ப்பா அடி மேல் அடி.. 4 நாளில் எல்லாம் போச்சு.. புதிய பங்கு விற்பனையை கைவிட்ட அதானி என்டர்ப்ரைஸ்!

மார்க்கெட் என்பது மோசமான நிலையில் உள்ளது. எங்களின் பங்கு மதிப்பில் தொடர்ந்து மாற்றங்கள் ஏற்பட்டு வருகின்றன. மோசமான சூழ்நிலை காணப்படுகிறது. இப்போது பங்குகளை விற்பது சரியாக இருக்காது என்று அதானி தெரிவித்துள்ளார்

Updated: Thursday, February 2, 2023, 7:17 [IST]

Subscribe to Oneindia Tamil

டெல்லி: அதானி குழுமங்களில் ஒன்றான அதானி என்டர்ப்ரைஸ் நிறுவனம் பங்குசந்தையில் புதிய பங்குகளை விற்பனை செய்வதை நிறுத்துவதாக அறிவித்து உள்ளது. 20 ஆயிரம் கோடி நிதி திரட்டுவதற்காக அந்த நிறுவனம் வெளியிட இருந்த பங்குகளை மொத்தமாக நிறுத்துவதாக அறிவித்துள்ளது.

இந்த புதிய பங்குகள் மீது ஏற்கனவே முதலீடு செய்ய ஆர்வம் காட்டி பங்குகளுக்கு பணம் கொடுத்து இருந்த நிறுவனங்கள், மக்களுக்கு அந்த பணம் திருப்பி அளிக்கப்படும் என்றும் அதானி குழுமம் தெரிவித்துள்ளது. பங்கு சந்தை மிகவும் கடுமையான, ஆபத்தான நிலையில் இருப்பதால் இந்த முடிவை எடுத்துள்ளதாக அதானி குழுமம் தெரிவித்துள்ளது.

அதானி குழுமம் மீது ஹிண்டர்ன்பர்க் நிறுவனம் சரமாரி புகார்களை வைத்து உள்ளது. இதனால் அந்த நிறுவனத்தின் பங்குகள் வேகமாக சரிந்து வருகின்றன.

அதானி நிறுவனம்

அதானி நிறுவனம் தனது வருமானத்தை பொய்யாக உயர்த்தி காட்டி உள்ளது, உறவினர்களை பயன்படுத்தி போலியான நிறுவனங்களை வெளிநாட்டில் தொடங்கி போலி பரிவர்த்தனை அறிக்கை வெளியிட்டு உள்ளது. இதன் மூலம் பங்குகளை பொய்யாக உயர்த்தி அதை வைத்து கடனும் வாங்கி உள்ளது, அதாவது பொய்யாக கொண்டு வரப்பட்ட முதலீடுகள் மூலம் பொய்யாக உயர்த்தப்பட்ட பங்குகளை வைத்து கடன் வாங்கி உள்ளது. கையில் பணமே இல்லாமல் எல்லாம் பொய்யான முதலீடுகள் மூலம் வரவு செலவு இருப்பதாக காட்டி ஏமாற்றி உள்ளது. தனது வரவு செலவு அறிக்கையில் மோசடி, வரி ஏய்ப்பு, மோசடியாக பண பரிமாற்றம் செய்துள்ளது என்று புகார்களை அதானி குழுமம் மீது இந்த ஹிண்டர்ன்பர்க் வைத்தது.

ஹிண்டர்ன்பர்க்

இந்த அறிக்கை காரணமாக அதானி குழுமத்தின் சந்தை மூலதன மதிப்பு 31 சதவிகிதம் சரிவை பதிவு செய்துள்ளது. இது இந்திய மதிப்பில் சுமார் 6 லட்சம் கோடி ரூபாய் என கூறப்படுகிறது. இந்திய மதிப்பில் ஒரு குழுமத்தின் பங்கு 4 நாட்களில் இவ்வளவு பெரிய சரிவை சந்தித்ததே இல்லை. அதிலும் நேற்று அதானி குழுமத்தின் பங்குகள் எல்லாம் மிக மோசமாக சார்ந்துள்ளன. கடந்த 4 நாட்களில் அதானியின் டோடல் கேஸ் பங்குகள் மட்டும் 50 சதவிகிதம் சரிந்துள்ளன. அதானி குழுமத்தின் பங்குகள் உண்மையான நிலையை அடையும் வரை அவர் தொடர்ந்து சரிந்து கொண்டேதான் இருக்கும் என்று எதிர்பார்க்கப்படுகிறது.

கைவிட்டது

இந்த நிலையில்தான் அதானி குழுமங்களில் ஒன்றான அதானி என்டர்ப்ரைஸ் நிறுவனம் பங்குசந்தையில் புதிய பங்குகளை விற்பனை செய்வதை நிறுத்துவதாக அறிவித்து உள்ளது. 20 ஆயிரம் கோடி நிதி திரட்டுவதற்காக அந்த நிறுவனம் வெளியிட இருந்த பங்குகளை மொத்தமாக நிறுத்துவதாக அறிவித்துள்ளது. மார்க்கெட் என்பது மோசமான நிலையில் உள்ளது. எங்களின் பங்கு மதிப்பில் தொடர்ந்து மாற்றங்கள் ஏற்பட்டு வருகின்றன. மோசமான சூழ்நிலை காணப்படுகிறது. இப்போது பங்குகளை விற்பது சரியாக இருக்காது.

பங்கு

இந்த நேரம் பங்குகளை விற்பது தர்மப்படி சரியாக இருக்காது. அதனால் பங்குகளை விற்கும் முடிவை கைவிடுகிறோம். முதலீட்டாளர்கள் பங்குகளை வாங்கி நஷ்டம் அடைவதை நாங்கள் விரும்பவில்லை என்று அதானி குழுமம் தனது அறிக்கையில் தெரிவித்துள்ளது. இந்த குழுமத்தின் அதானி என்டர்ப்ரைஸ் பங்குகள் 20000 கோடியை ஒரு பங்கு 1 ரூபாய் என்ற விலைக்கு அதானி என்டர்ப்ரைஸ் நிறுவனம் விற்க முன் வந்தது. ஆனால் இதை வாங்க பெரிதாக சில்லறை வர்த்தக நிறுவனங்கள் விரும்பவில்லை. சில பெரு நிறுவனங்கள் மட்டுமே இதை வாங்க ஒப்புக்கொண்டன. இந்த நிலையில்தான் அதானி என்டர்ப்ரைஸ் பங்குகள் நேற்று 28 சதவிகிதம் சரிந்தன. அதானி குழுமங்களில் ஒன்றான அதானி என்டர்ப்ரைஸ் நிறுவனம் பங்குசந்தையில் புதிய பங்குகளை விற்பனை செய்வதை நிறுத்துவதாக அறிவித்து உள்ளது.