டெல்லியில் ஜி 20 மாநாடு: ஏர்போர்ஸ் விமானத்தில் கெத்தாக வந்து இறங்கிய ஜோ பைடன்!
டெல்லி: ஜி 20 மாநாடு டெல்லியில் நாளை தொடங்க இருக்கும் நிலையில், அமெரிக்க அதிபர் ஜோ பைடன் ஏர்போர்ஸ் 1 விமானம் மூலம் டெல்லி விமான நிலையம் வந்தடைந்தார். அவரை மத்திய அமைச்சர் வி கே சிங் வரவேற்றார்.
இந்தியா அர்ஜென்டினா, ஆஸ்திரேலியா, பிரேசில், கனடா, சீனா, பிரான்ஸ், ஜெர்மனி, இந்தோனேசியா, இத்தாலி, ஜப்பான், மெக்சிகோ, உருசியா, சவுதி அரேபியா, தென்ஆப்பிரிக்கா, தென்கொரியா, துருக்கி, பிரிட்டன், அமெரிக்கா மற்றும் ஐரோப்பியா ஒன்றியம் உள்ளிட்ட நாடுகள் ஜி 20 மாநாட்டில் அங்கம் வகிக்கின்றன. ஒவ்வொரு ஆண்டும் சுழற்சி முறையில் ஜி 20 மாநாட்டுக்கு ஒரு நாடு தலைமை வகிக்கும்.
அந்த வகையில் கடந்த ஆண்டு இந்தோனேசியா நாடு தலைமை வகித்தது. நடப்பு ஆண்டில் இந்தியா ஜி 20 மாநாட்டுக்கு தலைமை வகிக்கிறது. டெல்லியில் ஜி 20 உச்சி மாநாடு வரும் செப்டம்பர் 9, 10 ஆகிய இரண்டு நாட்கள் நடைபெறுகிறது. இதற்காக தலைநகர் டெல்லியில் பாதுகாப்பு ஏற்பாடுகள் பலப்படுத்தப்பட்டுள்ளது. சர்வதேச நாடுகளின் தலைவர்கள் இந்தியாவில் ஒன்றாக அணி திரண்டு பங்கேற்க உள்ளனர்.
அமெரிக்கா அதிபர் ஜோ பைடன், இங்கிலாந்தின் பிரதமர் ரிஷி சுனக், பிரான்ஸ் அதிபர் இமானுவேல் மேக்ரான், ஆஸ்திரேலியா பிரதமர், சவுதி அரேபியா இளவரசர் முகமது பின் சல்மான் என ஏராளமான தலைவர்கள் டெல்லியில் நடைபெறும் ஜி 20 மாநாட்டில் பங்கேற்கின்றனர். ரஷ்யா சார்பில் புதின் பங்கேற்கவில்லை. புதினுக்கு பதிலாக ரஷ்ய வெளியுறவுத்துறை அமைச்சர் பங்கேற்கிறார்.
டெல்லிக்கு வரும் வெளிநாட்டு தலைவர்கள் தங்குவதற்காக டெல்லியில் உள்ள முக்கியமான நட்சத்திர விடுதிகள் அனைத்தும் தயார் நிலையில் உள்ளன. தற்போதே உச்ச கட்ட பாதுகாப்பு வளையத்திற்குள் தலைவர்கள் தங்கும் நட்சத்திர ஓட்டல்கள் கொண்டு வரப்பட்டுள்ளன. அமெரிக்க அதிபர் ஜோ பைடன் டெல்லியில் உள்ள ஐடிசி மவுரியா ஓட்டலில் தங்குகிறார்.
மாநாடு நாளை தொடங்க உள்ள நிலையில், அமெரிக்க அதிபர் ஜோ பைடன் இன்று மாலை 6. 55 மணி அளவில் டெல்லி இந்திராகாந்தி விமான நிலையத்திற்கு வந்தடைந்தார். அவரை மத்திய அமைச்சர் வி கே சிங் வரவேற்றார். ஏர்போர்ஸ் 1 என்ற தனி விமானம் மூலம் ஜோ பைடன் வருகை புரிந்தார். ஜோ பேடன் வருகையொட்டி அமெரிக்க அதிபர்கள் பயணிக்கும் தி பீஸ்டு காடில் லாக் காரும் டெல்லி வந்துள்ளது. இந்த காரிலேயே அவர் பயணம் மேற்கொண்டு உள்ளார். அமெரிக்க அதிபர் ஜோ பைடன் டெல்லியில் உள்ள ஐடிசி மவுரியா ஓட்டலில் தங்குகிறார்.
Click it and Unblock the Notifications
Sign in with Google