:47 [IST]

Subscribe to Oneindia Tamil

டெல்லி: உச்ச நீதிமன்றமும், மாநில அரசுகளும் கடுமையாக விமர்சனங்களை வைத்த நிலையில் மத்திய அரசு தனது வேக்சின் கொள்கையை மாற்றியுள்ளது. மத்திய அரசின் புதிய வேக்சின் கொள்கை மக்களுக்கு பெரிய அளவில் பலன் அளிக்க போகிறது.

இந்தியாவில் கடந்த 6 மாதங்களாக கடும் வேக்சின் தட்டுப்பாடு நிலவி வருகிறது. கோவாக்சின், கோவிட்ஷீல்ட் என்று இரண்டு வேக்சின்கள் இந்தியாவிலேயே உற்பத்தி செய்யப்பட்டாலும் மத்திய அரசின் வேக்சின் கொள்கையால் மாநில அரசுகள் கடுமையாக திணறின.

மத்திய அரசு போதுமான வேக்சினை ஆர்டர் செய்ய தவறியதால், மக்களுக்கு உரிய நேரத்தில் வேக்சின் போட முடியவில்லை. மாநில அரசுகளும் சர்வதேச டெண்டர் விட்டு, அதனால் எதுவும் பலன் கிடைக்காமல் கஷ்டப்பட்டு வந்தன.

மாற்றம்

இந்த நிலையில்தான் மத்திய அரசு தனது வேக்சின் கொள்கையை மாற்றியுள்ளது. பிரதமர் மோடி நாடு முழுக்க 18 வயதுக்கு மேற்பட்டோருக்கு இலவசமாக வேக்சின் கொடுப்பதாகவும், இனிமேல் மத்திய அரசே தடுப்பூசிகளை வினியோக்கும், முழுமையாக மத்திய அரசே நடத்தும் என்று பிரதமர் மோடி தெரிவித்துள்ளார். இனிமேல் மத்திய அரசே தடுப்பூசிகளை வினியோக்கும், முழுமையாக மத்திய அரசே நடத்தும் என்று கூறியுள்ளார்.

எப்படி திட்டம்

இந்த திட்டம் குறித்த முழு விபரம் பின்வருமாறு,

இலவச வேக்சின் 18+ வயது கொண்ட எல்லோருக்கும் அளிக்கப்படும்.

இந்தியாவில் உற்பத்தி செய்யப்படும் வேக்சினில் 75% மத்திய அரசு மூலம் வாங்கப்பட்டு மாநில அரசுகளுக்கு தரப்படும்

இந்தியாவில் உற்பத்தி செய்யப்படும் வேக்சினில் 25% வேக்சினை தனியார் வாங்கிக்கொள்ளும்.

ஜூன் 21 முதல் இந்த திட்டம் அமலுக்கு வரும்.

மாநிலங்களுக்கு வேக்சின் விநியோகம் செய்வதன் 100% பணிகளை மத்திய அரசே மேற்கொள்ளும்.

கட்டுப்பாடு

அதோடு இதில் கவனிக்க வேண்டிய விஷயம் தனியார் மருத்துவமனைகள் தங்கள் வேக்சின் விற்பனையில் 150 ரூபாய் மட்டுமே சர்வீஸ் சார்ஜ் விதிக்க முடியும். அதாவது வேக்சின் விலையை விட கூடுதலாக 150 ரூபாய் வரை மட்டுமே சர்வீஸ் சார்ஜ் விதிக்க முடியும். மத்திய அரசின் இந்த திட்டம் காரணமாக மக்கள் பல்வேறு பயன்களை அடைவார்கள்.

பயன்

மத்திய அரசின் திட்டத்தால் ஏற்பட போகும் பயன்கள் பின்வருமாறு.

18+ வயது கொண்ட எல்லோருக்கும் இலவச வேக்சின் கிடைக்கும்.

சர்வதேச வேக்சின் டெண்டரை மத்திய அரசு கோரும், வெளிநாடுகளில் இருந்து வேக்சின் கொண்டு வருவது எளிமையாகும்.

அமெரிக்காவை சேர்ந்த பைசர், மாடர்னா போன்ற வேக்சின்கள் வேகமாக இந்தியா வர வாய்ப்புள்ளது.

மாநில அரசுகளுக்கு கூடுதல் விலைக்கு வேக்சின் கொடுத்த சீரம், பாரத் பயோடெக் போன்ற நிறுவனங்கள், குறைந்த விலைக்கு மத்திய அரசுக்கு கொடுக்கும் வாய்ப்புள்ளது.

சர்வீஸ் சார்ஜ் கட்டுப்பாட்டால் தனியார் மருத்துவமனையில் கூடுதல் விலைக்கு வேக்சின் விற்க முடியாது.

ஆனால்

ஆனால் அதே சமயம் மாநிலங்களுக்கு எப்படி வேக்சின் பிரித்து கொடுக்கப்படும் என்ற கேள்வியும் உள்ளது. பாகுபாடு இன்றி வேக்சின் தரப்படுமா? பாஜக ஆளாத மாநிலங்களுக்கும் சரியான முக்கியத்துவம் கொடுக்கப்படுமா என்ற கேள்வி எழுந்துள்ளது.